Okwolekebwa 4:7 - Baibuli Ekibono kya Katonda 2014

⁷ Ekitonde ekiramu ekisooka kyali kiri ng'oti mpologoma ekyokubiri nga kiri ng'oti nte nume ekyokusatu nga kyakula mu maiso ng'oti muntu ekyokuna nga kiri ng'oti nkookooma eri kuguluka.

Okwolekebwa 4:7 ပူးပေါင်းရင်းမြစ်များ

Amainhama 49:9

Yuda oli ng'oti mpologoma nto: era mwana wange oize ng'ova okuyiiga. Okutaime, waabwama ng'oti mpologoma nsaadha, oba ng'oti mpologoma nkazi. Ghazira akana kukukobaku.

2 Samueli 1:23

Saulo ni Yonathani baali bagonzi era abasanhusa! Mu bulamu ni mu kufa tibaayawukana, baali ba mbiro okusinga enkookooma, era baaba ba maani okusinga empologoma.

Ensambo 28:2

Ensi erimu aboonooni ebaamu abafuzi kamaala, aye bweghabaagho abafuzi abategeevu era abagezi, ebaamu emiraala.

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Ezekieli 1:10

Buli kirala ku bitonde ebiramu ebyo ebina (4) kyaliku obweni nga bwa mikuzi ena: kyaliku obwali ng'oti bwa muntu nga buli emberi waakyo, kyabaaku obwali ng'oti bwa mpologoma ku luuyi lwakyo olw'omukono omusaadha, kyabaaku obwali ng'oti bwa nte nume ku luuyi lwakyo olw'omukono omugooda, era kyabaaku obwali ng'oti bwa nkookooma y'enkoone yaakyo.

Ezekieli 1:8

Ebitonde ebiramu ebyo ebina (4) ebyaliku obweni obw'emikuzi ena ni bibaaku n'amaghagha ana, era byaliku n'emikono ena egiri ng'oti gya bantu, nga giri ghansi w'amaghagha gaabyo, ku ndhuyi dhaabyo eina.

Ezekieli 10:14

Buli kikerubi kyali n'obweni bwa mikuzi ena. Obweni obwasooka bwali ng'oti bwa nte nume, obwokubiri bwaba ng'oti bwa muntu, obwokusatu bwaba ng'oti bwa mpologoma, ate obwokuna bwaba ng'oti bwa nkookooma.

Ezekieli 10:21

Buli kikerubi kyali n'obweni bwa mikuzi ena, kyabaaku n'amaghagha ana, era kyabaaku n'ekintu ekiboneka ng'oti mukono gwa muntu, nga kiri ghansi mu maghagha gaakyo.

Danieli 7:4

Ekyasooka nga kiri ng'oti mpologoma, aye nga kiri n'amaghagha ng'oti ga nkookooma. Bwe nali nga nkaalingiriire, baakimaanhuulaku amaghagha. Baamala baakisitusa, baakyemereza ku magulu abiri ng'oti muntu, era baakigha okulowooza ng'oti kwa muntu.

Obadia 1:4

Aye waire ojiira ghaigulu inho ng'enkookooma, era waazimba ekisu eyo ghaigulu mu muunienie, ndidha kukughanulayo.

Okubala 23:24

Bona eighanga eryo! Lisituka ng'oti mpologoma nkazi, lyebbeeda ng'oti mpologoma nume. Tiriwuumula nga tirituukiriiza kigendererwa kyalyo, ng'oti n'empologoma bwetawuumula nga temaze kuvaabira omuyiigo gwayo, n'okunhwa omusaayi gw'ekyo ky'eise.”

Okubala 24:9

Babwama era baalambaala ng'oti mpologoma. Naani akana okubasitusa? Kiisi asabira Abaisiraeli abo enkabi, yeena agheebwenga enkabi. Kiisi abakolimira, yeena akolimirwenga.”

1 Ab'e Korintho 14:20

Aboluganda, mutabanga na bidhuubo ng'oti bya baana bato. Bwe kuba mu bya kukola bubi, mube ng'oti baana bato abaziraku musango. Aye mu kudhuuba mube bakulu.

Amateeka Agokubiri 28:49

Musengwa Katonda alibasindikira abantu ab'eighanga erindi, aboogera olulimi lwe mutategeera. Abantu abo alibatoola ku nkomerero y'ensi, baabalumba nga baziinhuuka ng'oti n'enkookooma bw'eziinhuuka.

Okwolekebwa 4:6

Emberi gh'ekityamo ekyo, nga ghaligho enhandha eri ng'oti kirawuli, era ng'ebitamu amaiso. Ate okwezungulula ekityamo ekyo, ku buli luuyi lwakyo, ng'eriyo ebitonde ebiramu bina, nga biidhwire amaiso emberi n'einhuma.

Okwolekebwa 6:3

Entaama Ento bwe yakakampula akamanhiso akokubiri, naawulira ekitonde ekiramu ekyokubiri nga kikoba kiti: “Idha!”

Okwolekebwa 6:5

Entaama Ento bwe yakakampula akamanhiso akokusatu, naawulira ekitonde ekiramu ekyokusatu nga kikoba kiti: “Idha!” Naja okulinga nti, nga mbona embalaasi endhirugavu. Eyali ali kugivuga ng'ali ni minzaani mu ngalo.

Okwolekebwa 6:7

Entaama Ento bwe yakakampula akamanhiso akokuna, naawulira ekitonde ekiramu ekyokuna nga kikoba kiti: “Idha!”