Okwolekebwa 4:8 - Baibuli Ekibono kya Katonda 2014

⁸ Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”

Okwolekebwa 4:8 ပူးပေါင်းရင်းမြစ်များ

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Okuvaayo 3:14

Katonda yaamwiramu ati: “NDI OYO ALIGHO. Ekyo ky'obe oje okobe Abaisiraeli oti, ‘NDI antumye ye muli.’ ”

Isaia 13:6

Muwowoole amaziga kuba olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Isaia 62:1

Ku lwa Sioni nze tiidha kusirika, ku lwa Yerusalemu tiidha kuwuumula naire, okutuusa nga kimaze okununulwa, n'obughanguzi bwakyo bwayaka ng'oti muliro.

Ezekieli 1:18

Enkede edho dhaaliku empanka n'empagi, era nga dhiriku amaiso dhoonadhoona okudheezunguluza.

Ezekieli 1:5

Era ghagati agho nga ghaligho ebintu bina, ebyaboneka ng'oti n'ebitonde ebiramu. Byali biboneka ng'oti bantu,

Ezekieli 1:6

aye nga buli kirala kiri n'obweni bwa mikuzi ena era kyaba n'amaghagha ana.

Ezekieli 10:12

bikerubi byali biidhwire amaiso ku mibiri gyabyo gyonagyona, ni ku mikono gyabyo, ni ku maghagha gaabyo, ni ku nkede dhaabyo, ni ku mpagi edh'omu nkede edho.

Yoeli 1:15

Tukagwireku! Olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Ebikolwa by'Abatume 20:31

Kale ni mwekuume era mwidhukire nga namala emyaka esatu nga tiyosa omusana n'obwire okubalabula, kiisi mulala mu imwe nga bwe ndira n'amaziga.

2 Ab'e Korintho 6:18

Ndiba lata waimwe, era mwena muliba batabane bange ni baghala bange. Atyo Musengwa Aghanga Ebintu Byonabyona bw'akoba.”

1 Ab'e Thessalonika 2:9

Aboluganda, mwidhukira bwe twakolanga nga tufaabiikana omusana n'obwire, tulobe kukaluubiriza muntu yeenayeena ku imwe nga tubakobera Amawulire Amalungi aga Katonda.

1 Timotheo 4:16

Weekuume mu nsambo ye weebisaamu, era ni mu by'oyegeresa, era weekalangulire ku ebyo, kuba bw'okola otyo, olyerokola iwe mwene, era n'abo abakuwulira.

2 Timotheo 4:2

Koberanga abantu ekibono, badeebe oba bakisiima oba tibakisiima, bainhonhole, obanenie era obagumye, obeegerese n'obuguminkiriza.

Abaheburayi 13:8

Yesu Kurisito nga bwe yali olwaidho, bw'ali n'olwaleero, era bw'aliba ebyanda n'ebyanda.

Okwolekebwa 1:4

Ninze Yoanne nga mpandiikira Ebikunsu eby'Abaikiriza mu Kurisito omusanvu ebiri mu Asia. Katonda oyo aligho, eyaligho era aliidha, abaghe enkabi n'emiraala. Era n'emyoyo omusanvu egiba agho gha mberi gh'ekityamo kye gikole gityo.

Okwolekebwa 1:8

Musengwa Katonda Aghanga Ebintu Byonabyona akoba ati: “Ninze Alufa ni Omega entoolo era Enkomerero, aligho, eyaligho era aliidha.”

Okwolekebwa 11:17

Baakoba bati: “Tukweyanza Musengwa Katonda, Aghanga Ebintu Byonabyona, aligho era eyaligho. Kuba okozeisa obukumu bwo waatoolera okufuga.

Okwolekebwa 14:11

Omwosi ogw'okudaazibwadaazibwa kwaibwe gwa kunioka ebyanda n'ebyanda. Era abasinza ekisolo n'ekifaananie kyakyo, na kiisi yeenayeena eyateebwaku akamanhiso k'eriina lyakyo, tibaligheeraku omusana n'obwire.”

Okwolekebwa 14:3

Baayemba olwembo mu maiso ag'ekityamo eky'obwakyabazinga, n'ag'ebitonde ebiramu ebina (4), n'ag'abakulembeze. Olwembo olwo nga luyaaka era nga ghazira wundi asobola kulwega, okutoolaku abo bonka emitwalo eikumi n'ena n'enkumi eina (144,000), abaali bamaze okununulwa mu nsi.

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.

Okwolekebwa 15:7

Agho ekindi ku bitonde ebiramu ebina (4) kyagha bamalaika omusanvu ebibya musanvu ebya zaabu, ebiidhwire obusungu bwa Katonda omulamu ebyanda n'ebyanda.

