Okwolekebwa 8:3 - Baibuli Ekibono kya Katonda 2014

³ Ghaidhagho malaika owundi, yaayemerera gh'alutaari ng'ali n'ekiniokezebwaku obubbaani ekya zaabu, era yaagheebwa obubbaani kamaala abuyimbe n'okusaba kw'abatuukirivu ku alutaari eya zaabu eri gha mberi gh'ekityamo.

Okwolekebwa 8:3 ပူးပေါင်းရင်းမြစ်များ

1 Bakyabazinga 7:50

ebikopo, makansu edhisala ebisiriiza ku ntambi, ebibya, ebintu bye bataaku obubbaani, ebintu eby'okutwaliraku amanda agaliku omuliro, pata edh'endhigi edh'omu Kifo Ekitukuvu Einho n'edh'endhigi edh'eisinzizo edh'okuliya. Ebintu ebyo byonabyona byali bya zaabu.

Zabbuli 141:2

Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Okuvaayo 40:26

Yaata alutaari eyakolebwa mu zaabu mu Weema Entukuvu emberi w'olutimbe olwawula Ekifo Ekitukuvu Einho ku Kifo Ekitukuvu.

Isaia 6:6

Agho ekindi ku bitonde kyaguluka, kyaidha ye ndi nga kiri n'eryanda eririku omuliro, lye kyatoola ku alutaari nga kikozesa entooleso.

Ezekieli 41:22

alutaari ya mbaawo. Kyali n'obugulumivu okuja ghaigulu nga bugheza mita isatu, era kyaba n'obuleeyi ghansi nga bwagayaga n'obugazi bwakyo, mita ndala ndala. Kyaliku ebikondo mu buli nsonda nga byonabyona bya muti, era nga mu mbali mwakyo mulimu mbaawo, ni ghansi waakyo woona ghaabaagho mbaawo. Omusaadha yankoba ati: “Eno n'emeeza eba mu maiso ga Musengwa Katonda.”

Amosi 9:1

Nabona Musengwa Katonda ng'ayemereire ku mbali kw'alutaari, era yaalagira ati: “Kuba emitwe egy'empagi edh'eisinzizo okutuusa lwe linaatengeeta. Era menha emitwe egy'empagi edho dhikube emitwe egy'abantu boonaboona. Abo abataafe mu nsambo eyo, ndidha kubasindika bafiire mu lutalo. Ku abo ezira aja kulumukagho waire okuwonagho.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Okubala 4:11

“Agho baidha kughembanga olugoye lwa bbululu ku alutaari eyakolebwa mu zaabu, era okwo baghembeku ekintu ekyakolebwa mu mawu g'embuzi, memale bagiteeku emiti gyayo egy'okugibbeedesa.

Okubala 7:62

Era ekigheebwayo kye kyalimu ekintu ekibaamu obubbaani kirala ekyakolebwa mu zaabu, nga kizitogha guraamu kikumi na ikumi era nga kiidhwire obubbaani.

Luka 1:10

Abantu abeesoloza boonaboona baali ku luya nga basaba, mu saawa ey'okuniosa obubbaani.

Ab'e Roma 8:34

Ghazira aghanga kubasingisa musango, kuba Kurisito Yesu mwene eyafa ate n'azuukira, era atyaime ku mukono omusaadha ogwa Katonda n'atwogererayo.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

Okwolekebwa 10:1

Agho naabona malaika owundi ow'amaani ng'ava mu igulu. Yali avaire ekireri, era ku mutwe gwe nga kuliku musoke, mu maiso ge ng'ali kwaka ng'oti ndhuba, ate amagulu ge nga gali ng'oti mpango dha muliro.

Okwolekebwa 14:18

Agho malaika owundi ali n'obukumu ku muliro yaava ku alutaari. Yaayeta n'amaani ng'akoba ole ali n'omuwolo omwogi ati: “Kozesa omuwolo gwo okungule ebifaaganda eby'emizabbibu egy'oku nsi, kuba emizabbibu gyaku gyenze.”

Okwolekebwa 5:8

Bwe yakola ekyo, ebitonde ebiramu ebina (4) n'abakulembeze amakumi abiri n'abana (24), beeyala mu maiso ag'Entaama Ento. Buli mulala yali n'entongooli, n'ebibya ebya zaabu ebiidhwire obubbaani ng'okwo n'okusaba okw'abatuukirivu.

Okwolekebwa 6:9

Entaama Ento bwe yakakampula akamanhiso akokutaanu, naabona ghansi gh'alutaari emyoyo gy'abo abaitibwa olw'okwikiriza ekibono kya Katonda n'olw'okukidhulira.

Okwolekebwa 7:2

Era naabona malaika owundi ng'ali kuniinaniina okuva e buvandhuba, ng'ali n'ekitaaku akamanhiso ka Katonda omulamu. Yaayeta n'amaani bamalaika abana abaali bagheereibwa obukumu okuzikiriza obukalu n'enhandha ku nsi.

Okwolekebwa 8:4

Omwosi gw'obubbaani n'okusaba kw'abatuukirivu byaja ghaigulu nga biva mu ngalo dha malaika ali mu maiso ga Katonda.

Okwolekebwa 8:5

Malaika oyo yaatoola ekiniokezebwaku obubbaani ekyo, yaakiidhuza omuliro ng'agutoola ku alutaari, yaakisuula ku nsi. Agho ghaabaagho okutyabuka okw'olukuba, okududumuka, okumyansa okw'eigulu, n'ensi okutengeeta.

Okwolekebwa 9:13

Agho malaika owomukaaga yaafuuwa eigwala lye. Naawulira amamiro nga gava mu mayiga ana ag'alutaari eya zaabu eri mu maiso ga Katonda.