Okwolekebwa 11:3 - Baibuli Ekibono kya Katonda 2014

³ Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”

Okwolekebwa 11:3 ပူးပေါင်းရင်းမြစ်များ

Amainhama 37:34

Yakobo yaakanulamu ebivaalo bye olw'okunakughala, yeesiba ekikaakaati, yaamala enaku kamaala ng'alira omwana we.

2 Samueli 3:31

Agho Daudi yaalagira Yoabu n'abantu be yali nabo bakanulemu ebivaalo byaibwe olw'okunakughala, beesibe ebikaakaati, balire Abuneri. Era kyabazinga Daudi mwene, yaanonereza omulambo gw'Abuneri nga baja okuguziika.

1 Bakyabazinga 21:27

Ahabu bwe yawulira ebibono ebyo, yaakanulamu ebivaalo bye olw'enaku, yaavaala ekutiya. Yaaloba okulya emere, yaasulanga mu kutiya, era yaatambulanga nga munhiinkaavu ate nga mweraliikirivu.

2 Bakyabazinga 19:1

Kyabazinga Hezekia bwe yawulira ebibono ebyo, yaakanulamu ebivaalo bye era yaavaala ekutiya olw'okunakughala. Agho yaaja mu isinzizo.

1 Ebyomubyanda 21:16

Daudi yaja okulinga ati, ng'abona malaika wa Musengwa Katonda ayemereire ghagati gh'ensi n'eigulu, ng'asowoire empiima mu kiruutu kyayo yaagigema mu ngalo, era yaagigololera ku Yerusalemu. Agho Daudi n'abakulembeze b'abantu, baakuba amakiryaivu era baakutama n'ebyeni byatuuka ku itaka, nga bavaire ekutiya olw'okunakughala.

Nehemia 9:1

Ku lunaku olwamakumi abiri n'eina (24) olw'omwezi gwene ogwo, Abaisiraeli beesoloza, baasiiba nga tibaliire, nga bavaire ekutiya era nga beefuse n'enkungu mu mitwe, olw'ebibi byaibwe okubanakughaza.

Yobu 16:15

Neetungiire ekutiya era naagivaala olw'okunakughala, era naagyeta ku mubiri. Mpoiremu amaani, naagalaamirira agho mu nkungu.

Zabbuli 69:11

Bwe nvaala ekutiya olw'enaku, nfuuka kibono kya kudhondha.

Isaia 22:12

Era mu biseera ebyo, Musengwa Katonda Afuga Amagye, yali ali kubeeta mulire era mube mu nnaku, mumwe ku mitwe gyaimwe enviiri okudhimaliriraku ng'oti mpaata, era muvaale ekutiya.

Yeremia 1:10

Olwaleero luno, nkugemiisa amaghanga n'obwakyabazinga, oiwululengagho era omenhemenhenga, ozikirizenga era osaaniengagho ozimbenga era osimbenga.”

Okulira 2:10

Abasaadha abakaire ab'omu kibuga Sioni batyama agho ku itaka baasiriikirira. Beeyugha enkungu mu mitwe nga beesibye ebikaakaati olw'enaku. N'abaghala baamu boona baakuba amakiryaivu agho ku itaka.

Ezekieli 4:6

Edho bw'olidhimalaku, kabiri olirambaala omukuzi ogwokubiri eky'embavu, aye ku luuyi lule olundi olw'omukono gwo omusaadha. Naakusalira enaku amakumi ana (40), odhimale ng'oli kukola ekibonerezo olw'ebibi eby'eighanga Buyudaaya. Enaku edho dhitegeeza emyaka gye balimala nga bali kubonerezebwa.

Danieli 12:7

Agho Malaika oyo eyali avaire ebivaalo ebighegheevu era eyali ere omwiga ye gwali guli kuviira, yaagololera emikono gye gyombi y'eigulu. Era naamuwulira ng'ali kulayira Katonda omulamu ebyanda n'ebyanda, ng'akoba ati: “Giriba emyaka esatu n'ekitundu. Abazigu bwebalikiriga abantu ba Katonda okutuusa okubamala amaani, ebintu ebyo byonabyona birituukirizibwa.”

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Danieli 8:14

Ole yairamu ati: “Okumala enaku enkumi ibiri na bisatu (2,300) enkyo n'eigulo, memale eisinzizo litukuzibwe.”

Yoeli 1:13

Imwe bakabona muvaale ekutiya mulire enaku, muwowoole imwe abagheereza ku alutaari. Imwe abagheereza ba Katonda wange, mwingire mu isinzizo musule nga muvaire kutiya olw'okunakughala; kuba tighakaali bigheebwayo bya mere ya mpeke waire ebigheebwayo eby'okunhwa ebireetebwa mu isinzizo lya Katonda waimwe.

Yona 3:5

Abantu ab'e Nineve baikiriza obukwenda bwa Katonda, era baalangirira buli muntu okusiiba endhala okuviira irala ku babbede okutuukira irala ku basembayo ghansi. Baavaala ekutiya okwoleka okwenenia kwaibwe.

Yona 3:8

Buli muntu ateekwa okwesiba ekutiya, na buli nsolo esibibwe ekutiya. Buli muntu ateekwa okulekayo ebibi by'akola n'ebikolwa eby'obukambwe, yeeghembe Katonda n'omwoyo mulala okumusonigha.

