Okwolekebwa 5:5 - Baibuli Ekibono kya Katonda 2014

⁵ Agho owundi ku bakulembeze yankoba ati: “Otalira. Bona, oyo ayetebwa Empologoma, ow'omu ighanga lya Yuda, mwidhukulu wa Daudi yaghangula, era asobola okukakampula obumanhiso omusanvu, n'okuzingulula enzingo ey'ekitabo.”

Okwolekebwa 5:5 ပူးပေါင်းရင်းမြစ်များ

1 Bakyabazinga 10:20

Ghaaligho n'ebifaananie ebindi eby'empologoma ikumi na bibiri, nga dheemereire ndala ndala ku luuyi ni ku luuyi okwa buli idaala, ku madaala gale omukaaga. Tighaalighooku kityamo kya bwakyabazinga kyakolebwa kabiri mu bwakyabazinga bundi, nga kifaanana n'ekyo.

2 Ebyomubyanda 9:18

Ekityamo ekyo kyaliku amadaala mukaaga, n'ekintu ky'otaaku ebigere ekya zaabu. Kyabaaku ni kw'ota emikono eruuyi n'eruuyi, nga ku mbali okwa buli mukono, ghaligho ekifaananie ky'empologoma eyemereire.

Yobu 41:15

Ebigalagamba byayo ebigumu bigyewuliza. Bisibagaine byabbalanguka ng'oti ibaale.

Isaia 11:1

Ng'olusaga bwe lusibukira ku kikonge ky'omuti ogutemeibwa, ni mu baidhukulu ba Yesse mutyo bwe mulisimukamu kyabazinga.

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Yeremia 31:16

Aye nze Musengwa Katonda nkoba nti lekera agho okulira, weeyeye amaziga mu maiso. Byonabyona bye wakolera abaana bo biidha kukusasulwamu empeera, kuba baliira okuva mu nsi ey'abazigu.

Danieli 7:16

Kale naatuukirira owundi ku bantu abaali beemereire agho, naamubuuza ekituufu ekigema ku kubonekerwa okwo. Agho yankobera amakulu g'ebyo bye nabonekerwa, ati:

Okubala 24:9

Babwama era baalambaala ng'oti mpologoma. Naani akana okubasitusa? Kiisi asabira Abaisiraeli abo enkabi, yeena agheebwenga enkabi. Kiisi abakolimira, yeena akolimirwenga.”

Luka 23:28

Yesu yaakyuka yaabakoba ati: “Bakazi imwe ab'e Yerusalemu mutalira nze, aye mwerire beene n'abaana baimwe

Luka 7:13

Musengwa bwe yamubona yaamusaasira, yaamukoba ati: “Otalira.”

Luka 8:52

Boonaboona abaaligho, baali mu kulira na kugegenga. Aye yaabakoba ati: “Mutalira, tafiire aye atendwike!”

Yoanne 20:13

Baamukoba bati: “Mukazi iwe, olirira ki?” Yaabairamu ati: “Batoiremu Musengwa wange era tiidhi ghe bamutaire.”

Ab'e Roma 1:3

Amawulire Amalungi gano gafa ku Mwana we, Musengwa waife Yesu Kurisito. Mu mubiri yali wa mu luzi lwa Daudi

Ab'e Roma 15:12

Era ni Isaia akoba ati: “Mwidhukulu wa Yesse aliidha, baamutaagho okufuga abamaghanga agandi. Era mu oyo eisuubi lyaibwe mwe liriba.”

Abaheburayi 7:14

Kimanhiibwa bukalamu nga Musengwa waife yali wa mu kika kya Yuda, Musa ky'ataayogeraku nga kirivaamu bakabona.

Okwolekebwa 1:1

Bino n'ebintu Yesu Kurisito bye yayoleka abagheereza be. Ebintu bino nga biri n'okubaagho amangu. Kurisito yatuma malaika we yaabimanhisa omugheereza we Yoanne.

Okwolekebwa 22:16

“Nze Yesu, ntumye malaika wange okubakobera ebintu bino mu bikunsu eby'abandhikiriza. Ndi wa ku luzi lwa Daudi era nsimuka mu oyo. Ninze emuunienie ey'oku nkyo eyaka einho.”

Okwolekebwa 3:21

Oyo aghangula, ndimugha obukumu obw'okutyama ninze ku kityamo kyange eky'obwakyabazinga, nga zeena bwe naghangula ni ntyama ni Lata ku kityamo kye eky'obwakyabazinga.

Okwolekebwa 4:10

ng'abakulembeze amakumi abiri n'abana (24) beeyala mu maiso g'oyo atyaime ku kityamo eky'obwakyabazinga, baamusinza oyo omulamu ebyanda n'ebyanda. Era engule dhaibwe baadhiisa gha mberi gh'ekityamo nga bakoba bati:

Okwolekebwa 4:4

Okwezungulula ekityamo eky'obwakyabazinga ekyo, ghaaligho ebityamo ebindi eby'obwakyabazinga amakumi abiri na bina (24), nga kutyaimeku abakulembeze amakumi abiri na bana nga bali mu bivaalo ebyeru, era bavaire engule edha zaabu ku mitwe.

Okwolekebwa 5:4

Nze naalira inho amaziga okubona nga ghabuzeegho omuntu naire omulala ati, agwaine okuzingulula enzingo ey'ekitabo n'okugisomamu.

Okwolekebwa 6:1

Agho naabona Entaama Ento ng'ekakampula akalala ku bumanhiso omusanvu, era naawulira kirala ku bitonde ebiramu ebina (4), nga kyogera mu mamiro agali ng'oti kutyabuka kwa lukuba kiti: Idha!

Okwolekebwa 7:13

Agho owundi ku bakulembeze yambuuza ati: “Abo abavaire ebivaalo ebyeru ni baani, era bava gha?”