Okwolekebwa 6:4 - Baibuli Ekibono kya Katonda 2014

⁴ Yaavaayo embalaasi eyindi, nga myufu. Eyali ali kugivuga, ng'agheereibwa okuleeta entalo ku nsi, abantu baitagane. Era baamugha empiima endeeyiriri.

Okwolekebwa 6:4 ပူးပေါင်းရင်းမြစ်များ

Zabbuli 17:13

Wo Musengwa Katonda, idha olwane n'abazigu bange obaghangule! Kozesa empiima yo omponie, nve mu ngalo dh'abakozi b'ebibi.

Danieli 5:19

Era olw'okuba yamugha okuba omukologho, ekyo kyaleetera abantu boonaboona, abava mu maghanga goonagoona, era aboogera enimi dhoonadhoona, okumutyanga n'okudhugumiranga mu maiso ge. Oyo ye yayendanga okwita ng'amwita, ate ye yayendanga okulekagho ng'akaali mulamu ng'amulekagho ng'akaali mulamu. Oyo ye yayendanga akugha ekitiisa ng'akimugha, ate ye yayendanga okukimutoolaku ng'akimutoolaku yaamuleetera okunhoomebwa.

Zekaria 1:8

Naabona malaika wa Musengwa Katonda ng'ali kuvuga embalaasi emyufu, ng'agyemereiza mu miti egy'ebisaka egyali mu kiiko. Einhuma we yaliyo embalaasi edhindi emyufu, n'edha kikuusikuusi, n'endheru.

Zekaria 6:2

Ekigaali ekyasooka kyali n'embalaasi dha kasaayisaayi nga dhiri kukighaluza, ate ekyokubiri kyaba n'embalaasi ndhirugavu nga n'edhiri kukighaluza.

Matayo 10:34

“Mutadhuuba muti naidha kuleeta miraala ku nsi tyaidha kuleeta miraala, aye ntalo.

Matayo 24:6

Muliwulira entalo ghano ni ghale, mwekuume, mutatabulwa ebyo biri n'okubaagho, aye ng'enkomerero ekaali.

Yoanne 19:11

Yesu yaamwiramu ati: “Tiwandibaire na bukumu ku nze nguli tibwakugheebwa Katonda. Kale ampaireyo mu ngalo dho n'ali n'ekibi ekisinga.”

Okwolekebwa 12:3

Era ku igulu kwabonekaku ekirikoliko ekindi: ogusota ogunene ogumyufu nga guli n'emitwe musanvu n'amayiga ikumi, nga ku buli mutwe kuliku engule.

Okwolekebwa 13:10

Kiisi muntu eyategekerwa okunhagibwa, alitwalibwa mu bunhage. Era kiisi muntu eyategekerwa okwitibwa empiima, alifa mpiima. Agho ni abatuukirivu bateekwa okuba n'okwikiriza era n'okuguminkiriza.

Okwolekebwa 17:3

Agho mu Mwoyo, malaika yantwala mu irungu, naabona omukazi ng'atyaime ku kisolo ekya kasaayisaayi. Kyali kiidhwire amaina agavuma Katonda, era nga kiri n'emitwe musanvu, n'amayiga ikumi.

Okwolekebwa 17:6

Naabona ng'omukazi atamiire omusaayi gw'abatuukirivu, n'ogw'abo abaitibwa olw'okudhulira Yesu. Bwe namubona, neewuunhia inho!