Okuvaayo 9:16 - Baibuli Ekibono kya Katonda 2014

¹⁶ Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Okuvaayo 9:16 ပူးပေါင်းရင်းမြစ်များ

2 Samueli 7:23

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

2 Bakyabazinga 19:35

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

1 Ebyomubyanda 16:24

Mumanhise ensi dhoonadhoona nga Musengwa Katonda bw'ali ow'ekitiisa, era mumanhise abantu boonaboona nga bw'akola ebyewuunhisa.

Nehemia 9:10

Wakola ebyewuunhio n'ebyewuninkiriza eri kyabazinga w'e Misiri, n'eri abakungu be boonaboona, n'abantu b'omu nsi ye, kuba wamanha nga bwe baatuntuza badhaadha baife. Agho weekolera eriina erikaaligho ni ye buli eno.

Zabbuli 106:8

Aye era yabawonia okuzikirira ku lw'obulungi obw'eriina lye, asobole okwoleka obuyinza bwe obungi.

Zabbuli 64:9

Olwo abantu boonaboona baja kutya, baghaye ku ebyo Katonda bye yakola, era bisigale ku myoyo gyaibwe nga babidhuuba.

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Okuvaayo 14:17

Ndidha kukalangusa emyoyo egy'Abamisiri balobe kutya, boona bangire mu nhandha nga bababingirira, aye kye nja okukola kyabazinga n'abalwani be boonaboona, n'ebigaali bye eby'omu lutalo, n'abavuzi be ab'embalaasi, kija kumpeesa ekitiisa.

Okuvaayo 14:4

Mu kiseera n'ekirala ndidha kumukalangusa omwoyo alobe kutya, atoolere okubabinga ng'ayenda okubagema, aye kye nja okukola kyabazinga n'abalwani be kija kumpeesa ekitiisa, era Abamisiri balimanha nga ninze Musengwa Katonda.” Abaisiraeli baakola nga Musengwa Katonda bweyabakoba.

Okuvaayo 18:11

Buti ntegeire nga Musengwa Katonda wa maani okusinga bakatonda boonaboona, kuba yatoola abantu be mu ngalo edh'Abamisiri abaabeeyagalirangaku nga tibababonamu ka buntu.”

Okuvaayo 9:15

Kuba mu kiseera kino nandibaire nga naginga omukono gwange naakukuba iwe n'abantu bo, nga mbasindikira obulwaire obubi, era ngoli iwe buti oli mufu.

Okuvaayo 9:17

Weetwala ng'owa ghaigulu einho, waaloba kuleka bantu be ni baja.

Ensambo 16:4

Buli kintu Musengwa Katonda yakikola n'ekigendererwa kyakyo, n'omubi yamukolera olunaku olw'okubonerezebwaku.

Yeremia 32:20

Wakola ebyewuunhio n'ebyewuninkiriza mu Misiri, era ni ye buli eno okaabikola mu Isiraeli, ni mu maghanga agandi goonagoona. Kale kyaba nti buli ghantu bakwidhi.

Ezekieli 39:21

Agho Musengwa Katonda yaakoba ati: “Ndyoleka ekitiisa kyange mu maghanga, abantu baabona bwe nkozesa mu mazima obuyinza bwendi nabwo, okutuukiriza bye mba nsazeegho okukola.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Malaki 1:14

Omuntu omukupankupania akolimirwenga, oyo eyeeyama okughaayo ensolo enume enungi y'ali nayo mu kisibo kye, aye ate n'amala n'aghaayo eriku ekikyamu. Akolimirwenga kuba nze Musengwa Katonda Afuga Amagye ndi kyabazinga mukologho, era abantu ab'amaghanga goonagoona bantya.”

Okubala 14:21

Aye bwenebwene nga bwendi omulamu, era ng'ensi bw'eidhula ekitiisa kyange,

Ab'e Roma 9:17

Ebyaghandiikibwa bikoba Farao biti: “Nakufuula omukulu, mu iwe obukumu bwange bwolekebwe era eriina lyange limanhibwe mu nsi yoonayoona.”

Ab'e Roma 9:22

N'ekyo Katonda kye yakola kifaananaku ni kino. Yayenda okwoleka obusungu bwe n'okumanhisa obukumu bwe. Kyeyava n'aguminkiriza einho abo be yasungughalira abaali bateegereire okuzikirira.

Yoshua 4:24

Olw'ekyo abantu boonaboona ku nsi baidhanga kumanha, nga Musengwa Katonda wa bukumu obutaloodheka, era mwena mwidha kutyanga Musengwa Katonda waimwe oyo ebyanda n'ebyanda.”

1 Petero 2:19

Wa nkabi agumira okudaazibwadaazibwa aghazira musango gw'aiziiza olw'okwenda okukola nga Katonda bw'ayenda.

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.

1 Samueli 4:8

Tukagwireku! Naani anaatuwonia emisambwa egyo egy'amaani gityo? Egyo n'emisambwa egyaita Abamisiri nga gibasindikira ebibamba ebya buli nsambo mu irungu.