Okuvaayo 9:23 - Baibuli Ekibono kya Katonda 2014

²³ Kale Musa yaaghanika omwigo gwe ng'agusonse ku igulu. Musengwa Katonda yaasindika ku nsi okumyansa, n'olukuba, n'omugozi, byagwira ensi Misiri.

Okuvaayo 9:23 ပူးပေါင်းရင်းမြစ်များ

Amainhama 19:24

Agho Musengwa Katonda yaagwisa obuganga bwa salufa, ng'oti maadhi, ku Sodoma ni Gomorra, nga buva mu igulu.

Yobu 37:13

Agwisa amaadhi okufukirira ensi. Olundi agagwisa lwa kubonereza bantu, ate olundi kaaba kamanhiso akooleka ekisa kye.

Zabbuli 147:17

Amansa omugozi ng'oti bubaale; ghazira asobola kugumira kiinhogogo ky'asindika.

Zabbuli 148:8

N'imwe omuliro, omugozi, omuzira, n'olufu era n'empewo ya kiwunga ejiira ku biragiro bye, mumusaake.

Zabbuli 18:13

Musengwa Katonda yaatyabuka oti lukuba mu igulu, oyo Ali Ghaigulu Yeene yaayogera n'amamiro ge, nga gali ng'oti n'omugozi era ng'oti n'omuliro ogw'amanda.

Zabbuli 29:3

Amamiro ga Musengwa Katonda ogawulirira ku maadhi; Katonda ow'ekitiisa abwatuka ng'oti lukuba; Musengwa Katonda awulirwa ku maadhi amangi.

Zabbuli 77:18

Olukuba lwo lwatyabuka mu kiwunga nga luvuga ng'oti nkede ya kigaali, okumyansa kwamulisa ensi yoonayoona, ensi yaatengeeta era yeesunda.

Okuvaayo 19:16

Olunaku olwokusatu ku nkyo ghaabaagho okutyabuka n'okumyansa okw'olukuba, n'ekire ekigemu kyaidha ku lusozi, era ghaabaagho n'okuvuga okw'endeka okw'amaani einho. Abantu boonaboona, nga bali mu weema dhaibwe, baatya inho baadhugumira.

Okuvaayo 20:18

Abantu boonaboona bwe baawulira okutyabuka okw'olukuba n'okuvuga okw'endeka, ni babona n'okumyansa okw'olukuba, n'olusozi nga luli kunioka omwosi, baatya inho baadhugumira era baayemerera ere ghalaku.

Okuvaayo 9:18

Aye bona eno, enkyo mu kiseera ng'oti ni kino, nja kubasindikira omugozi gugwe ogutagwangaku kasookanga Misiri ebaagho.

Okuvaayo 9:24

Omugozi gwagwa, okumyansa kwayaka ng'oti muliro ghagati mu mugozi obutazikira, era omugozi gwaba mungi inho ogutagwangaku mu Misiri kasookanga ebaagho.

Isaia 30:30

Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Ezekieli 38:22

Ndimubonereza n'endwaire ya kawumpuli n'okutemulagana. Era mwene, n'eigye lye, n'abalwani abava mu maghanga agandi kamaala abaliba aghalala naye, ndibasindikira amaadhi ag'omwidhuzo, ni kiwunga alimu amabaale g'omugozi, n'omuliro, n'obunhota bwa salufa.

Yoshua 10:11

Abamori bwe baali nga bali kulumuka Abaisiraeli, nga bagemye engira eyo ebita ku lusozi Bethi Horoni, Musengwa Katonda yaabasuulaku amabaale ag'omugozi amakologho nga gava mu igulu. Gaaja nga gabamagalikaku okutuukira irala e Azeka, era gaabaita. Abaafa amabaale ago baawula abo Abaisiraeli be baita n'empiima.

Okwolekebwa 16:18

Agho ghaabaagho okumyansa okw'eigulu, n'okududumuka, n'okutyabuka okw'olukuba, n'ensi okutengeeta. Bino byali tibibangaghooku kasookanga abantu batondebwa ku nsi.

Okwolekebwa 16:21

Amabaale ag'omugozi amakologho, nga buli ibaale lizitogha kilo ng'oti makumi ataanu (50), gaava mu igulu gaamagala ku bantu. Abantu baavuma Katonda olw'ekibamba eky'omugozi, kuba kyali kibamba kya ntiisa inho.

Okwolekebwa 8:7

Malaika asooka yaafuuwa eigwala lye, omugozi n'omuliro nga bitabwirwamu n'omusaayi byamagala ku nsi. Ekitundu kirala kirala ku buli bitundu bisatu eby'ensi kyaya, n'ekitundu kirala kirala ku buli bitundu bisatu eby'emiti kyaya, era n'eisubi eibisi lyonalyona lyaya.