Okwolekebwa 9:3 - Baibuli Ekibono kya Katonda 2014

³ Mu mwosi omwo mwavaamu enzige, dheeyugha ku nsi era dhaagheebwa obukumu ng'oti n'obwa siga ow'oku nsi.

Okwolekebwa 9:3 ပူးပေါင်းရင်းမြစ်များ

1 Bakyabazinga 12:11

Kale ni oba nga lata wange yabakaluubiriza ekibitiriire, nze ndidha kwongera bwongere okubakaluubiriza einho. Era oba nga lata wange yabakangaivulanga ng'abakubisa enkoba edhabuliidho, nze ndidha kubakangaivulanga nga mbakubisa enkoba edhiriku obusuna!’ ”

2 Ebyomubyanda 10:11

Kale ni oba nga lata wange yabataaku ekikoligo ekizito, nze ndidha kukyongeraku obuzito. Era oba nga lata wange yabakangaivulanga ng'abakubisa enkoba edhabuliidho, nze ndidha kubakangaivulanga nga mbakubisa enkoba edhiriku obusuna!’ ”

2 Ebyomubyanda 10:14

yaajiira ku g'abaisuka ge baamugha, ng'akoba ati: “Oba nga lata wange yabataaku ekikoligo ekizito, nze ndidha kukyongeraku obuzito. Era oba nga lata wange yabakangaivulanga ng'abakubisa enkoba edhabuliidho, nze ndidha kubakangaivulanga nga mbakubisa enkoba edhiriku obusuna!”

Isaia 33:4

Abantu baatwala ebintu byago ng'omunhago, baabituumiraku ng'oti nzige, baabinhaagaana.

Ezekieli 2:6

“Era iwe omuntu otabatyanga waire okutyanga bye boogera. Ni bw'onaababangamu ng'oti n'omuntu ali mu nkandwa ni mu mawa, oba ng'oti n'atyaime ku siga, otatyanga badheemu abo bye boogera waire okudhugumira olw'emmoga yaibwe eidhwire obukambwe.

Yoeli 1:4

Ebikuukuulu n'ebikuukuulu eby'enzige byaidha, byagwa ku bisimbe; nga buli kikuukuulu ekisookagho kirya nga bwe kisobola, ate bye kireseegho byaliibwa ekikuukuulu ekindi ekiiragho.

Yoeli 2:25

Ndibairizaagho bye mwafiirwa ebyaliibwa ebikuukuulu n'ebikuukuulu eby'enzige edhaidha, nze mwene dhe nasindika okubalumba ng'eigye eryange eikologho.

Nahumu 3:15

Aye, ni bwemunaakola mutya, era omuliro gwidha kubookya, babaitire mu lutalo, era babamalegho ng'enzige bwe dhimalagho ebisimbe. Mwazaalagana inho ng'oti nzige.

Nahumu 3:17

Abakungu baimwe bali kamaala ng'oti n'enzige bwe dhiba enhingi einho. Bwe kuba okwinhogovu dhiba ku nkomera, aye endhuba bw'evaayo ni kusuughaku, dhiguluka dhaabulagho nga ghazira n'asobola kumanha ghe dhijiire.

Luka 10:19

Muboine! Nabagha obukumu okuniinirira emisota ni siga, n'okughangula amaani goonagoona ag'omuzigu. Ghazira kintu kyonakyona kiribakola kabi.

Amateeka Agokubiri 8:15

Yababisa mu irungu einene era eritiisa, omwali emisota n'ebiyiri eby'obusagwa. Mu irungu omwo omuzira maadhi, yaabafunira amaadhi okuva mu lubaale olubbalangufu.”

Okwolekebwa 9:5

Dhaaloberwa okubaita, aye dhibaleetere bwa bulumi okumala entangama ya myezi etaanu, era nga obulumi obwo buli ng'oti n'omuntu bw'awulira nga siga amulumye.

Okwolekebwa 9:7

Mu mboneka, enzige dhaali ng'oti n'embalaasi edhitegekeibwa okuja mu lutalo. Ku mitwe gyadho nga kuliku ebyaboneka ng'oti ngule dha zaabu mu maiso nga dhiboneka ng'oti bantu.

Abalamuzi 7:12

Abamidia, n'Abamaleki, n'abatyamye b'e buvandhuba, baali nga bamaze okwidhula woonawoona mu kiiko. Nga bali kamaala ng'oti nzige, era nga engamiya dhe bali nadho tidhibalika ng'oti n'omusenho ku bukalu bw'enhandha.