Okuvaayo 9:4 - Baibuli Ekibono kya Katonda 2014

⁴ Ate nja kubisa bundi ensolo edh'Abaisiraeli okuva ku dh'Abamisiri ensolo edh'Abaisiraeli tidhija kufaaku naire endala eti.

Okuvaayo 9:4 ပူးပေါင်းရင်းမြစ်များ

Okuvaayo 10:23

Mu nnaku eisatu edho nga ghazira Mumisiri aghanga kubona mwine, waire okusituka okuva mu kifo. Aye ng'ate Abaisiraeli boonaboona baalinga n'obutangaavu ghe baabanga.

Okuvaayo 12:13

Aye imwe, omusaayi gwe munaasiiga ku myango, n'akanaaba akamanhiso akooleka endhu dhe mulimu. Bwe nnaabonanga omusaayi, ndidha kubabitizanga. Era ezira kibamba kiribagwaku kubazikiriza lwe ndikuba Misiri.

Okuvaayo 8:19

Abalogo baakoba kyabazinga bati: “Ago maani ga Katonda.” Aye omwoyo gwa kyabazinga gwasigala nga mukalangufu ogutatya, era tiyawulira nga Musengwa Katonda bweyakoba.

Okuvaayo 8:22

Aye ku lunaku olwo, ekiketezo eky'e Gosheni eyo abantu bange ye baba, nja kukibisa mu nsambo ya ndhawulo. Eyo teja kubaayo bikuukuulu bya nsowera, era olwo mulimanha nga ninze Musengwa Katonda ali kukola ebintu ebyo mu Misiri.

Okuvaayo 9:26

Mu kiketezo eky'e Gosheni Abaisiraeli mwe baabanga, ni mwonka omutaagwa mugozi.

Okuvaayo 9:5

Nze Musengwa Katonda ntairegho olwaidho nga lwenja okukola ekyo.’ ”

Okuvaayo 9:6

Olunaku olwairirira Musengwa Katonda yaakola nga bweyakoba. Ensolo dhoonadhoona edh'Abamisiri dhaafa, aye ku dh'Abaisiraeli kwaloba kufaaku naire ndala eti.

Amosi 4:7

Naagemerera amaadhi gaaloba kugwa mu kiseera ebirime byaimwe ghe byageetaagira einho, ng'ekaabulayo emyezi esatu okutuuka ku kukungula. Naatoonhesaaku amaadhi mu kibuga ekindi aye nga mu kindi tigagwa. Amaadhi gaagwa mu musiri ogundi aye ogundi gwakala olw'amaadhi obutagwa.

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”