Okwolekebwa 1:9 - Baibuli Ekibono kya Katonda 2014

⁹ Ninze Yoanne muganda waimwe era Mukurisito munaimwe, agabanira aghalala n'imwe ku kudaazibwadaazibwa ni ku Bwakyabazinga bwa Kurisito era ni ku kuguminkiriza mu kudaazibwadaazibwa. Nateebwa ku kizinga ekyetebwa Patumo nga nangibwa okwegeresa abantu ekibono kya Katonda n'olw'okuba omudhulirwa wa Yesu.

Okwolekebwa 1:9 ပူးပေါင်းရင်းမြစ်များ

Matayo 20:23

Yaabakoba ati: “N'agh'agho, ekikopo kyange mulikinhwaku, aye eky'okutyama ku mukono gwange omusaadha ni ku mugooda, kino ti kyange okukibagha, aye kirigheebwa abo Lata wange be yakitegekera.”

Mariko 10:39

Baamukoba bati: “Tusobola.” Agho Yesu yaabakoba ati: “Ekikopo kye nhwa mulikinhwa, n'okubatizibwa kwe mbatizibwa mwena mulikubatizibwa.

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Ebikolwa by'Abatume 1:15

Mu kiseera n'ekirala, Petero yaayemerera ghagati gh'aboluganda, ekikunsu kyalimu abantu nga kikumi n'abiri, yaakoba ati:

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

Ab'e Roma 8:17

Nga bwe tuli abaana be, tulifuna ebirungi bye yasuubiza abantu be, era tuligabanira ghalala ni Kurisito ebyo Katonda bye yamuterekera. Kuba bwe tudaagiradaagira aghalala ni Kurisito, tulifunira ghalala naye ekitiisa.

Ab'e Roma 8:25

Aye bwe tusuubira ekyo kye tutabonaku, tulindirira n'okuguminkiriza.

2 Ab'e Korintho 1:7

Tubeesiga inho buliidho, kuba twidhi tuti nga bwe mugabana ku kudaagadaaga kwaife, mugabana ni ku kugumizibwa kwaife.

Ab'e Filippi 1:7

Ndi mutuufu okubalowoozaaku ntyo mwenamwena kuba mundi ku mwoyo, ate era kuba mugabanira ghalala ninze ku kisa kya Katonda, ka kibe mu busibe bwange mu ikomera, oba mu kulwanirira n'okukakasa Amawulire Amalungi.

Ab'e Filippi 4:14

Aye mwakola bukalamu okundhiruukirira mu bizibu byange.

2 Ab'e Thessalonika 3:5

Musengwa abatuuse ku kugonza kwa Katonda ni ku kuguminkiriza kwa Kurisito.

2 Timotheo 1:8

Agho ni mutagemebwanga nsoni kugha budhulirwa ku Musengwa waife, oba ku nze ye baata mu ikomera olw'eriina lye, aye mudaagirenga ghalala n'ife olw'Amawulire Amalungi nga mukozesa amaani Katonda g'abagha.

Abaheburayi 10:36

Mwetaaga okuguminkiriza, memale musobole okukola Katonda ky'ayenda, n'okugheebwa ekyasuubizibwa.

1 Petero 5:1

Nhenda okukubiriza abo abakulembeze b'abaikiriza abali mu imwe. Zeena nga bwendi mukulembeze munaibwe eyaboneraku irala okudaazibwadaazibwa kwa Kurisito, era aja okugabana ku kitiisa ekija okwolekebwa, mbakubiriza

Okwolekebwa 1:1

Bino n'ebintu Yesu Kurisito bye yayoleka abagheereza be. Ebintu bino nga biri n'okubaagho amangu. Kurisito yatuma malaika we yaabimanhisa omugheereza we Yoanne.

Okwolekebwa 1:2

Ono yakoba byonabyona bye yabona era yakakasa nga bibono bya Katonda, ebyayolekebwa Yesu Kurisito.

Okwolekebwa 1:4

Ninze Yoanne nga mpandiikira Ebikunsu eby'Abaikiriza mu Kurisito omusanvu ebiri mu Asia. Katonda oyo aligho, eyaligho era aliidha, abaghe enkabi n'emiraala. Era n'emyoyo omusanvu egiba agho gha mberi gh'ekityamo kye gikole gityo.

Okwolekebwa 1:6

yaatufuula obwakyabazinga, era yaatufuula bakabona ba Katonda Ise. Agheebwenga ekitiisa n'obuyinza ebyanda n'ebyanda. Amiina.

Okwolekebwa 11:7

Bwe balimala okugha obudhulirwa bwaibwe, ekisolo ekiva mu lwina olutakoma kiribatanulaku olutalo, kyabaghangula, era kyabaita.

Okwolekebwa 12:11

Abo baamughangula n'omusaayi ogw'Entaama Ento n'olwamazima ge badhulira, obulamu bwaibwe baaloba kubufaaku waire okutya okufa.

Okwolekebwa 12:17

Ogusota gwasungughalira inho omukazi, gwaja okulumba abasigairegho mu izaire lye abo abagema ebiragiro bya Katonda era abadhulira Yesu.

Okwolekebwa 13:10

Kiisi muntu eyategekerwa okunhagibwa, alitwalibwa mu bunhage. Era kiisi muntu eyategekerwa okwitibwa empiima, alifa mpiima. Agho ni abatuukirivu bateekwa okuba n'okwikiriza era n'okuguminkiriza.

Okwolekebwa 14:12

Agho ni abo abatuukirivu abagema ebiragiro bya Katonda, ni basigala nga baikiriza Yesu, bateekwa okuguminkiriza.

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.

Okwolekebwa 20:4

Agho naabona ebityamo eby'obwakyabazinga nga bityaimeku abo abaagheebwa obukumu okufuga. Era naabona emyoyo gy'abo abaatemwaku emitwe olw'okudhulira Yesu n'olw'ekibono kya Katonda. Abo n'abataasinza kisolo waire ekifaananie kyakyo era abataaganha kuteebwaku kamanhiso kaakyo mu byeni oba ku mikono. Abo bairamu okuba abalamu era Kurisito yaafuga nabo emyaka lukumi (1,000).

Okwolekebwa 3:10

Olw'okuba waguminkiriza mu kudaazibwadaazibwa nga bwe nakulagira, ndidha kukuwonia ekiseera eky'okulebwa ekija okwidhira ensi yoonayoona okuleba abo abali ku nsi.

Okwolekebwa 6:9

Entaama Ento bwe yakakampula akamanhiso akokutaanu, naabona ghansi gh'alutaari emyoyo gy'abo abaitibwa olw'okwikiriza ekibono kya Katonda n'olw'okukidhulira.

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.