Okwolekebwa 8:9 - Baibuli Ekibono kya Katonda 2014

⁹ Ekitonde ekiramu kirala kirala ku buli bitonde bisatu eby'omu nhandha kyafa, n'eryato irala irala ku buli maato asatu lyazikirizibwa.

Okwolekebwa 8:9 ပူးပေါင်းရင်းမြစ်များ

Zabbuli 48:7

Era baaba ng'oti n'amaato ag'e Tarushishi, agamenhebwamenhebwa kiwunga ow'amaani ava e buvandhuba.

Okuvaayo 7:21

Ebyenhandha ebyali mu mwiga Kiyira byafa era omwiga ogwo gwaduuka ekiwunha ekinene ng'Abamisiri tibaghanga na kunhwa maadhi gaamu. Buli ghantu mu Misiri nga ghaidhwire bwa musaayi.

Isaia 2:16

Alisaaniagho amaato goonagoona ag'e Tarushishi, yaasaaniagho n'ebintu byonabyona ebyakolebwa ebisanhusa okubona.

Isaia 23:1

Buno n'obukwenda obugema ku Tiro. Muwowoole amaziga imwe ab'amaato g'e Tarushishi. Ekibuga kyaimwe Tiro bakizikiriiza, tighakaaligho ndhu oba kifo kya kwewogomamu. Amawulire ago gabatuuseeku nga gaviira mu nsi Kupuro.

Zekaria 13:8

Abantu ab'omu nsi yoonayoona baligabanizibwamu ebitundu bisatu. Abaliba mu bitundu ebibiri ku bisatu ebyo baliitibwa baazikirira. Kitundu kirala kyonka ku ebyo n'ekiribaamu abalisigalagho nga balamu.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Okwolekebwa 12:4

Omukira gwagwo gwagheebya emuunienie ndala ndala ku buli muunienie isatu edh'oku igulu, gwadhisuula ku nsi. Ogusota ogwo gwayemerera mu maiso ag'omukazi eyali ali okumpi okuzaala, gumire omwana we nga yaakamala okumuzaala.

Okwolekebwa 16:3

Malaika owokubiri yaayugha ekibya mu nhandha. Enhandha yaafuuka ng'oti n'omusaayi ogw'omuntu omufu era kiisi kiramu kyonakyona ekyali mu nhandha kyafa.

Okwolekebwa 8:10

Malaika owokusatu yaafuuwa eigwala lye. Emuunienie enkologho yaaghanuka ku igulu ng'eyaka ng'oti kisiki, yaagwa ku kitundu kirala kirala ku buli bitundu bisatu eby'emiiga, ni ku nsulo edh'amaadhi.

Okwolekebwa 8:12

Malaika owokuna yafuuwa eigwala lye. Ekitundu kirala kirala ku buli bitundu bisatu eby'endhuba, n'ekitundu kirala kirala ku buli bitundu bisatu eby'omwezi, n'ekitundu kirala kirala ku buli bitundu bisatu eby'emuunienie byakubwa; olwo kyaba nti ekitundu kirala kirala ku buli bitundu bisatu eby'obutangaavu bwabyo kyafuuka nzikiiza. Ekitundu kirala kirala ku buli bitundu bisatu eby'olunaku, n'ekitundu kirala kirala ku buli bitundu bisatu eby'obwire, byaba nzikiiza.

Okwolekebwa 8:7

Malaika asooka yaafuuwa eigwala lye, omugozi n'omuliro nga bitabwirwamu n'omusaayi byamagala ku nsi. Ekitundu kirala kirala ku buli bitundu bisatu eby'ensi kyaya, n'ekitundu kirala kirala ku buli bitundu bisatu eby'emiti kyaya, era n'eisubi eibisi lyonalyona lyaya.

Okwolekebwa 9:15

Agho bamalaika abana baasibululwa nga baategekebwa ira okwita omuntu mulala mulala ku buli bantu basatu ku saawa eyo, ku lunaku olwo, mu mwezi ogwo mu mwaka ogwo.

Okwolekebwa 9:18

Ebibamba bino ebisatu: omuliro, n'omwosi, n'obunhota bwa salufa, ebyavanga mu kanwa omw'embalaasi edho, byaita omuntu mulala mulala ku buli basatu.