Okwolekebwa 12:3 - Baibuli Ekibono kya Katonda 2014

³ Era ku igulu kwabonekaku ekirikoliko ekindi: ogusota ogunene ogumyufu nga guli n'emitwe musanvu n'amayiga ikumi, nga ku buli mutwe kuliku engule.

Okwolekebwa 12:3 ပူးပေါင်းရင်းမြစ်များ

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 9:15

omutwe ogwo nga n'abantu abakaire era ab'ebitiibwa, ate omukira nga n'abalanzi abeegeresa eby'obuguya.

Danieli 2:41

Era nga bwe wabona ebigere n'obunwe bwaku ng'ekitundu ekindi bwa kyuma ekigumu einho ate ekindi nga bwa itosi lya muwumbi, obwakyabazinga obwo buliba nga bweyawireyawiremu. Aye bulibaamuuku n'amaani ag'ekyuma ekigumu einho, nga bwe wabona ng'ekyuma ekyo kitabwirwamu eitosi.

Danieli 2:42

Era ng'obunwe obw'oku bigere bwe bwali, ng'ekitundu ekindi bwa kyuma ekigumu einho ate ekindi nga bwa itosi, n'obwakyabazinga obwo bwona butyo bwe buliba: ng'ekitundu ekindi bugumu ate ekindi nga bunafu.

Danieli 7:20

Era naayenda okumanha ebigema ku mayiga eikumi agaali ku mutwe gwakyo. Mmanhe n'ebigema ku iyiga lire erindi eryamera, ni ligwisa ghansi amayiga asatu ku ago eikumi. Eiyiga eryo lyaliku amaiso, era lyabaaku n'omunwa nga guli kwogera eby'okwesuutasuuta. Era eiyiga eryo nga libonekera okuba eigumu okusinga gale agandi.

Danieli 7:24

Ate amayiga ago eikumi, ni bakyabazinga eikumi abaliidhagho ni bafuga obwakyabazinga obwo. Era ghalimala ghaidhagho owundi ng'abo baviireku, aliba ow'endhawulo ku abo abaamusookagho. Oyo alighangulaku bakyabazinga basatu ku abo.

Okwolekebwa 12:1

Agho ekirikoliko kyaboneka ku igulu: ghaabaagho omukazi ng'avaire endhuba, ate ng'omwezi guli ghansi gh'ebigere bye, ku mutwe gwe nga kuliku engule ya muunienie ikumi na ibiri.

Okwolekebwa 12:13

Ogusota bwe gwabona nga gusuuliibwa ku nsi, gwayiiga omukazi eyazaala omwana ole omulenzi.

Okwolekebwa 12:17

Ogusota gwasungughalira inho omukazi, gwaja okulumba abasigairegho mu izaire lye abo abagema ebiragiro bya Katonda era abadhulira Yesu.

Okwolekebwa 12:4

Omukira gwagwo gwagheebya emuunienie ndala ndala ku buli muunienie isatu edh'oku igulu, gwadhisuula ku nsi. Ogusota ogwo gwayemerera mu maiso ag'omukazi eyali ali okumpi okuzaala, gumire omwana we nga yaakamala okumuzaala.

Okwolekebwa 12:7

Agho obulwa bwatanukagho mu igulu. Mikaeli ni bamalaika be, baalwanisa ogusota. Ogusota gwona gwabalwanisa ni bamalaika baagwo.

Okwolekebwa 12:9

Ogusota ogukologho ogwo, n'ogwo omusota ogw'eira ogwetebwa Omukemi era Sitaani omuguya ow'ensi yoonayoona. Ogusota ogwo gwasuulibwa ku nsi ni bamalaika baagwo.

Okwolekebwa 13:1

Agho naabona ekisolo ekikukunuka mu nhandha. Kyali n'emitwe musanvu n'amayiga ikumi; ku buli iyiga nga kuliku engule ate ku buli mutwe nga kuliku eriina erivuma Katonda.

Okwolekebwa 13:2

Ekisolo ekyo kye nabona kyali kiboneka ng'oti mpala. Ebigere byakyo nga biri ng'oti n'eby'ekisolo ekikambwe, ate omunwa gwakyo nga guli ng'oti gwa mpologoma. Ogusota gwagha ekisolo ekyo amaani gaagwo, n'ekityamo kyagwo ky'obwakyabazinga, n'obuyinza bungi.

Okwolekebwa 13:4

Abantu baasinza ogusota kuba gwagha ekisolo obuyinza bwagwo, baasinza n'ekisolo nga bakoba bati: “Naani ali ng'oti n'ekisolo kino, era naani asobola okulwana nakyo?”

Okwolekebwa 15:1

Kabiri naabona ekirikoliko ekindi mu igulu, nga kikologho era nga kyewuunhisa. Ghaaligho bamalaika musanvu nga bali n'ebibamba musanvu nga n'ebisembayo, kuba ng'ebyo n'ebimaliriza obusungu bwa Katonda.

Okwolekebwa 16:13

Naabona emizimu emibi esatu egyaboneka ng'oti bikere, nga giva mu kanwa omw'ogusota, ni mu kanwa omw'ekisolo, ni mu kanwa omw'omulanzi omuguya.

Okwolekebwa 17:12

Ate amayiga eikumi g'oboine, gategeeza bakyabazinga eikumi abakaali kufuna bwakyabazinga. Aye abo ghalala n'ekisolo balifuna obwakyabazinga baafugiraku esaawa ndala.

Okwolekebwa 17:16

Ate amayiga g'oboine, balyeyimba n'ekisolo baafuuka bazigu ba malaaya. Baja kumweya bamuleke kidu, bamulye emamba era bamwokere irala omuliro

Okwolekebwa 17:7

Aye malaika yankoba ati: “Weewuunhia ki? Ka nkukobere amakulu amagise ag'omukazi oyo, n'ag'ekisolo ky'ali kuvuga, ekiri n'emitwe omusanvu n'amayiga eikumi.

Okwolekebwa 19:12

Amaiso ge gaali gaaka ng'oti muliro, ate ku mutwe gwe nga kuliku engule kamaala. Era ng'aghandiikiibwaku eriina eritamanhiibwa muntu wundi okutoolaku mwene yenka.

Okwolekebwa 20:2

Yaagema ogusota ogunene ogw'eira ogumanhiibwa ng'Omukemi era Sitaani, yaagusibira emyaka lukumi (1,000) ku ludhegere,