Okwolekebwa 1:5 - Baibuli Ekibono kya Katonda 2014

⁵ Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 1:5 ပူးပေါင်းရင်းမြစ်များ

Zabbuli 51:2

Nnaaliza irala omaleku embiidhabiidha, era ontukuze nveeku ebibi!

Zabbuli 72:11

Bakyabazinga boonaboona beeyale mu maiso ge; abantu abamaghanga goonagoona babe bagheereza be.

Zabbuli 89:27

Ndimufuula mutabane wange omuberi, kyabazinga omukologho asinga bakyabazinga boonaboona ab'oku nsi.

Ensambo 14:5

Omudhulizi omwesigwa talimba, aye atali mwesigwa ayogera bya buguya byereere.

Isaia 55:4

Daudi oyo namufuula omukulembeze era omufuzi ow'amaghanga asingayo kuba wa ghaigulu, naakozesa oyo okwoleka ab'amaghanga obuyinza bwange.

Danieli 2:2

Agho yaalagira bamwetere abalaguzi, n'abasamize, n'abalogo, n'ab'amaghembe, baidhe bamukobere eby'ekirooto kye. Kale baidha baayemerera agho mu maiso ge.

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Abalevi 13:58

Aye bw'anaakyozanga ekimyamya ni kiwaamu, anairangamu okukyoza kabiri era kyabalibwa nga kirongoofu.”

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Matayo 20:28

Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Yoanne 13:1

Mperaano Ekibinuko eky'Okubitizibwa kyali kiri kumpi okutuuka. Yesu yamanha ng'esaawa ye ey'okuva mu nsi okwirayo ye Ise yoona yali etuuse. Bwe yagonza ababe abaali mu nsi yabagonza okutuukiza irala ku nkomerero.

Yoanne 13:34

Mbagha ekiragiro ekiyaaka: Mugonzanienga. Nga nze bwe nabagonza, mwena mugonzanienga mutyo.

Yoanne 15:9

Nga Lata bw'angonza, zeena bwe mbagonza. Mwekalangulire mu mukwano gwange.

Yoanne 18:37

Pilato yaamukoba ati: “Ekikoba oli kyabazinga?” Yesu yaamwiramu ati: “Okyogeire, ndi kyabazinga. Kino kye nazaalirwa, era ekyandeeta mu nsi ni kino: okumanhisa amazima. Oyo yeenayeena ow'amazima, awulira eiroboozi lyange.”

Yoanne 3:11

Bwenebwene ka nkukobere, ife twogera kye twidhi era tukakasa kye twabona, aye imwe muloba okwikiriza obudhulizi bwaife.

Yoanne 3:16

Atyo Katonda bwe yagonza abantu ab'oku nsi, yaaghaayo Omwana we omulala bedengedenge kiisi amwikiriza alobe kuzikirira aye afune obulamu obutawaagho.

Yoanne 3:32

Akakasa ebyo bye yabona era bye yawulira, aye ghazira aikiriza by'akoba.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

Ebikolwa by'Abatume 26:23

Baakoba bati Kurisito ateekwa kudaazibwadaazibwa abe asooka mu kuzuukira, memale atuuse ku Bayudaaya ni ku bamaghanga agandi obutangaavu obw'obulokozi.”

Ab'e Roma 3:25

Olw'okufa kwe Katonda yamutaagho okuba omutango ogw'ebibi by'abaikiriza. Katonda yakola kino olw'okwoleka obutuufu bwe, kuba olw'okuguminkiriza kwe, ebibi by'abantu eby'eira tiyabiringiriza.

Ab'e Roma 8:37

Aye mu ebyo byonabyona tughangulira irala ku lw'oyo eyatugonza

1 Ab'e Korintho 6:11

Era abandi ku imwe mutyo bwe mwali, aye mwanaazibwa mwafuulibwa bantu ba Katonda era abatuufu eri Katonda, mu liina lya Musengwa waife Yesu Kurisito, ni mu Mwoyo wa Katonda.

Ab'e Galatia 2:20

era tiri mulamu ku bwange aye Kurisito n'omulamu mu nze. Obulamu buno bwe ndi nabwo mperaano mu mubiri, ndi nabwo lwa kwikiriza Mwana wa Katonda eyangonza n'aghaayo obulamu bwe ku lwange.

Ab'Efeso 2:4

Aye Katonda olw'ekisa kye ekyodo n'olw'okugonza einho kw'atugonzaamu,

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Amateeka Agokubiri 18:2

Tibaabenga na itaka lya nsikirano ng'ab'ebika ebindi. Omugabo gwaibwe gunaabanga mu kuba bakabona ba Musengwa Katonda, nga Musengwa Katonda bweyasuubiza.

Amateeka Agokubiri 23:5

Aye Musengwa Katonda waimwe yabagonza, yaaloba kuwulirisa bya Balaamu. Mu kifo eky'ekikolimo, yaabaghaamu nkabi.

Amateeka Agokubiri 7:8

Aye olw'okuba Musengwa Katonda yabagonza, era yaayenda okukuuma ekisuubizo, kye yasuubiza badhaadha baimwe, kyeyava n'akozesa amaani ge agataloodheka okubanunula. Yaabatoola mu ngalo dha kyabazinga ow'e Misiri, ye mwakolanga obwiru.

Ab'e Kolosai 1:18

Oyo n'omutwe ate Ekikunsu ky'Abaikiriza mu Kurisito n'omubiri gwe, oyo n'entoolerezo era n'omwigula nda mu kuzuukira memale abe emberi wa byonabyona.

1 Timotheo 6:13

Ndi kukusikirira mu maiso ga Katonda agha byonabyona obulamu, n'aga Kurisito Yesu eyayatula okwikiriza mu maiso ga Pontio Pilato,

1 Timotheo 6:15

Katonda asaakibwa era afuga byonabyona, Kyabazinga wa bakyabazinga era Musengwa wa basengwa, alyoleka okwidha okwo mu kiseera kyakwo ekituufu.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

1 Petero 1:19

Kyali omusaayi gwa Kurisito ogw'omughendo einho, ali ng'oti n'entaama ento eziraku kamogo waire kimyamya.

1 Yoanne 1:7

Aye bwe tutambulira mu butangaavu ng'oyo bw'ali mu butangaavu, tuba twisania ife beene na beene era n'omusaayi gwa Yesu Omwana we gutunaazaku ebibi byonabyona.

1 Yoanne 4:10

Kuno ni n'okugonza, ti lwa kuba nga ife twagonza Katonda aye Katonda yatugonza era yaatuma Omwana we abe omutango olw'ebibi byaife.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 19:11

Agho naabona eigulu nga liigule, era okuja okulinga nti nga mbona embalaasi endheru! Eyali ali kugivuga nga ayetebwa Mwesigwa, Owamazima, asala emisango era n'alwana entalo mu butuufu.

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”

Okwolekebwa 2:13

Ndidhi y'oba eyo eri ekityamo kya Sitaani. Weekalanguliire ku nze. Era waasigala ng'ondhikiriza ni mu kiseera Antipa omudhulizi wange omwesigwa mwe yaitirwa eyo ewaimwe Sitaani y'aba.

Okwolekebwa 3:14

“Ghandiikira malaika w'Ekikunsu eky'Abaikiriza mu Kurisito eky'e Laodikea, oti: Oyo oyetebwa Amiina, omudhulirwa omwesigwa, ow'amazima, era ensimuko y'ebyo Katonda bye yatonda, akoba ati:

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.