Okwolekebwa 4:9 - Baibuli Ekibono kya Katonda 2014

⁹ Ebitonde ebiramu ebyo byaghanga ekitiisa oyo atyaime ku kityamo eky'obwakyabazinga omulamu ebyanda n'ebyanda, nga bimusaaka era nga bimweyanza. Bwe byabanga nga bikola bityo,

Okwolekebwa 4:9 ပူးပေါင်းရင်းမြစ်များ

Zabbuli 47:8

Katonda atyama ku kityamo kye ekitukuvu eky'obwakyabazinga, yaafuga amaghanga goonagoona.

Zabbuli 48:14

muti: “Katonda ono, ni Katonda waife ebyanda n'ebyanda. Ono n'aidha okutukulemberangamu ebyanda n'ebyanda.”

Okuvaayo 15:18

Musengwa Katonda ni kyabazinga aidha okufuganga ebyanda n'ebyanda.”

Isaia 6:1

Mu mwaka kyabazinga Uzzia gwe yafiiramu, nabona Musengwa Katonda ng'atyaime ku kityamo kye eky'obwakyabazinga, ekigungumavu era nga kya kitiisa. Era ng'ekivaalo kye eky'oku ngulu kyeyandhulwiza okubuna eisinzizo.

Danieli 12:7

Agho Malaika oyo eyali avaire ebivaalo ebighegheevu era eyali ere omwiga ye gwali guli kuviira, yaagololera emikono gye gyombi y'eigulu. Era naamuwulira ng'ali kulayira Katonda omulamu ebyanda n'ebyanda, ng'akoba ati: “Giriba emyaka esatu n'ekitundu. Abazigu bwebalikiriga abantu ba Katonda okutuusa okubamala amaani, ebintu ebyo byonabyona birituukirizibwa.”

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Amateeka Agokubiri 32:40

Ngololera omukono gwange y'eigulu, naalayira nti: ‘Nga bwendi omulamu ebyanda n'ebyanda,

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

Abaheburayi 7:8

Bwe twogera ku bakabona, ekintu ekirala ekirala ku buli bintu ikumi, kigheebwa abantu obuntu era abafa n'okufa. Aye bwe twogera ku Melekizedeki, kyagheebwa oyo akakasibwa nti mulamu.

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.

Okwolekebwa 10:6

yaalayira mu liina lya Katonda omulamu ebyanda n'ebyanda, eyatonda eigulu ni byonabyona ebirimu, n'ensi ni byonabyona ebirimu, n'enhandha ni byonabyona ebirimu. Malaika oyo yaakoba ati: “Tighakaali kulwa.

Okwolekebwa 15:7

Agho ekindi ku bitonde ebiramu ebina (4) kyagha bamalaika omusanvu ebibya musanvu ebya zaabu, ebiidhwire obusungu bwa Katonda omulamu ebyanda n'ebyanda.

Okwolekebwa 21:5

Agho eyali atyaime ku kityamo eky'obwakyabazinga yankoba ati: “Bona! Ebintu byonabyona mbiiza buyaaka.” Era yankoba ati: “Bino bighandiike, kuba ebibono bino bituufu era bya mazima.”

Okwolekebwa 4:2

Amangu ago Mwoyo yandidhaku, era naabona ekityamo eky'obwakyabazinga mu igulu nga kiriku akityaimeku.

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”

Okwolekebwa 5:1

Naabona enzingo y'ekitabo mu mukono omusaadha ogw'oyo atyaime ku kityamo eky'obwakyabazinga, ng'eghandiikiibwa munda ni ku ngulu era ng'esibiibwaku n'obumanhiso musanvu.

Okwolekebwa 6:16

Baakoba ensozi n'agabaale bati: “Mutugweku mutugise, oyo atyaime ku kityamo eky'obwakyabazinga alobe kutubona. Mutuwonie obusungu obw'Entaama Ento,

Okwolekebwa 7:15

Kyebava ni baba gha mberi gh'ekityamo kya Katonda, ni bamugheereza omusana n'obwire mu isinzizo lye. Era oyo atyaime ku kityamo eky'obwakyabazinga anaabanga nabo ng'abakuuma.