Okubala 11:26

Ghaaligho abantu babiri, ku bakulembeze ensanvu, abaasigala mu kifo abantu ghe baasimba weema dhaibwe, owundi nga ni Elidadi ate owundi nga ni Medadi. Abo baali nga tibajiire mu Weema ni banaibwe. Agho omwoyo gwabaidhiraku eyo, baayogera eby'obulanzi.

Matayo 11:21

Yaakoba ati: “Abantu ab'e Korazini, mukagwireku! N'abe Bethisaida, mukagwireku! Kuba ebyewuunhio ebikolerwa mu imwe nguli byali bikoleirwa mu Tiro ni Sidoni, nguli beenenia, baavaala ekutiya, beebbaaka n'eivu.

Matayo 18:16

Aye bw'atakuwulirisa, otoola mwino mulala oba babiri waaja nabo: Buli kibono kyakakasibwa abadhulizi babiri oba basatu.

Luka 10:13

“Okagwireku Korazini! Okagwireku Bethisaida! Kuba ebyewuunhio ebikolebwa mu imwe nguli byakolebwa mu Tiro ni mu Sidoni, nguli beenenia, baavaala ekutiya, baatyama ni mu ivu.

Luka 24:48

Niimwe abadhulizi ab'ebintu ebyo.

Yoanne 15:27

Era mwena mulindhulira kuba mubaire ninze okuviira irala ku ntoolo.”

Yoanne 3:27

Yoanne yaabairamu ati: “Ezira afuna kitone kyonakyona nga tikiviire mu igulu.

Ebikolwa by'Abatume 1:8

Aye mulifuna amaani Mwoyo Mutukuvu lw'alibaidhaku, mwaba badhulizi bange mu Yerusalemu, ni mu Buyudaaya mwonamwona, ni mu Samaria, n'okutuusa ensi y'ekoma.”

Ebikolwa by'Abatume 13:31

Yaamala enaku kamaala ng'abonekera abo abaaniinaniina naye e Yerusalemu nga bava e Galilaaya. Abo buti n'abadhulizi be, eri abantu.

Ebikolwa by'Abatume 2:32

Yesu ono, Katonda yamuzuukiza, era twenatwena tuli badhulizi b'ekyo.

Ebikolwa by'Abatume 3:15

Mwaita mwene bulamu, oyo Katonda ye yazuukiza mu bafu, era ife tuli badhulizi b'ekyo.

1 Ab'e Korintho 12:28

era mu Kikunsu ky'Abaikiriza mu Kurisito, Katonda yategeka emirimo ng'asookera ku batume, yaizaaku abalanzi, abokusatu n'abeegeresa olwo yaizaaku abakola ebyewuunhio, yaizaaku abawonia, ababeezi, abafuzi, n'aboogera mu nnimi.

2 Ab'e Korintho 13:1

Guno omukuzi gwe ndi kwidha okubakyalira guja kuba gwa kusatu. “Buli kulumiriza kulikakasibwa nga ghaligho abadhulizi babiri oba basatu”, ng'ebyaghandiikibwa bwe bikoba.

Ab'Efeso 4:11

Era n'oyo eyagha abandi okuba abatume, abandi okuba abalanzi, abandi okukobera abantu Amawulire Amalungi, abandi okulabirira abantu ba Katonda, n'abandi okuba abeegeresa.

Amateeka Agokubiri 17:6

Aye aidha kwitibwanga nga ghaligho abadhulizi babiri oba basatu abamulumiriza. Bwe ghanaabangagho omudhulizi omulala yenka, omuntu oyo taidha kwitibwanga.

Amateeka Agokubiri 19:15

Musa yaakoba Abaisiraeli ati: “Omudhulizi omulala yenka taasingisenga muntu musango, olw'ekibi oba ekintu ekikyamu kyonakyona omuntu oyo ky'anaabanga ng'akoze. Omuntu anaakakasibwanga okuba ng'aliku omusango lwa budhulizi bwa bantu babiri oba basatu.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 11:2

Aye oluya lw'eisinzizo luleke, otalupima, kuba lwagheebwa abamaghanga agandi abaidha okumala emyezi amakumi ana n'ebiri (42) nga baniinirira ekibuga ekitukuvu.

Okwolekebwa 11:6

Abo bali n'obukumu okukingula amaadhi gaaloba kugwa mu kiseera kye bamala nga bakobera abantu ebibono bya Katonda. Era bali n'obukumu obw'okufuula amaadhi omusaayi, n'okuleeta ku nsi ebibamba ebya buli nsambo, buli ghe baba nga bendeire.

Okwolekebwa 12:6

Omukazi yaalumukira mu irungu mu kifo Katonda kye yali amaze okumutegekera, bamulabirire eyo okumala entangama ya nnaku lukumi na bibiri na nkaaga (1,260).

Okwolekebwa 13:5

Ekisolo kyagheebwa omunwa, kyesaakasaaka era kyavuma Katonda era kyaikirizibwa okuba n'obuyinza okumala emyezi amakumi ana n'ebiri (42).

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.

Okwolekebwa 20:4

Agho naabona ebityamo eby'obwakyabazinga nga bityaimeku abo abaagheebwa obukumu okufuga. Era naabona emyoyo gy'abo abaatemwaku emitwe olw'okudhulira Yesu n'olw'ekibono kya Katonda. Abo n'abataasinza kisolo waire ekifaananie kyakyo era abataaganha kuteebwaku kamanhiso kaakyo mu byeni oba ku mikono. Abo bairamu okuba abalamu era Kurisito yaafuga nabo emyaka lukumi (1,000).