Okuvaayo 9:27 - Baibuli Ekibono kya Katonda 2014

²⁷ Agho kyabazinga yaayetesa Musa ni Aaroni yaabakoba ati: “Ku mukuzi guno, ndhikiriiza gunsinze, Musengwa Katonda mutuufu aye nze n'abantu bange niife abakyamu.

Okuvaayo 9:27 ပူးပေါင်းရင်းမြစ်များ

2 Samueli 12:13

Agho Daudi yaakoba Nathani ati: “Nakola ekibi naasungughaza Musengwa Katonda.” Nathani yaamukoba ati: “Musengwa Katonda akusoniighe toidha kufa.

2 Ebyomubyanda 12:6

Agho kyabazinga n'abakungu ba Isiraeli baagonda, baakoba bati: “Musengwa Katonda mutuufu.”

Zabbuli 129:4

Aye Musengwa Katonda oyo Omutuufu, yasala emigugha egy'ababi egyali ginsibye.”

Zabbuli 145:17

Musengwa Katonda akola byonabyona mu butuufu era wa kivunika mu by'akola.

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Okuvaayo 10:16

Agho kyabazinga yaagwidhubana okwetesa Musa ni Aaroni yaabakoba ati: “Nhonoine eri Musengwa Katonda waimwe era n'eri imwe.

Okuvaayo 10:17

Kale nsaba kusoniyibwa, okwonoona kwange okwo, era nsaba, leero ku mukuzi guno, muneegayiriregho eri Musengwa Katonda waimwe antooleku olumbe luno.”

Okuvaayo 8:25

Agho kyabazinga yaayetesa Musa ni Aaroni, yaabakoba ati: “Muje mugheeyo emisengo eri Katonda waimwe nga muli mu Misiri muno.”

Okuvaayo 8:8

Kyabazinga yaayetesa Musa ni Aaroni yaabakoba ati: “Muneegayiriregho eri Musengwa Katonda antooleku ebikere bino era abitoole ni ku bantu bange, ndidha kuleka Abaisiraeli baje bagheeyo omusengo ye Musengwa Katonda.”

Okulira 1:18

Aye Musengwa mutuufu, kuba ninze eyadheemera ekibono kye. Aye bantu imwe muwulire mwenamwena, mubone nga bwe ndaagadaaga. Abaisuka bange n'abaguna boonaboona baabatwala mu bunhage.

Danieli 9:14

Kale ni kyewava n'otegeka okutusindikira akabi ako, era n'omala n'okatutuusaaku kuba iwe Musengwa Katonda waife buliidho okola bituufu, aye ife titugondera by'okoba.

Okubala 21:7

Agho abantu baaja ye Musa baamukoba bati: “Twayonoona okwemuluguunhiza Musengwa n'iwe. Tusabire Musengwa atutooleku emisota gino.” Kale Musa yaabasabira.

Okubala 22:34

Agho Balaamu yaakoba malaika wa Musengwa ati: “Nhonoine, kuba mbaire timanhie nga niiwe weekiise mu ngira okundobera okuja. Aye mpegaano oba nga kiba kibi y'oli nze okuja, ka nkyuke ndhireyo.”

Matayo 27:4

Yaabakoba ati: “Nayona okughaayo omusaayi ogw'omuntu azira musango.” Aye baamukoba bati: “Ebyo bibyo ife tibitugemaaku.”

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Yoshua 7:20

Akyani yairamu ati: “Mu butuufu bwene nakola ekibi eri Musengwa Katonda wa Isiraeli era biti bwe byali:

1 Samueli 15:24

Saulo yairamu ati: “Nayonoona naadheemera ebiragiro bya Musengwa Katonda, era naaloba kujiira ku ebyo bye wansikirira, kuba natya abantu, naajiira ku bye bankoba.

1 Samueli 15:30

Agho Saulo yaakoba ati: “Nayonoona, mala gantaamuuku ku kanhagansi mperaano mu maiso g'abakulembeze ab'abantu bange n'ag'Abaisiraeli boonaboona, oireyo ninze nsobole okusinza Musengwa Katonda wo.”

1 Samueli 26:21

Agho Saulo yairamu ati: “Nkoze bubi. Ira, mwana wange Daudi, tikairayo kabiri kukukolaku kabi, kuba owoniiza obulamu bwange olwaleero. Bwenebwene mbaire musiru, era nkoze kibi inho.”