Okwolekebwa 13:4 - Baibuli Ekibono kya Katonda 2014

⁴ Abantu baasinza ogusota kuba gwagha ekisolo obuyinza bwagwo, baasinza n'ekisolo nga bakoba bati: “Naani ali ng'oti n'ekisolo kino, era naani asobola okulwana nakyo?”

Okwolekebwa 13:4 ပူးပေါင်းရင်းမြစ်များ

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Isaia 46:5

Naani ye mulingezaaku ni mumwagayaza ninze, oba naani ye mulingeragerania naye ni tufaanana naye?

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

Amateeka Agokubiri 9:2

Abantu baamu bakologho era baleeyiriri baidhukulu ba Anaki abawaigufu, be mwawuliraku nga baboogeraku bati, ghazira asobola kukana kubalwanisa.

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.

Okwolekebwa 12:3

Era ku igulu kwabonekaku ekirikoliko ekindi: ogusota ogunene ogumyufu nga guli n'emitwe musanvu n'amayiga ikumi, nga ku buli mutwe kuliku engule.

Okwolekebwa 12:4

Omukira gwagwo gwagheebya emuunienie ndala ndala ku buli muunienie isatu edh'oku igulu, gwadhisuula ku nsi. Ogusota ogwo gwayemerera mu maiso ag'omukazi eyali ali okumpi okuzaala, gumire omwana we nga yaakamala okumuzaala.

Okwolekebwa 13:11

Agho naabona ekisolo ekindi nga kikukunuka mu itaka. Kyali n'amayiga abiri ng'oti ga ntaama nto era nga kyogera ng'oti gusota.

Okwolekebwa 13:15

Kyaikirizibwa okuta obulamu mu kifaananie ekyo, ekifaananie ekyo kisobole n'okwogera, era kiite boonaboona abaloba okukisinza.

Okwolekebwa 13:2

Ekisolo ekyo kye nabona kyali kiboneka ng'oti mpala. Ebigere byakyo nga biri ng'oti n'eby'ekisolo ekikambwe, ate omunwa gwakyo nga guli ng'oti gwa mpologoma. Ogusota gwagha ekisolo ekyo amaani gaagwo, n'ekityamo kyagwo ky'obwakyabazinga, n'obuyinza bungi.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 18:18

Bwe balibona omwosi ng'ali kuya baliwowoigana bati: “Ghaali ghabaireghooku ekibuga ekikologho ng'oti ni kino.”

Okwolekebwa 9:20

Abantu abandi boonaboona, abataitibwa bibamba bino, baaloba kwenenia mu ebyo bye baakolanga: Baaloba kuleka okusinza emizimu emibi n'ebisinzibwa ebitali Katonda bye baakola mu zaabu, ni mu feeza, ni mu kyuma eky'ekikomo, ni mu mabaale, ni mu miti, ebitasobola kubona oba kuwulira oba kutambula.

1 Samueli 17:24

Agho abalwani Abaisiraeli bwe baabona omusaadha oyo, baatya inho baalumuka.