Okwolekebwa 19:3 - Baibuli Ekibono kya Katonda 2014

³ Kabiri baakoba bati: “Musaake Katonda waife! Omwosi oguva ku malaaya gwa kunioka ebyanda n'ebyanda.”

Okwolekebwa 19:3 ပူးပေါင်းရင်းမြစ်များ

Amainhama 19:28

Yaalinga e Sodoma n'e Gomorra, era ni mu biketezo eby'ekiiko yaabona omwosi nga gunioka ogugemye okuva mu biketezo ebyo, nga guli ng'oti n'omwosi ogw'oluyiira.

Zabbuli 104:35

Aye aboonooni bagwananga baazikirira baava ku nsi, n'abakozi ab'ebibi baabuliragho irala. Ka nsaake Musengwa Katonda n'omwoyo gwange gwonagwona. Mwenamwena musaake Musengwa Katonda.

Isaia 34:10

Omuliro ogwo tigulizikira omusana n'obwire, era guliniokanga omwosi lubeerera. Ensi eyo erifuuka bifulukwa ebyanda n'ebyanda, era ghazira muntu aliirayo kugibitamu kabiri.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

Okwolekebwa 14:11

Omwosi ogw'okudaazibwadaazibwa kwaibwe gwa kunioka ebyanda n'ebyanda. Era abasinza ekisolo n'ekifaananie kyakyo, na kiisi yeenayeena eyateebwaku akamanhiso k'eriina lyakyo, tibaligheeraku omusana n'obwire.”

Okwolekebwa 18:18

Bwe balibona omwosi ng'ali kuya baliwowoigana bati: “Ghaali ghabaireghooku ekibuga ekikologho ng'oti ni kino.”

Okwolekebwa 18:9

Bakyabazinga ab'ensi abaayendanga naye era ni beedhalabyanga bwe balibona omwosi ng'ali kuya, balimulirira era baagegenga.

Okwolekebwa 19:1

Ebyo bwe byawa, naawulira mu igulu ekyawulikika ng'oti mamiro ga maani ag'abantu olukunkumuli, nga bakoba bati: “Musaake Katonda waife! Kuba obulokozi n'ekitiisa n'obukumu bibye!

Okwolekebwa 19:4

Abakulembeze amakumi abiri n'abana (24), n'ebitonde ebiramu ebina (4), beeyala era baasinza oyo atyaime ku kityamo eky'obwakyabazinga, nga bakoba bati: “Amiina. Musaake Katonda waife!”