Okwolekebwa 7:11 - Baibuli Ekibono kya Katonda 2014

¹¹ Bamalaika boonaboona baayemerera nga beezungulwire ekityamo eky'obwakyabazinga era nga beezungulwire ab'obukumu n'ebitonde ebiramu ebina (4), beeyala gha mberi gh'ekityamo, nga balinze ghansi, baasinza Katonda,

Okwolekebwa 7:11 ပူးပေါင်းရင်းမြစ်များ

Zabbuli 45:11

kyabazinga aidha kwenda obulungi bwo. Oyo ni musengwa wo, oteekwa okumuwuliranga.

Zabbuli 97:7

Abo boonaboona abasinza ebitali Katonda, ni beesaaka olw'okwesiga ebifaananie obufaananie ebyo ebiziramu na muganhulo, baswazibwa; kuba ebyo byonabyona bimukubira amakiryaivu.

Matayo 4:10

Agho Yesu yaamukoba ati: “Sitaani ja ere! Kuba kyaghandiikibwa kiti, ‘Osinzanga Musengwa Katonda wo, era ni yenka y'ogheerezanga.’ ”

Yoanne 5:23

Abantu boonaboona bate mu Mwana ekinhagansi nga bwe bata mu Lata ekinhagansi. Kiisi atata mu Mwana kinhagansi, ni Ise eyamutuma tamutaamu kinhagansi.

Abaheburayi 1:6

Era Kabiri ng'ali kumpi okutuma mu nsi Omwana we omuberi yaakoba ati: “Bamalaika ba Katonda boonaboona, bamusinzenga.”

Okwolekebwa 11:16

Agho abakulembeze amakumi abiri n'abana (24) abatyama mu maiso ga Katonda ku makonero gaibwe ag'obwakyabazinga, beeyala ghansi baasinza Katonda.

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

Okwolekebwa 22:9

Aye yankoba ati: “Leka otageza kukola ekyo! Zeena ndi mugheereza mwino, ni baganda bo abalanzi era n'abo abagema ebibono ebiri mu kitabo kino. Katonda y'obe osinze.”

Okwolekebwa 4:10

ng'abakulembeze amakumi abiri n'abana (24) beeyala mu maiso g'oyo atyaime ku kityamo eky'obwakyabazinga, baamusinza oyo omulamu ebyanda n'ebyanda. Era engule dhaibwe baadhiisa gha mberi gh'ekityamo nga bakoba bati:

Okwolekebwa 4:4

Okwezungulula ekityamo eky'obwakyabazinga ekyo, ghaaligho ebityamo ebindi eby'obwakyabazinga amakumi abiri na bina (24), nga kutyaimeku abakulembeze amakumi abiri na bana nga bali mu bivaalo ebyeru, era bavaire engule edha zaabu ku mitwe.

Okwolekebwa 4:6

Emberi gh'ekityamo ekyo, nga ghaligho enhandha eri ng'oti kirawuli, era ng'ebitamu amaiso. Ate okwezungulula ekityamo ekyo, ku buli luuyi lwakyo, ng'eriyo ebitonde ebiramu bina, nga biidhwire amaiso emberi n'einhuma.

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”