Okuvaayo 8:32 - Baibuli Ekibono kya Katonda 2014

³² Aye kyabazinga ni ku mukuzi guno yaakalangusa omwoyo gwe yaaloba kutya, era yaaloba kuleka Baisiraeli ni baja.

Okuvaayo 8:32 ပူးပေါင်းရင်းမြစ်များ

Okuvaayo 4:21

Era Musengwa Katonda yaakoba Musa ati: “Bw'otuuka e Misiri bona nti okolera mu maiso ga kyabazinga ebyewuunhio byonabyona nga bwendi kukugha obukumu okubikola, aye nja kukalangusa omwoyo gwe alobe kutya, era alobe kuleka bantu bange kuvaayo.

Okuvaayo 8:15

Aye kyabazinga bweyabona ng'ekizibu ekyo kiviiregho yaakalangusa omwoyo gwe, yaaloba kutya era yaaloba kuwulira nga Musengwa Katonda bweyakoba.

Okuvaayo 8:31

Musengwa Katonda yaakola nga Musa bweyamwegayirira yaatoola ebikuukuulu eby'ensowera okuva ku kyabazinga mwene, ni ku bakungu be, ni ku bantu be abandi boonaboona ghaabula ensowera esigala naire endala eti.

Okuvaayo 8:8

Kyabazinga yaayetesa Musa ni Aaroni yaabakoba ati: “Muneegayiriregho eri Musengwa Katonda antooleku ebikere bino era abitoole ni ku bantu bange, ndidha kuleka Abaisiraeli baje bagheeyo omusengo ye Musengwa Katonda.”

Okuvaayo 9:7

Kyabazinga yaatuma okubuuliriza, era baamukobera nga ku nsolo edh'Abaisiraeli bwe kutaafaaku naire ndala. Aye era omwoyo gwa kyabazinga gwasigala nga mukalangufu yaaloba kutya, era yaaloba kuleka Baisiraeli kuja.

Isaia 63:17

Wo Musengwa Katonda, lwaki otuleka okudaaliima ni tuva ku ngira y'otwoleka? Lwaki oleetera emyoyo gyaife okukalanguka ni tutakutya? Ganha oire ye tuli, ku lw'abantu bo abagheereza bo, abantu ababo ku bubwo ab'omu bika bya Isiraeli.

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

1 Samueli 6:6

Lwaki mwenda okukalangusa emyoyo gyaimwe ng'Abamisiri ni kyabazinga waibwe bwe baakola? Katonda bwe yababonereza n'abamalamu, tibaalwa eira ni baleka Baisiraeli kuva mu Misiri ni baja?