Okwolekebwa 11:1 - Baibuli Ekibono kya Katonda 2014

¹ Agho naagheebwa olupimo nga luli ng'oti mwigo, ghaabaagho ankoba ati: “Situka opime eisinzizo lya Katonda ni alutaari, obale n'abalisinzizaamu.

Okwolekebwa 11:1 ပူးပေါင်းရင်းမြစ်များ

Isaia 28:17

Okukola amazima n'okulifuuka olukoba olupima, ate obutuufu bwaba akagugha akatereeza ekisenge ekizimbibwa.” Kiwunga alimu omugozi alyeyaagho obuguya bwaimwe bwe mwesiga, amaadhi ag'omwidhuzo gaazikiriza ebyo bye mwesiguliraku.

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Okubala 33:18

Baava e Hazerothi, baaja basimba weema dhaibwe e Rithima.

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

Okwolekebwa 10:11

Agho Katonda yankoba ati: “Oli n'okwiramu okulanga ebyo ebirituuka ku bantu abangi, ni ku maghanga, ni ku nnimi, ni ku bakyabazinga.”

Okwolekebwa 21:15

Malaika eyali ali kwogera ninze, yali n'olupimo olwa zaabu olw'okupima ekibuga, n'emiryango gyakyo, n'ekimante ekikyezungulwire.