Okwolekebwa 16:14

N'egyo emizimu emibi egikola ebyewuunhio egija eyo ye bakyabazinga ab'ensi yoonayoona okubasoloza, batanule olutalo ku lunaku olukologho olwa Katonda Aghanga Ebintu Byonabyona.

Okwolekebwa 16:7

Era naawulira amamiro nga gava ku alutaari, nga gakoba gati: “N'agh'agho Musengwa Katonda Aghanga Ebintu Byonabyona, bw'osala omusango tosaliriza era oba mutuufu.”

Okwolekebwa 19:15

Mu munwa gwe mwavaamu empiima endhogi ey'okughangula amaghanga. Aligafuga n'omwigo ogw'ekyuma, yaatyankirira emizabbibu mu kikunhiro mwavaamu omwenge ogw'obusungu obungi obwa Katonda Aghanga Ebintu Byonabyona.

Okwolekebwa 19:4

Abakulembeze amakumi abiri n'abana (24), n'ebitonde ebiramu ebina (4), beeyala era baasinza oyo atyaime ku kityamo eky'obwakyabazinga, nga bakoba bati: “Amiina. Musaake Katonda waife!”

Okwolekebwa 21:22

Mu kibuga ekyo tyabonamu isinzizo, kuba Musengwa Katonda Aghanga Ebintu Byonabyona aghalala n'Entaama Ento, abo nga n'eisinzizo lyakyo.

Okwolekebwa 3:7

“Ghandiikira malaika ow'Ekikunsu eky'Abaikiriza mu Kurisito eky'e Filadelufia, oti: Oyo omutukuvu era ow'amazima, ali n'ekisumuluzo kya Daudi, aigulagho ni ghataba asobola kwigalagho, aigalagho ni ghataba asobola kwigulagho akoba ati:

Okwolekebwa 4:4

Okwezungulula ekityamo eky'obwakyabazinga ekyo, ghaaligho ebityamo ebindi eby'obwakyabazinga amakumi abiri na bina (24), nga kutyaimeku abakulembeze amakumi abiri na bana nga bali mu bivaalo ebyeru, era bavaire engule edha zaabu ku mitwe.

Okwolekebwa 4:6

Emberi gh'ekityamo ekyo, nga ghaligho enhandha eri ng'oti kirawuli, era ng'ebitamu amaiso. Ate okwezungulula ekityamo ekyo, ku buli luuyi lwakyo, ng'eriyo ebitonde ebiramu bina, nga biidhwire amaiso emberi n'einhuma.

Okwolekebwa 4:9

Ebitonde ebiramu ebyo byaghanga ekitiisa oyo atyaime ku kityamo eky'obwakyabazinga omulamu ebyanda n'ebyanda, nga bimusaaka era nga bimweyanza. Bwe byabanga nga bikola bityo,

Okwolekebwa 5:6

Agho naabona Entaama Ento ng'eyemereire ghagati aghali ekityamo eky'obwakyabazinga, ng'eboneka ng'eyaitibwaku. Ebitonde ebiramu ebina (4) byali bigyezungulwire aghalala n'abakulembeze. Yali n'amayiga musanvu n'amaiso musanvu, nga n'egyo emyoyo omusanvu egya Katonda egitumibwa mu nsi yoonayoona.

Okwolekebwa 6:1

Agho naabona Entaama Ento ng'ekakampula akalala ku bumanhiso omusanvu, era naawulira kirala ku bitonde ebiramu ebina (4), nga kyogera mu mamiro agali ng'oti kutyabuka kwa lukuba kiti: Idha!

Okwolekebwa 6:6

Naawulira agaali ng'oti mamiro nga gava ghagati gh'ebitonde ebiramu ebina (4), nga gakoba gati: “Akaibo akatono ak'engaano kanaagula dinari namba, n'obwibo obusatu obwa sayiri bwona bugule dinari namba. Omuzigo n'omwenge ogw'emizabbibu otabyonoona.”

Okwolekebwa 7:11

Bamalaika boonaboona baayemerera nga beezungulwire ekityamo eky'obwakyabazinga era nga beezungulwire ab'obukumu n'ebitonde ebiramu ebina (4), beeyala gha mberi gh'ekityamo, nga balinze ghansi, baasinza Katonda,

Okwolekebwa 7:15

Kyebava ni baba gha mberi gh'ekityamo kya Katonda, ni bamugheereza omusana n'obwire mu isinzizo lye. Era oyo atyaime ku kityamo eky'obwakyabazinga anaabanga nabo ng'abakuuma.