Okwolekebwa 2:5 - Baibuli Ekibono kya Katonda 2014

⁵ Kale idhukira bwe wangonzanga ng'okaali kugwa, weenenie, okole bye wakolanga mu mainhama. Aye bw'oteenenie, ndidha kwidha y'oli, ntoolegho ekikondo kyo eky'entaala mu kifo kyayo.

Okwolekebwa 2:5 ပူးပေါင်းရင်းမြစ်များ

Isaia 1:26

Ndidha kubairizaagho abakulembeze abakalamu ng'oti ni bale abaasooka, mbairizeegho n'abawi b'amagezi abakalamu ng'oti ni bale be mwasooka nabo. Olwo Yerusalemu baliiramu okukyetanga ekibuga eky'abantu abatuufu era ekibuga eky'abantu abeesigwa.”

Isaia 14:12

Iwe emuunienie eyaka einho ku nkyo, oghanwike ku igulu waagwa! Iwe eyaghangulanga amaghanga, buti osuuliibwa ku itaka!

Ezekieli 20:43

Nga muli eyo muliidhukira emize gyaimwe n'ebikolwa byaimwe byonabyona bye mweyonoona nabyo. Olwo mwenenia era mwawulira n'enaku olw'ebibi byaimwe byonabyona bye mwakola.

Ezekieli 36:31

Agho muliidhukira empisa dhaimwe edhaali embi n'ebikolwa byaimwe ebyali ebibi. Olwo mwekyagha olw'ebibi byaimwe n'olw'ebikolwa ebyenhinhalwa bye mwakola.

Hosea 14:1

Imwe Abaisiraeli, mwire eri Musengwa Katonda, oyo Katonda waimwe, kuba ebibi byaimwe byabaleetera okwekontola mwagwa.

Hosea 9:10

Musengwa Katonda akoba ati: “Nayagaana ensi Isiraeli ng'oti n'ole bw'ayagaana emizabbibu egiri kukulira eyo mu irungu. Era naabona badhaadha baimwe ng'oti n'ole bw'abona ebibala eby'omutiini ebisooka okwenga mu mwaka. Aye bwe baatuuka ka lusozi Peori baatoolera okusinza omusambwa Baali, olwo baafuuka ekyenhinhalwa ng'oti n'omusambwa gwene ogwo gwe baasinzanga bwe gwali.

Malaki 3:4

Olwo ebigheebwayo, abantu b'omu Yerusalemu n'ab'omu Buyudaaya bye balileeteranga Musengwa Katonda, birimusangaazanga nga bwe kyalinga eira.

Malaki 4:6

Oyo alireetera balata b'abaana okwisania n'abaana baibwe, olwo ndobe kwidha kuzikiriza nsi yaimwe.”

Matayo 5:14

“Niimwe ekimulika eky'ensi. Ekibuga ekizimbwa ku lusozi tikighanga kugisibwa.

Matayo 5:15

Era tibakunaania itaala ni balifundikira mu kiibo, aye balighanika ku kikondo lyamulisa boonaboona ababa mu ndhu.

Mariko 12:9

Agho Yesu yaabuuza ati: “Kale mwene isamba alikola ki?” Bale bairamu bati: “Aliidha yaazikiriza abakozi abo, n'eisamba yaaligha abandi.”

Luka 1:17

Alyembereramu Musengwa mu mwoyo n'amaani ng'oti n'Eliya bye yali nabyo, emyoyo gya badhaadha agiitukize mu baidhukulu, abadheemu abaize mu magezi ag'abatuufu, ateeregho atyo Musengwa abantu abeetegefu.”

Luka 20:16

Aja kwidha azikirize abakozi abo n'eisamba aliteemu abandi.” Abantu bwe baawulira ekyo baakoba bati: “Katonda ataganha ekyo kubaagho.”

Ab'e Galatia 5:4

Era abo ku imwe abenda okuba abatuukirivu olw'okutuukiriza Amateeka, mwekutwire ku Kurisito beene era muviire mu kisa kya Katonda.

Ab'e Filippi 2:15

olwo mubuleku omusango oba ekintu kyonakyona ekiboogezaaku obubi. Mube abaana ba Katonda abatuukiriire nga muli mu bantu ab'oluse luno ababi era abaayonooneka. Mubaakiremu ng'oti mataala mu nsi muno.

Abaheburayi 10:32

Mwidhukire ebiseera eby'eira bwe mwamala okufuna obutangaavu bwa Katonda ni muguminkiriza okudaazibwa okw'amaani.

2 Petero 3:17

Imwe ni bakagwa, nga bwe mukiidhi obukalamu, mwekuume mulobe kutwalibwa mu bukyamu bwa bantu babi, na kuva ghe mwekalanguliire kugwa.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,

Okwolekebwa 1:20

Gano n'amakulu amagise ag'emuunienie omusanvu dh'oboine mu mukono gwange omusaadha, n'ebikondo eby'entaala omusanvu ebya zaabu: Emuunienie omusanvu, ni bamalaika ab'Ebikunsu eby'Abaikiriza mu Kurisito omusanvu, ate ebikondo eby'entaala omusanvu, n'Ebikunsu eby'Abaikiriza mu Kurisito omusanvu.

Okwolekebwa 16:9

Abantu baayokebwa n'omuliro ogw'amaani einho, baavuma eriina lya Katonda ali n'obuyinza ku bibamba ebyo, era baaloba kwenenia na kumusaaka.

Okwolekebwa 2:16

Kale weenenie: oba ti n'ekyo, ndidha kukwidhira mangu nwane n'abantu abo n'empiima ey'omu munwa gwange.

Okwolekebwa 2:19

Ndidhi by'okola. Ndidhi okugonza n'okwikiriza by'oli nabyo. Ndidhi okugheereza kwo n'okuguminkiriza mu bizibu kw'oli nakwo. Era ndidhi ng'oli kukola ebintu kamaala buti okusinga bye wakolanga mu mainhama.

Okwolekebwa 2:2

Ndidhi by'okola, okufaabiikana kwo, n'okuguminkiriza mu bizibu kw'oli nakwo. Ndidhi nga tosobola kuguminkiriza bantu babi. Era ng'abo abaali beeyeta abatume, ate nga ti batume, wabaleba waababona nga baguya.

Okwolekebwa 3:19

“Nze abo be ngonza mbanenia era mbakangaivula. Kale fuba weenenie.