Okwolekebwa 1:1 - Baibuli Ekibono kya Katonda 2014

¹ Bino n'ebintu Yesu Kurisito bye yayoleka abagheereza be. Ebintu bino nga biri n'okubaagho amangu. Kurisito yatuma malaika we yaabimanhisa omugheereza we Yoanne.

Okwolekebwa 1:1 ပူးပေါင်းရင်းမြစ်များ

Zabbuli 25:14

Musengwa Katonda aba mukagwa w'abo abamutya, era akakasa endagaano ye nabo.

Danieli 8:16

Naawulira amamiro ag'omuntu nga gava ghagati mu mwiga Ulai, gaayeta gati: “Gaburieli, kobera omusaadha oyo amakulu g'ebyo by'aboine.”

Danieli 9:21

Bwe nali nga nkaasaba naabona omuntu ole, Gaburieli, eyali mu kubonekerwa okwasooka. Yaaguluka yaidha ghe nali mu kiseera eky'okugheerayo emisengo egy'eigulo.

Danieli 9:23

Bw'otooleire okusaba kwo, ghaligho Katonda ky'akwizeemu. Era ekyo kye ndidhie okukukobera, kuba oli mugonzi inho y'ali. Kale ni weetegereze nga nkwinhonhola, otegeere amakulu ag'okubonekerwa okwo.

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.

Yoanne 12:49

Kuba tyayogeranga ku bwange aye Lata eyantuma n'eyampa eby'okwogera n'eby'okukoba.

Yoanne 15:15

Tikaabeeta bagheereza, kuba omugheereza tamanha Musengwa we by'akola. Aye mbeeta bakagwa bange, kuba byonabyona bye nawulira okuva ewa Lata wange nabibamanhisa.

Yoanne 17:8

Kuba ebibono bye wampa mbibakobeire era baabisangaalira. Bamanhie bati bwenebwene nava y'oli era baikiriza nga niiwe owantuma.

Yoanne 3:32

Akakasa ebyo bye yabona era bye yawulira, aye ghazira aikiriza by'akoba.

Yoanne 8:26

Ndi n'ebintu kamaala eby'okuboogeraku era eby'okubasalira omusango aye eyantuma wa mazima, era nkobera ensi ebyo byonka bye mpulira okuva y'ali.”

Ab'e Roma 16:25

Ka tusaake Katonda oyo asobola okubagha amaani mu kwikiriza agava mu Mawulire Amalungi agagema ku Yesu Kurisito ge nkobera abantu. Ekyo n'ekyama ekyagisibwa okuva eira n'eira.

Ab'e Galatia 1:12

Ghazira muntu yagankobera oba okugandhegeresa; Yesu Kurisito mwene n'eyagandholeka.

Ab'Efeso 3:3

Katonda yandholeka naamanha ekyama kye nga bwe nabaghandiikira mu bumpimpi.

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,

Okwolekebwa 1:19

Mperaano ghandiika by'obona ebirigho, n'ebiribaagho ye bwidha.

Okwolekebwa 1:9

Ninze Yoanne muganda waimwe era Mukurisito munaimwe, agabanira aghalala n'imwe ku kudaazibwadaazibwa ni ku Bwakyabazinga bwa Kurisito era ni ku kuguminkiriza mu kudaazibwadaazibwa. Nateebwa ku kizinga ekyetebwa Patumo nga nangibwa okwegeresa abantu ekibono kya Katonda n'olw'okuba omudhulirwa wa Yesu.

Okwolekebwa 17:1

Agho owundi ku bamalaika omusanvu abaali n'ebibya omusanvu, yaidha yankoba ati: “Idha nkulage omusango bwe gusalirwa malaaya omukulu atyaime okumpi n'amaadhi amangi.

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.

Okwolekebwa 19:9

Era yankoba ati: “Ghandiika oti: Ba nkabi abo abeeteibwa ku mbaga ey'obugole ey'Entaama Ento.” Kabiri yankoba ati: “Bino n'ebibono bya Katonda byenebyene.”

Okwolekebwa 21:2

Naabona ekibuga ekitukuvu, Yerusalemu ekiyaaka, nga kiika kiva mu igulu ewa Katonda, nga kiri ng'oti n'omugole ye bavaaziiza, eyetegeike okutwalibwa ewa iba.

Okwolekebwa 21:9

Agho owundi ku bamalaika omusanvu abaali n'ebibya omusanvu, ebyali biidhwire ebibamba omusanvu eby'ensembo, yaidha, yaayogera ninze, yankoba ati: “Idha, ndidha kukwoleka omugole Entaama Ento y'ebayiiza.”

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.

Okwolekebwa 22:16

“Nze Yesu, ntumye malaika wange okubakobera ebintu bino mu bikunsu eby'abandhikiriza. Ndi wa ku luzi lwa Daudi era nsimuka mu oyo. Ninze emuunienie ey'oku nkyo eyaka einho.”

Okwolekebwa 22:6

Era malaika yankoba ati: “Ebibono bino bituufu era bya mazima. Musengwa Katonda oyo agha abalanzi Mwoyo we, atumye malaika we okulaga abagheereza be ebyo ebiri n'okubaagho amangu.”

Okwolekebwa 22:8

Nze Yoanne, ninze eyawulira era ni mbona bino. Bwe namala okubiwulira n'okubibona, neeyala gha bigere bya malaika eyabindaga, naamusinza.

Okwolekebwa 22:9

Aye yankoba ati: “Leka otageza kukola ekyo! Zeena ndi mugheereza mwino, ni baganda bo abalanzi era n'abo abagema ebibono ebiri mu kitabo kino. Katonda y'obe osinze.”

Okwolekebwa 4:1

Ebyo bwe byawa, naabona olwigi olwigule mu igulu. Era n'amamiro ge nali nsoose okuwuliraku agaali ng'oti ndeka gankoba gati: “Niina ghano, nkwoleke ebiri n'okubaagho oluvainhuma lwa bino.”

Okwolekebwa 5:7

Yaaja, yaatoola enzingo ey'ekitabo mu mukono omusaadha ogw'oyo atyaime ku kityamo eky'obwakyabazinga.