Okwolekebwa 20:3 - Baibuli Ekibono kya Katonda 2014

³ yaagusuula mu lwina olwo yaigalagho. Yaataaku n'ekuufulu gulobe kwiramu kuguya maghanga, okutuusa emyaka olukumi (1,000) lwe giriwaaku. Egyo bwe giriwaaku, gwa kusibulwa okumala akaseera katono.

Okwolekebwa 20:3 ပူးပေါင်းရင်းမြစ်များ

Zabbuli 90:4

Emyaka olukumi y'oli giri ng'oti n'olwaidho olwabise; oba ng'oti n'esaawa entono dhiti edhiwaaku amangu mu biseera eby'obwire.

Danieli 6:17

Baaleeta eibaale baalisemba gha munwa ogw'ekiina ekyo. Kyabazinga yaalisibaku akamanhiso ak'empeta ye ey'obwakyabazinga era yaalisibaku n'akamanhiso aka bakungu be, ghalobe kubaagho ekikyusibwamu ku bigema ku Danieli.

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Matayo 27:66

Agho baaja baakalangula amagombe nga eibaale balitaaku akamanhiso, era baataagho n'abakuumi.

Mariko 4:15

Agho ni, abali ku ngira okusigibwa ekibono n'abo oluwulira ekibono, mangu ago Sitaani ng'aidha aswankula ekibasigiibwamu.

Luka 8:31

Era gyamweghemba alobe kugisindiikiriza mu lwina olutakoma.

2 Ab'e Korintho 11:3

Aye ntya nti ng'omusota bwe gwakozesa olugezigezi lwagwo ni gusubagha Eva, ebirowoozo byaimwe bisobola okudaaliimizibwa, mwaloba kwegheerayo irala ye Kurisito mu mazima.

2 Petero 3:8

Aye bakagwa, muteerabira nga mu maiso ga Musengwa olunaku olulala, n'emyaka olukumi (1,000), byaga, ghazira ndhawulo.

Okwolekebwa 12:9

Ogusota ogukologho ogwo, n'ogwo omusota ogw'eira ogwetebwa Omukemi era Sitaani omuguya ow'ensi yoonayoona. Ogusota ogwo gwasuulibwa ku nsi ni bamalaika baagwo.

Okwolekebwa 13:14

Kyaguya abantu ab'oku nsi n'ebyewuunhio bye kyaikirizibwa okukola mu maiso ag'ekisolo ekyasooka. Kyabalagira okukola ekifaananie eky'ekisolo ekyo ekyateebwaku eibwa n'empiima aye ni kimala kirama.

Okwolekebwa 17:2

Bakyabazinga ab'ensi baayenda naye, n'abantu abali ku nsi baatamiira omwenge ogw'obwenzi bwe.”

Okwolekebwa 17:8

Ekisolo ky'oboine kyaligho, aye mperaano tikikaaligho. Aye kiidha kuniinaniina okuva mu lwina olutakoma, kije kizikirizibwe. Abantu abali ku nsi, beene maina agataaghandiikibwa mu kitabo eky'obulamu, okuva ensi lwe yatondebwa, balyewuunhia bwe balibona ng'ekisolo ekyaligho, mperaano tikikaaligho, ate nga kiriidha.

Okwolekebwa 20:1

Agho naabona malaika ng'aika ng'ava mu igulu, ng'agemye ekisumuluzo ky'olwina olutakoma, era ng'agemye n'oludhegere olunene.