Okuvaayo 9:24 - Baibuli Ekibono kya Katonda 2014

²⁴ Omugozi gwagwa, okumyansa kwayaka ng'oti muliro ghagati mu mugozi obutazikira, era omugozi gwaba mungi inho ogutagwangaku mu Misiri kasookanga ebaagho.

Okuvaayo 9:24 ပူးပေါင်းရင်းမြစ်များ

Yobu 38:23

Ebyo mbiterekera ekiseera ekizibu; olunaku olw'okulwana entalo.

Zabbuli 105:32

Yabasindikira mugozi mu kifo ky'amaadhi okugwa, n'olukuba lwamyansa lwamazaaku ensi yaibwe.

Zabbuli 18:13

Musengwa Katonda yaatyabuka oti lukuba mu igulu, oyo Ali Ghaigulu Yeene yaayogera n'amamiro ge, nga gali ng'oti n'omugozi era ng'oti n'omuliro ogw'amanda.

Okuvaayo 10:6

Dhija kwidhula mu ndhu dhaimwe: edhidho iwe, n'edh'abakungu bo, n'edh'Abamisiri boonaboona. Dhija kuba kamaala inho ekitabonebwangaku bazaire baimwe waire badhaadha baimwe, kasookanga baba ku nsi okutuuka ni ye buli eno.’ ” Agho Musa yaafuluma omwa kyabazinga.

Okuvaayo 9:18

Aye bona eno, enkyo mu kiseera ng'oti ni kino, nja kubasindikira omugozi gugwe ogutagwangaku kasookanga Misiri ebaagho.

Okuvaayo 9:23

Kale Musa yaaghanika omwigo gwe ng'agusonse ku igulu. Musengwa Katonda yaasindika ku nsi okumyansa, n'olukuba, n'omugozi, byagwira ensi Misiri.

Okuvaayo 9:25

Omugozi gwakuba kiisi ekyali mu nsiko mu Misiri mwonamwona: gwaita abantu n'ensolo, gwamenhamenha emiti gyonagyona era gwazikiriza ebimera ebindi byonabyona.

Isaia 30:30

Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Ezekieli 1:4

Bwe nali nga nkaalingiriire, naabona empewo ey'amaani ng'ekunta okuva ku luuyi olw'omukono omugooda olw'e buvandhuba. Naabona n'ekire ekikologho nga kyezungulwirwa okumyansa, era nga kirimu n'omuliro oguli kwaka obutalekera. Ghagati mu muliro ogwo nga ghali kumirimiinha ng'oti kyuma kya kikomo ekizigule.

Ezekieli 13:13

“Musengwa Katonda kyava n'akoba ati: Mu busungu obungi ndisindika empewo ey'amaani, naaleetera n'ekire eky'amaadhi ekinene kyayuyika nga kirimu n'amabaale ag'omugozi amakologho, byasaaniagho ekimante ekyo.

Matayo 24:21

kuba ghalibaagho okudaagadaaga okw'amaani, nga tikubangaghooku kutyo okuva ku mainhama ag'ensi, okutuuka buti, era okutaja kubaagho kabiri.