Okwolekebwa 7:9 - Baibuli Ekibono kya Katonda 2014

⁹ Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.

Okwolekebwa 7:9 ပူးပေါင်းရင်းမြစ်များ

Amainhama 13:16

Ndidha kufuula baidhukulu bo okuba abangi ng'oti nkungu mu nsi kibe nti ole bw'alisobola okubala enkungu mu nsi, olwo ni baidhukulu bo boona baliba basobola okubalwa.

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Zabbuli 2:8

Bw'onsaba eky'okufuga amaghanga goonagoona ndidha kukikugha, era nkughe ensi yoonayoona ebe yiyo.

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 76:4

Ekitiisa kye kimesunkana, era atambula ng'akaadha, bw'aba ng'ava mu nsozi ye yaghangulira abazigu be.

Zabbuli 77:2

Bwemba mu bizibu nsaba Musengwa Katonda; obwire bwonabwona mpanika amakono gange nga tiwulira na kuluyirira, aye naabulwa ansaasiraku.

Zabbuli 98:3

Yakuuma ekisuubizo, kye yasuubiza endhu ya Isiraeli, eky'okubagonzanga obutalekera n'okubanga omwesigwa ye bali. Okuva ensi y'eva okutuuka y'ekanga, abantu boonaboona baabona obughanguzi bwa Katonda waife obulokola.

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Yeremia 3:17

Mu kiseera ekyo Yerusalemu kiriba kyetebwa ekityamo eky'obwakyabazinga ekya Musengwa Katonda. Abantu abamaghanga goonagoona balyesololeza eyo okunsinza nze Musengwa Katonda, nga tibakairayo kukola ebyo emyoyo gyaibwe emikalangufu era emibi bye gyenda.

Ezekieli 47:5

Kabiri era yaapima obuleeyi obundi nga bwona bwa mita ebikumi bitaanu (500). Agho gwali gufuuse mwiga gwene nga tisobola kugutambulamu, kuba amaadhi gaali maleeyi inho. Omuntu nga tasobola kugatambulamu okutoolaku nga yeewuze bwewuge.

Danieli 4:1

Buno n'obukwenda kyabazinga Nebukadinezzari bwe yagheereza eri abantu boonaboona ab'omu nsi yoonayoona, abava mu maghanga goonagoona, era aboogera enimi dhoonadhoona: “Emiraala gyeyongerenga okuba mu imwe.

Danieli 6:25

Ebyo nga biwoire, kyabazinga Dario yaaghandiikira abantu boonaboona, abava mu maghanga goonagoona, era aboogera enimi dhoonadhoona, ati: “Emiraala gyeyongerenga okuba mu imwe.

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Abalevi 23:40

Ku lunaku olwo olusooka, munaatwalanga ku bibala eby'emiti gyaimwe ebisinga bulungi. Munaatwalanga ensaga edh'emiti eminaazi, n'ensaga edh'emiti egy'amakaba amangi, n'obuti obukulira ku mbali kw'omwiga, memale mwasagamba okumala enaku musanvu, nga musaaka Musengwa Katonda waimwe.

Zekaria 10:8

Ndifuuwa akaleetu okweta abantu bange abo, naabasololeza ghalala; kuba ninze nabanunula. Era ndibaleetera okwiramu okwala, baaba kamaala nga bwe baalinga eira.

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Luka 12:1

Mu kiseera ekyo abantu baali nga beesoloiza kamaala inho era nga bali na kuniinaganaku. Agho Yesu yaasookera ku Beegeresebwa be yaakoba ati: “Mweghale ekizimbulukusa eky'Abafarisaayo nkoba obuguya bwaibwe.

Luka 21:36

Mulingirire inho ebirigho era musabe, musobole okuwona ebyo ebija okubaagho era n'okwemerera mu maiso g'Omwana w'Omuntu.”

Yoanne 12:13

Baagema ensaga edh'emiti eminaazi baaja okumusangaaza, era baaleekaana bati: “Hosanna, wa nkabi oyo aidha mu liina lya Musengwa! Era wa nkabi Kyabazinga wa Isiraeli.”

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

Ab'Efeso 6:13

Kale ni mutoole eby'okulwanisa byonabyona ebya Katonda, mughange okuguma ku lunaku omuzigu lw'abalumba, era bwe mulimaliriza okulwana okutuuka ku nkomerero, musigale nga muli bagumu.

Abaheburayi 11:12

Kale waire Aburahamu yali omukaire awoireyo, yavaamu abaidhukulu kamaala inho ng'oti n'emuunienie edh'oku igulu era ng'oti musenho ogw'oku mbali okw'enhandha ogutabalika.

Abaheburayi 12:22

Aye imwe mwidhie ku lusozi Sioni era mu kibuga kya Katonda omulamu, Yerusalemu eky'omu igulu, eyeesololeiza bamalaika olukunkumuli.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 22:3

Teribaayo kabiri kikolimo. Ekityamo eky'obwakyabazinga ekya Katonda era eky'Entaama Ento, n'ekinaabanga mu kibuga omwo era abagheereza ba Katonda banaamusinzanga.

Okwolekebwa 3:18

“Kale nkugha amagezi onguleku zaabu alongooseibwa mu muliro osobole okuba omukombe, onguleku ebivaalo ebyeru ovaale owone ensoni edh'okubita ekidu, era onguleku obulezi obw'okusiiga ku maiso go oghange okubona.

Okwolekebwa 4:4

Okwezungulula ekityamo eky'obwakyabazinga ekyo, ghaaligho ebityamo ebindi eby'obwakyabazinga amakumi abiri na bina (24), nga kutyaimeku abakulembeze amakumi abiri na bana nga bali mu bivaalo ebyeru, era bavaire engule edha zaabu ku mitwe.

Okwolekebwa 5:11

Agho naabona era naawulira amamiro ga bamalaika, enkumi n'enkumi, obukaire n'obukaire, nga beezungulwire ekityamo eky'obwakyabazinga n'ebitonde ebiramu, n'abakulembeze.

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.

Okwolekebwa 6:11

Agho kiisi mulala yaagheebwa ekivaalo ekyeru, era baabakoba okuteegaku akaseera katono, okutuusa omughendo gw'abagheereza banaibwe, era baganda baibwe ab'okwitibwa nga beene, lwe gulighera.

Okwolekebwa 7:8

ab'omu kika kya Zebuluni omutwalo mulala n'enkumi ibiri (12,000); ab'omu kika kya Yosefu omutwalo mulala n'enkumi ibiri (12,000); n'ab'omu kika kya Benjamini boona omutwalo mulala n'enkumi ibiri (12,000).