Okuvaayo 9:17 - Baibuli Ekibono kya Katonda 2014

¹⁷ Weetwala ng'owa ghaigulu einho, waaloba kuleka bantu be ni baja.

Okuvaayo 9:17 ပူးပေါင်းရင်းမြစ်များ

Yobu 40:9

Iwe oyaga ninze amaani? Era osobola okutyabuka n'amamiro agali ng'oti n'agange?

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Okuvaayo 9:16

Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Okuvaayo 9:18

Aye bona eno, enkyo mu kiseera ng'oti ni kino, nja kubasindikira omugozi gugwe ogutagwangaku kasookanga Misiri ebaagho.

Isaia 10:15

Aye Musengwa Katonda akoba ati: “Empasa esobola okwesuuta eti n'esinga ole agitemesa? Oba, omusumeeni gusobola okwekuluntaliza ku muntu ali kugusaza? Ate oba oluga ti n'oluwuuba ole alugemye, oba omwigo okubbeeda omuntu atali kiti!”

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 37:29

Mmaze okuwulira nga bw'oneedundeekezaaku, era nga bw'oneekuluntalizaaku. Mpegaano nja kukutunga eirobo lyange mu nhindo yo, nkusibe n'olukoba lwange mu kanwa mwo, nkwiririzeeyo mu ngira yeene ye wabitamu ng'oidha.’ ”

Isaia 45:9

Akagwireku oyo atakania Eyamutonda, kuba aba ng'oti n'ekiwumbe bwe kyanditakainia ole akiwumbye. Aye nga bwenebwene eitosi lisobola okubuuza aliwumbisa liti: “Oli kuwumba ki?” Oba okukoba liti: “Ozira bukugu?”

Ezekieli 28:6

Kale nze Musengwa Katonda nkoba nti: Olw'okuba weetwala okuba omugezi einho nga bakatonda,

Danieli 5:20

Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.

1 Ab'e Korintho 10:22

Twenda kuleetera Katonda kuba wa nkikidi? Niife tumusinga amaani?