Okwolekebwa 16:2 - Baibuli Ekibono kya Katonda 2014

² Malaika asooka yaaja, yaayugha ekibya kye ku nsi. Amabwa amanene era amabi einho gaagema abantu abaaliku akamanhiso k'ekisolo n'abo abaasinza ekifaananie kyakyo.

Okwolekebwa 16:2 ပူးပေါင်းရင်းမြစ်များ

2 Ebyomubyanda 21:15

N'iwe mwene weena oidha kulwala endwaire enkakali ey'omu byenda, erikuleetera ebyenda okukufulumanga buli lunaku aghazira kulekeraku naire.”

2 Ebyomubyanda 21:18

Ebyo byonabyona nga bimaze okubaagho, Musengwa Katonda yaaleetera Yehoramu oyo okulwala endwaire ey'omu byenda etawona.

Zabbuli 78:26

Kabiri yaafuuyisa empewo ku igulu eva e buvandhuba era olw'obukumu bwe yaafuuyisa n'empewo eyindi eva ku luuyi olw'omukono omusaadha olw'e buvandhuba.

Isaia 3:17

Aye nze Musengwa Katonda ndidha kuleetera emitwe gy'abakazi b'omu Yerusalemu abo okugwa empaata basigale nga bazira nviiri ku mitwe, era mpembule ebitundu byaibwe eby'ekyama.”

Isaia 3:24

Mu kifo eky'okuwunha akawoowo, baliwunha kivundu; mu kifo eky'okwesiba ensibiro, balyesiba migugha; mu kifo eky'okuba n'enviiri ensunsule obukalamu, baliba na mpaata; mu kifo eky'okuvaala engoye enungi, balivaala kutiya; era obulungi bwaibwe bulifuukamu nsoni.

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.

Amateeka Agokubiri 28:27

Musengwa Katonda aidha kubasindikiranga amabuubuuto nga ge yalwaza Abamisiri. Abalwaze n'amabwa, n'ebizimba, n'omubiri okusiigha. Ebyo byonabyona nga tibiwona.

Amateeka Agokubiri 28:35

Musengwa Katonda aidha kubasindikiranga amabuubuuto ga kokolo ku makiryaivu ni ku magulu, era gabaidhulenga okuva ku bigere okutuuka ku mutwe.

Amateeka Agokubiri 7:15

Musengwa Katonda aidha kubakugiranga endwaire dhoonadhoona dhirobe kubagema. Taidha kubasindikiranga ndwaire mbi dhe mwabona nga muli e Misiri. Aye aidha kudhisindikiranga abo ababakyagha.

Okwolekebwa 13:12

Kyakozesa obuyinza bwonabwona obw'ekisolo ekyasooka, nga n'ekisolo ekyasooka kyene kyona kirigho kiri kubona. Kyakaka ensi yoonayoona n'ebigirimu okusinza ekisolo ekyasooka, ekyawona eibwa eryali ery'okukiita.

Okwolekebwa 14:16

Agho ole atyaime ku kire yaawuuba omuwolo gwe ku nsi, eby'oku nsi byakungulwa.

Okwolekebwa 14:9

Malaika owundi owokusatu yairirira bale ababiri ng'ayogera n'amamiro ag'amaani ati: “Kiisi muntu asinza ekisolo n'ekifaananie kyakyo, n'aganha okuteebwaku akamanhiso kaakyo mu kyeni oba ku mukono,

Okwolekebwa 16:1

Agho naawulira amamiro ag'amaani nga gava mu isinzizo, gaakoba bamalaika omusanvu gati: “Muje muyughe ku nsi ebibya omusanvu eby'obusungu bwa Katonda.”

Okwolekebwa 16:11

baavuma Katonda ow'eigulu olw'okubaleetera obulumi n'amabwa era baaloba kwenenia ebyo bye baakolanga.

Okwolekebwa 8:7

Malaika asooka yaafuuwa eigwala lye, omugozi n'omuliro nga bitabwirwamu n'omusaayi byamagala ku nsi. Ekitundu kirala kirala ku buli bitundu bisatu eby'ensi kyaya, n'ekitundu kirala kirala ku buli bitundu bisatu eby'emiti kyaya, era n'eisubi eibisi lyonalyona lyaya.

1 Samueli 5:6

Agho Musengwa Katonda yaabonereza inho abantu ab'omu Ashidodi, yaabaleetera okutya einho era yaabasindikira okulwala ebizimba.

1 Samueli 5:9

Aye olwagituusa e Gathi bati, Musengwa Katonda yaatoolera okubonereza ekibuga ekyo. Yaabaleetera okutya einho, era yaabasindikira okulwala ebizimba byabafukumukaku boonaboona, abakulu n'abato.