Okwolekebwa 5:1 - Baibuli Ekibono kya Katonda 2014

¹ Naabona enzingo y'ekitabo mu mukono omusaadha ogw'oyo atyaime ku kityamo eky'obwakyabazinga, ng'eghandiikiibwa munda ni ku ngulu era ng'esibiibwaku n'obumanhiso musanvu.

Okwolekebwa 5:1 ပူးပေါင်းရင်းမြစ်များ

Isaia 29:11

Amakulu goonagoona agali mu kubonekerwa, gabafuukiire ng'oti n'ekitabo kye basibyeku akamanhiso ekitasoboka kuwumbululwa naire. Bw'okitwalira ole aidhi okusoma, n'omukoba oti: “Nsomeraamuuku,” airamu ati: “Tisobola, kuba bakisibyeku akamanhiso, tikisoboka kuwumbululwa.”

Isaia 34:16

Mwagaaze mu kitabo kya Musengwa Katonda, musomemu mubone: Mwidha kuzuula nga ku bitonde ebyo tikulibaaku waire ekirala kiti ekitaliba eyo. Era tighalibaagho kisaadha kitaliba na kiinaakyo ekikazi. Musengwa Katonda mwene n'eyalagira bibe bityo, era mwene oyo n'alibisolokeza aghalala.

Isaia 8:16

Imwe abeegeresebwa bange mugumire ku bye mbasikiriire era mukalangukire ku bye mbeegereisa.

Danieli 8:26

Era okubonekerwa okugema ku misengo egigheebwayo enkyo n'eigulo kwe nkwinhonhoire, kwidha kutuukirira. Aye iwe kuuma ebiri mu kubonekerwa okwo nga bya kyama, kuba ghaidha kubitagho ekiseera kinene memale bituukirire.”

Zekaria 5:1

Kabiri naafuna okubonekerwa okundi, era okuja okulinga nti nga mbona enzingo y'ekitabo, ng'eri kugulukira mu ibbanga.

Okwolekebwa 10:2

Yali n'akazingo ak'ekitabo akatono mu ngalo, nga kazingulule. Ekigere kye ekisaadha yaakita ku nhandha, ate ekigooda yaakita ku bukalu.

Okwolekebwa 4:3

Oyo eyali akityaimeku, emboneka ye, ng'amesunkana ng'amabaale ga yasipera ni sarudio. Musoke yali yeezungulwire ekityamo ekyo, nga amesunkana ng'oti n'eibaale lya semaragido.

Okwolekebwa 4:9

Ebitonde ebiramu ebyo byaghanga ekitiisa oyo atyaime ku kityamo eky'obwakyabazinga omulamu ebyanda n'ebyanda, nga bimusaaka era nga bimweyanza. Bwe byabanga nga bikola bityo,

Okwolekebwa 5:13

Era naawulira buli kitonde mu igulu, ni ku nsi, ni ghansi mu bafu, ni mu nhandha, byonabyona nga bikoba biti: “Oyo atyaime ku kityamo eky'obwakyabazinga era n'Entaama Ento, asaakibwe, agheebwe ekitiisa, asinzibwe, era abenga wa maani ebyanda n'ebyanda!”

Okwolekebwa 5:7

Yaaja, yaatoola enzingo ey'ekitabo mu mukono omusaadha ogw'oyo atyaime ku kityamo eky'obwakyabazinga.

Okwolekebwa 6:1

Agho naabona Entaama Ento ng'ekakampula akalala ku bumanhiso omusanvu, era naawulira kirala ku bitonde ebiramu ebina (4), nga kyogera mu mamiro agali ng'oti kutyabuka kwa lukuba kiti: Idha!

Okwolekebwa 6:16

Baakoba ensozi n'agabaale bati: “Mutugweku mutugise, oyo atyaime ku kityamo eky'obwakyabazinga alobe kutubona. Mutuwonie obusungu obw'Entaama Ento,

Okwolekebwa 8:1

Entaama Ento bwe yakakampula akamanhiso akomusanvu, mu igulu yaabaayo akasiriikiriro okumala nga kitundu kya saawa.