Okuvaayo 8:28 - Baibuli Ekibono kya Katonda 2014

²⁸ Agho kyabazinga yaabakoba ati: “Kale ndidha kubaleka muje mu irungu mugheereyo eyo emisengo ye Musengwa Katonda waimwe, kasita muba nga timuuje ghala inho. Muneegayiriregho eri Musengwa Katonda oyo.”

Okuvaayo 8:28 ပူးပေါင်းရင်းမြစ်များ

1 Bakyabazinga 13:6

Agho kyabazinga Yeroboamu yaakoba omulanzi ati: “Weeghembe Musengwa Katonda wo onsabire, omukono gwange gwiregho.” Omulanzi yeeghemba Musengwa Katonda, omukono gwa kyabazinga ogwo gwairagho, gwaba mu mbeera yaagwo eyabuliidho.

Ezera 6:10

Olwo baghengayo eri Katonda ow'eigulu emisengo gy'asiima, era bansabirenga nze kyabazinga n'eizaire lyange.

Okuvaayo 10:17

Kale nsaba kusoniyibwa, okwonoona kwange okwo, era nsaba, leero ku mukuzi guno, muneegayiriregho eri Musengwa Katonda waimwe antooleku olumbe luno.”

Okuvaayo 3:19

Nkiidhi bukalamu nti kyabazinga ow'e Misiri taidha kubaleka buleke muveeyo, okutoolaku ng'akakiibwa bukakibwe n'amaani agataloodheka.

Okuvaayo 7:13

Aye era omwoyo gwa kyabazinga gwasigala nga mukalangufu, yaaloba kutya era yaaloba kuwulira nga Musengwa Katonda bweyakoba.

Okuvaayo 8:15

Aye kyabazinga bweyabona ng'ekizibu ekyo kiviiregho yaakalangusa omwoyo gwe, yaaloba kutya era yaaloba kuwulira nga Musengwa Katonda bweyakoba.

Okuvaayo 8:29

Musa yaamwiramu ati: “Olunaava ghano nti, nga neegayirira Musengwa Katonda, olwaidho atoolegho ebikuukuulu eby'ensowera okuva ku iwe, ni ku bakungu bo, era ni ku bantu bo abandi boonaboona. Aye ku mukuzi guno otairamu kutuguyaguya ng'olobera abantu okuja okughaayo emisengo eri Musengwa Katonda.”

Okuvaayo 8:8

Kyabazinga yaayetesa Musa ni Aaroni yaabakoba ati: “Muneegayiriregho eri Musengwa Katonda antooleku ebikere bino era abitoole ni ku bantu bange, ndidha kuleka Abaisiraeli baje bagheeyo omusengo ye Musengwa Katonda.”

Okuvaayo 9:28

Muneegayiriregho eri Musengwa Katonda, kuba titukaaghanga kugumira kubwatuka kwa lukuba na mugozi bino. Ndidha kubaleka muje era tikikaabeetaagisa kusigala nga mukaali muno.”

Omulangirizi 6:10

Buli kintu ekirigho, kyamala ira okutuumibwa eriina. N'omuntu ekikula kye kimanhiibwa: tasobola kutakana n'oyo amusinga maani.

Yeremia 42:2

ye ndi nze Yeremia. Bankoba bati: “Tukweghembye ganha otukolere kye tuja okukusaba! Tusabire eri Musengwa Katonda waife. Tusabire ife twenatwena abaawonagho, kuba eira twali abantu kamaala, aye mpegaano nga bw'obona twasigala batono bati.

Hosea 10:2

Bali n'emyoyo emiguyaguya. Kale ni buti bali n'okubonerezebwa olw'ebibi byaibwe. Musengwa Katonda alimenhagho alutaari dhaibwe, era yaazikiriza empango edh'amabaale dhe basinza.

Ebikolwa by'Abatume 8:24

Simoni yaakoba Petero ati: “Munsabire ye Musengwa, ebibono ebyo bye mwogeire ghalobe kubaagho kintuukaku.”