Okuvaayo 8:8 - Baibuli Ekibono kya Katonda 2014

⁸ Kyabazinga yaayetesa Musa ni Aaroni yaabakoba ati: “Muneegayiriregho eri Musengwa Katonda antooleku ebikere bino era abitoole ni ku bantu bange, ndidha kuleka Abaisiraeli baje bagheeyo omusengo ye Musengwa Katonda.”

Okuvaayo 8:8 ပူးပေါင်းရင်းမြစ်များ

1 Bakyabazinga 13:6

Agho kyabazinga Yeroboamu yaakoba omulanzi ati: “Weeghembe Musengwa Katonda wo onsabire, omukono gwange gwiregho.” Omulanzi yeeghemba Musengwa Katonda, omukono gwa kyabazinga ogwo gwairagho, gwaba mu mbeera yaagwo eyabuliidho.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Okuvaayo 10:16

Agho kyabazinga yaagwidhubana okwetesa Musa ni Aaroni yaabakoba ati: “Nhonoine eri Musengwa Katonda waimwe era n'eri imwe.

Okuvaayo 10:17

Kale nsaba kusoniyibwa, okwonoona kwange okwo, era nsaba, leero ku mukuzi guno, muneegayiriregho eri Musengwa Katonda waimwe antooleku olumbe luno.”

Okuvaayo 10:18

Kale Musa yaafuluma omwa kyabazinga era yaaja yaamwegayiriragho eri Musengwa Katonda.

Okuvaayo 14:5

Abantu bwe baakobera kyabazinga ow'e Misiri bati Abaisiraeli beibyegho, kyabazinga oyo n'abakungu be baakyusa emyoyo gyaibwe, baawulira nga babaire bakeetaaga Abaisiraeli, n'okukoba bati: “Tukoze ki kino? Tulese Abaisiraeli baatweibaku, baalekera okuba abairu baife?”

Okuvaayo 32:11

Musa yeeghemba Musengwa Katonda we ati: “Wo Musengwa Katonda, lwaki obusungu bwo bwakira ku bantu bo obwaga agho ng'oti muliro? Mbo abantu bo be watoola mu Misiri n'amaani go agataloodheka era n'obukumu, waabasungughalira otyo?

Okuvaayo 5:2

Aye kyabazinga yaabakoba ati: “Musengwa Katonda naani, ye ndi n'okuwulira era ni ndeka Abaisiraeli okuja? Nze tiidhi Musengwa Katonda oyo, era tiidha kuleka Baisiraeli kuva ghano.”

Okuvaayo 8:15

Aye kyabazinga bweyabona ng'ekizibu ekyo kiviiregho yaakalangusa omwoyo gwe, yaaloba kutya era yaaloba kuwulira nga Musengwa Katonda bweyakoba.

Okuvaayo 8:29

Musa yaamwiramu ati: “Olunaava ghano nti, nga neegayirira Musengwa Katonda, olwaidho atoolegho ebikuukuulu eby'ensowera okuva ku iwe, ni ku bakungu bo, era ni ku bantu bo abandi boonaboona. Aye ku mukuzi guno otairamu kutuguyaguya ng'olobera abantu okuja okughaayo emisengo eri Musengwa Katonda.”

Okuvaayo 8:32

Aye kyabazinga ni ku mukuzi guno yaakalangusa omwoyo gwe yaaloba kutya, era yaaloba kuleka Baisiraeli ni baja.

Okuvaayo 8:9

Musa yairamu kyabazinga ati: “Gh'onaayendera gh'onankobera, naakusabira iwe n'abakungu bo, era n'abantu bo, ebikere bizikirizibwe bibaveeku era bive ni mu ndhu dhaimwe, bisigale mu mwiga Kiyira mwonka.”

Okuvaayo 9:27

Agho kyabazinga yaayetesa Musa ni Aaroni yaabakoba ati: “Ku mukuzi guno, ndhikiriiza gunsinze, Musengwa Katonda mutuufu aye nze n'abantu bange niife abakyamu.

Okuvaayo 9:28

Muneegayiriregho eri Musengwa Katonda, kuba titukaaghanga kugumira kubwatuka kwa lukuba na mugozi bino. Ndidha kubaleka muje era tikikaabeetaagisa kusigala nga mukaali muno.”

Okuvaayo 9:33

Kale Musa yaafuluma ekibuga ekyo, yaaghanika emikono yaasaba Musengwa Katonda okubwatuka okw'olukuba n'omugozi era n'amaadhi byalekera.

Okubala 21:7

Agho abantu baaja ye Musa baamukoba bati: “Twayonoona okwemuluguunhiza Musengwa n'iwe. Tusabire Musengwa atutooleku emisota gino.” Kale Musa yaabasabira.

Ebikolwa by'Abatume 8:24

Simoni yaakoba Petero ati: “Munsabire ye Musengwa, ebibono ebyo bye mwogeire ghalobe kubaagho kintuukaku.”

1 Samueli 12:19

Baakoba Samueli bati: “Tusabire eri Musengwa Katonda wo, ife abagheereza bo tulobe kufa, kuba ku bibi byaife byonabyona bye tuli nabyo, kabiri twongeireku ni kino eky'okwesabira kyabazinga.”