Okwolekebwa 2:7 - Baibuli Ekibono kya Katonda 2014

⁷ “Ali n'amatu, awulire Mwoyo ky'akoba Ebikunsu eby'Abaikiriza mu Kurisito. Oyo aghangula, ndimuganha okulya ku muti ogw'obulamu oguli mu kifo kya Katonda eky'okwesiima.

Okwolekebwa 2:7 ပူးပေါင်းရင်းမြစ်များ

Amainhama 2:9

Musengwa Katonda yaameza mu nsi kiisi muti ogusanhusa okubona era omulungi okulyaku ebibala. Ghagati mu nimiro nga ghaligho omuti ogw'obulamu era ogw'okumanha obulungi n'obubi.

Ensambo 11:30

Omuntu omutuufu by'akola bireeta obulamu, aye omuntu akola eby'obukambwe azikiriza obulamu.

Ensambo 13:12

Okulwagho okufuna ky'osuubira kuleetera omwoyo okuzirika, aye bw'ofuna kye weegombanga kikuleetera obulamu.

Ensambo 15:4

Ebibono eby'ekisa bireeta obulamu, aye eby'obuguya bikutula omwoyo.

Ensambo 3:18

Abafuna amagezi bafuna obulamu; abo abagagumiraku baba ba nkabi.

Ezekieli 28:13

Wabanga mu Edeni, enimiro ya Katonda. Ng'ovaala eby'okwewoomya ebyakolebwa mu mabaale ag'omughendo: sarudio, topazi, yasipera, kurisolito, berulo, onikisi, saffiro, karabunkule ni emeraludo. Era ng'oba n'ebyamadholobera ebya zaabu. Ebyo byonabyona byakolebwa ku lunaku lwe watonderwaku.

Ezekieli 31:8

Nga togugeza ku mivule gya mu nimiro ya Katonda, waire ensaga dhaagwo okudhigeza ku dh'emiti egindi emireeyiriri. Nga n'emiti emipulane gyona gizira nsaga dhaaga na dhaagwo. Mu nimiro ya Katonda timwalimu muti guboneka bulungi ng'ogwo.

Matayo 11:15

Ali n'amatu awulire.

Matayo 13:43

Abo abatuufu balimesunkana oti ndhuba mu Bwakyabazinga bwa Iseibwe. Ali n'amatu awulire.

Matayo 13:9

Ali n'amatu awulire.”

Mariko 4:9

Agho yaakoba ati: “Ali n'amatu agawulira awulire.”

Mariko 7:15

Ghazira kiva ku luya wa muntu ni kimwingiramu ni kimwonoona, aye ebyo ebiva mu muntu n'ebyonoona omuntu. [

Mariko 7:16

Ali n'amatu agawulira, awulire.]”

Luka 23:43

Yesu yaamukoba ati: “Bwenebwene ka nkukobere: Olwa leero oidha kuba ninze mu kifo eky'okwesiima.”

Luka 8:8

Eyindi yaagwa mu itaka eirungi, yaakula yaayama, yaataaku kikumi.” Bwe yasirisa ebyo yaayogerera ghaigulu ati: “Ali n'amatu agawulira awulire!”

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

1 Ab'e Korintho 2:10

Aye niife Katonda be yamanhisa ekyama kye ng'abita mu Mwoyo we. Kuba Mwoyo aidhi buli kintu, era n'entegeka dha Katonda edh'omunda.

2 Ab'e Korintho 12:4

Era eyo yawulirayo ebintu omuntu by'ataghanga kwogera, era nga ghazira aikirizibwa kubyogera.

1 Yoanne 2:13

Mbaghandiikira, imwe abasaadha abakulu, kuba mumwidhi oyo eyaligho okuviira irala ku kwinhama. Mbaghandiikira imwe abaisuka, kuba mughangwire omubi.

Okwolekebwa 13:9

Ali n'amatu awulire.

Okwolekebwa 14:13

Naawulira amamiro agava mu igulu nga gakoba gati: Ghandiika oti: “Okuva ni buti ba nkabi abafu abafiira mu Musengwa! Mwoyo akoba ati: Bwenebwene ba nkabi! Okuva ni buti bawuumwire mu kutakabana kwaibwe, kuba ebikolwa byaibwe bibanonereza.”

Okwolekebwa 15:2

Era naabona enhandha eri ng'oti kirawuli ng'etabwirwa ghalala n'omuliro. Ku mbali kw'enhandha eyo nga kwemereireku abo abaaghangula ekisolo n'ekifaananie kyakyo n'omughendo ogw'eriina lyakyo. Baali bagemye entongooli Katonda dhe yabagha.

Okwolekebwa 2:11

Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula, okufa okwokubiri tikulimukolaku kabi.

Okwolekebwa 2:17

“Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula ndimugha ku mannu eyagisibwa, era ndimugha eibaale eryeru okughandiikiibwa eriina eiyaaka eritamanhiibwa muntu wundi yeenayeena, okutoolaku oyo aba alifunie.

Okwolekebwa 21:7

Oyo aghangula, alifuna ebyo. Nze ndiba Katonda we, mwene yaaba mwana wange.

Okwolekebwa 22:14

Ba nkabi abo abaamula ebivaalo byaibwe. Baligheebwa obukumu okulya ebibala eby'omuti ogw'obulamu, era n'okwingira mu kibuga nga babita mu miryango.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.

Okwolekebwa 22:2

Gwakulukutira ghagati gh'oluguudo lw'ekibuga ekyo. Eruuyi n'eruuyi ew'omwiga ogwo ghaaligho omuti ogw'obulamu, ogwama ebibala emikuzi ikumi n'ebiri omwaka, nga gwama buli mwezi. Amakaba gaagwo nga ga kuwonia amaghanga goonagoona.