Okuvaayo 9:14 - Baibuli Ekibono kya Katonda 2014

¹⁴ Ku mukuzi guno nja kukubonereza nga nkusindikira ebibamba iwe mwene, n'abakungu bo, n'abantu bo abandi, olwo omanhe ng'ezirayo wundi ali ng'oti ninze Musengwa Katonda, mu nsi yoonayoona.

Okuvaayo 9:14 ပူးပေါင်းရင်းမြစ်များ

2 Samueli 7:22

Wo Musengwa Katonda wange, bwenebwene oli mukologho. Tituwulirangaku wundi ali ng'oti niiwe. Niiwe Katonda wenka, ezira wundi.

1 Bakyabazinga 8:38

memale abantu bo Abaisiraeli ni bakusaba nga bakweghemba nga bayandhululiza emikono okugyolekeza eisinzizo lino, omuntu omulala ku lulwe yenka oba boonaboona aghalala, olw'enaku ebaluma ku mwoyo,

1 Ebyomubyanda 17:20

Wo Musengwa Katonda wange, bwenebwene tituwulirangaku wundi ali ng'oti niiwe. Niiwe Katonda wenka, ezira wundi.

Zabbuli 86:8

Mu bakatonda ab'amaghanga agandi boonaboona ghazira ali ng'oti niiwe, era ghazira akola biri ng'oti n'ebibyo by'okola.

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Okuvaayo 8:10

Kyabazinga yaamukoba ati: “Nsabira olwaidho.” Musa yaamukoba ati: “Ndidha kukola nga bw'osabye, era olwo onaamanha nga ezirayo katonda ali nga Musengwa Katonda waife.

Okuvaayo 8:6

Kale Aaroni yaagolola omukono ng'agusonse ku bifo ebyo ebyalimu amaadhi, era ebikere byavaamu byaidhula ku nsi yoonayoona Misiri.

Okuvaayo 9:15

Kuba mu kiseera kino nandibaire nga naginga omukono gwange naakukuba iwe n'abantu bo, nga mbasindikira obulwaire obubi, era ngoli iwe buti oli mufu.

Isaia 45:5

Ninze Musengwa Katonda zenka, ezirayo Katonda wundi naire. Ndikugha amaani ge weetaaga, waire nga iwe tondidhi.

Isaia 46:9

Mwidhukire ebyaligho mu biseera eby'eira, mumanhe nga ninze Katonda zenka, ezirayo wundi; era ezirayo ali ng'oti ninze.

Yeremia 10:6

Wo Musengwa Katonda, ghazira ali ng'oti niiwe. Oli mukologho, n'eriina lyo lyona ikologho era lya maani.

Yeremia 10:7

Naani asobola obutakutya, iwe kyabazinga ow'amaghanga goonagoona? Bwenebwene ogwaniire okutiibwanga, kuba mu bagezi boonaboona abali mu maghanga goonagoona ni mu bwakyabazinga bwaibwe bwonabwona, muzira ali ng'oti niiwe.

Yeremia 19:8

Ndizikiriza ekibuga kino mu nsambo etiisa einho, buli muntu yaakyesimoozanga bwesimooze. Era buli muntu anaabitangagho ensisi eidha kumugemanga olw'okuzikiriza okwo.

Danieli 5:21

Era yaamubinga yaamutoola mu bantu, ebidhuubo bye byafuulibwa ng'eby'ensolo, yaatoolera okubanga mu nsiko ghalala n'endogoyi edh'omu nsiko, yaalyanga eisubi ng'oti nte, n'omusulo oguva ku igulu gwamukubanga yaabola. Byaba bityo okutuusa lwe yamanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Abalevi 26:18

“Ebyo byonabyona bwe binaamalanga okubaagho, era ni musigala nga timukampulira, ekibonerezo kyaimwe ndidha kukyongerangaku emikuzi musanvu olw'ebibi byaimwe.

Abalevi 26:21

“Bwe munaayongeranga okukola empwitu n'obutampulira, ndidha kwongeranga kabiri ku kibonerezo kyaimwe emikuzi musanvu, nga njiira ku bungi bw'ebibi byaimwe.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Mika 6:13

Kale, olw'ebibi byaimwe, ntooleire okubabonereza n'okubazikiriza.

Amateeka Agokubiri 3:24

‘Wo Musengwa Katonda waife, nze ndidhi nga waakatoolera butoolere okundholeka ebikologho n'ebyewuninkiriza by'oja okukola. Ezira katonda mu igulu oba mu nsi asobola okukola eby'amaani by'okoze.

Amateeka Agokubiri 4:35

Ebyo Musengwa Katonda yabibooleka, musobole okumanha nga mwene ni Katonda yenka, ezirayo wundi.

Okwolekebwa 18:8

Ebibamba bye kye biriva bimwidhira ku lunaku olulala, endwaire ya kawumpuli, obughafu, n'endhala. Era alyokebwa omuliro, kuba Musengwa Katonda ali kumusalira omusango okumusinga wa maani.”

Okwolekebwa 22:18

Ndabula kiisi awulira bibono bya bulanzi ebiri mu kitabo kino: oyo alibyongeraku, Katonda alimwongeraku ebibamba ebighandiikiibwaku mu kitabo kino.

1 Samueli 4:8

Tukagwireku! Naani anaatuwonia emisambwa egyo egy'amaani gityo? Egyo n'emisambwa egyaita Abamisiri nga gibasindikira ebibamba ebya buli nsambo mu irungu.