Okwolekebwa 18:2 - Baibuli Ekibono kya Katonda 2014

² Yaayogera n'eiroboozi ery'amaani ati: “Agwire, agwire Babiloni omukologho! Afuuse kifo omwesololeza emizimu emibi egya buli nsambo, na kiisi nhonhi mbi etali nongoofu.

Okwolekebwa 18:2 ပူးပေါင်းရင်းမြစ်များ

Isaia 14:23

Ndikifuula ekifo ekibaamu obw'ebiwigulu n'ebidiba by'amaadhi, era ndikyeya n'olweyo oluzikiriza. Nze Musengwa Katonda Afuga Amagye ntyo bwe nkobye.”

Yeremia 25:30

“Agho ni, iwe Yeremia oteekwa okulangirira ebintu byonabyona bye ndhogeire ebiri kubaidhira, obakobe oti, ‘Musengwa Katonda aliwologoma ng'ali mu igulu, era yaakaabuka ng'ali mu kifo kye ekitukuvu. Aliwologomera abantu be n'amaani, yaayasiikana ng'oti n'abakunha emizabbibu okugikolamu omwenge. Abantu boonaboona abali ku nsi balimuwulira.

Yeremia 51:37

Ensi eyo erifuuka bwa mmungo dha bifunfugu, era yaafuuka ekifo ekitiisa einho omuba obw'ebibe, nga ghazira muntu akibaamu.

Yeremia 51:8

Aye buti egwire mangu inho yaazikirira! Mugiririre inho amaziga! Mugifunireyooku ku bulezi olw'obulumi bw'erimu, oba katyo enaawona.

Yoeli 3:16

Musengwa Katonda awologoma ku lusozi Sioni era yaakaabuka mu Yerusalemu, eigulu n'ensi byatengeeta. Aye Musengwa Katonda oyo n'ekifo abantu be Abaisiraeli mwe balumukira okwewonia, era n'ekifo mwe beewogoma.

Zefania 2:14

Kija kufuuka ekifo ebyayo n'ensolo edh'omu nsiko mwe birambaala ebiwigulu nga mwe bisula era byaba ku madinisa byawigula. Amakoova gaja kulirira mu miryango gyakyo. Embaawo edh'emivule dhe baazimbisa dhoona dhija kutwalibwa.

Okwolekebwa 1:15

Ebigere bye nga biri ng'oti kyuma kya kikomo ekizigule. Amamiro ge nga gali ng'oti mpiriito ya maadhi.

Okwolekebwa 10:3

Yaayeta n'amaani mu mamiro agali ng'oti ga mpologoma eri kuwologoma. Bwe yamala okweta atyo, enkuba omusanvu dhaatyabuka.

Okwolekebwa 11:8

Emirambo gyaibwe girisigala mu ngira dh'ekibuga ekinene, Musengwa waibwe mwe yakomererwa ku musalaba. Eriina ery'ekibuga ekyo ery'okugereesa ni Sodoma oba Misiri.

Okwolekebwa 14:15

Agho malaika owundi yaava mu isinzizo yaalangiriza n'amamiro ag'amaani y'ole atyaime ku kire ati: “Kozesa omuwolo gwo owoobye, ekiseera eky'okukungula kituuse kuba ebikungulwa eby'ensi bituuse.”

Okwolekebwa 14:8

“Ni malaika owundi owokubiri yairaku ng'akoba ati: Agwire, agwire Babiloni omukologho, eyanhwesa amaghanga goonagoona omwenge ogw'obutwa ogw'obwenzi bwe!”

Okwolekebwa 16:13

Naabona emizimu emibi esatu egyaboneka ng'oti bikere, nga giva mu kanwa omw'ogusota, ni mu kanwa omw'ekisolo, ni mu kanwa omw'omulanzi omuguya.

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.

Okwolekebwa 17:18

Ate omukazi y'oboine, n'ekibuga ekikologho ekifuga bakyabazinga ab'ensi.”

Okwolekebwa 17:5

Mu kyeni kye mwali mughandiikiibwamu eriina ery'amakulu amagise liti: “Babiloni omukologho, azaala bamalaaya n'ebyenhinhalwa eby'oku nsi.”

Okwolekebwa 18:10

Balyemerera ghalaku olw'okutya okudaagadaaga kwe, baakoba bati: “Okagwireku, okagwireku iwe Babiloni ekibuga ekikologho! Iwe ekibuga eky'amaani! Ozikiriziibwa mu saawa busaawa eti!”

Okwolekebwa 18:21

Agho naabona malaika ow'amaani, yaaginga eibaale eriri ng'oti lubengo lukologho, yalisuula mu nhandha ng'akoba ati: “Babiloni ekibuga ekikologho kityo bwe kirisuulibwa ghansi n'amaani amangi, ni kitairayo kuboneka kabiri.

Okwolekebwa 5:2

Era naabona malaika ow'amaani, yaabuuza n'amamiro ag'amaani ati: “Naani agwaine okukakampula obumanhiso obusibye enzingo y'ekitabo n'okugizingulula?”