Okuvaayo 8:18 - Baibuli Ekibono kya Katonda 2014

¹⁸ Abalogo baagezaaku okukozesa eirogo lyaibwe okufuula enkungu obudhuuni, aye baalemwa. Obudhuuni bwebbuutanga ku bantu ni ku nsolo.

Okuvaayo 8:18 ပူးပေါင်းရင်းမြစ်များ

Amainhama 41:8

Enkyo yeeraliikirira, kale yaayetesa abalaguzi boonaboona n'abakugu mu kuvuunula ebirooto boonaboona ab'omu Misiri, yaabakobera ebirooto bye. Aye ghaabulagho omuntu waire omulala ati, eyali asobola okumuvuunulira amakulu gaabyo.

Okuvaayo 10:23

Mu nnaku eisatu edho nga ghazira Mumisiri aghanga kubona mwine, waire okusituka okuva mu kifo. Aye ng'ate Abaisiraeli boonaboona baalinga n'obutangaavu ghe baabanga.

Okuvaayo 7:11

Agho kyabazinga yaayetesa abasaadha be abagezigezi n'abalogo, boona baakozesa obulogo bwaibwe baakola ekintu n'ekirala.

Okuvaayo 7:12

Kuba buli muntu ku abo yasuula omwigo gwe ghansi, era gyonagyona gyafuuka emisota. Aye omwigo gwa Aaroni gwamira egyaibwe gyonagyona.

Okuvaayo 8:7

Aye abalogo baakozesa eirogo lyaibwe, boona baaleetera ebikere okwidhula ku nsi Misiri.

Okuvaayo 9:11

Abalogo ku luno tibaasobola kwegeza mu Musa, kuba boona baali baidhwire amabuubuuto ng'oti n'Abamisiri abandi boonaboona.

Isaia 19:12

Iwe kyabazinga w'e Misiri, abagezi abo abakugha amagezi bali gha? Ka bakukobere omanhe, oba nga baidhi akabi ke ntegekeire Misiri nze Musengwa Katonda Afuga Amagye.

Danieli 4:7

Agho abalaguzi, n'abasamize, n'ab'amaghembe, n'abo abeetegereza ebiri ku igulu, baidha. Nze naabakobera ekirooto kyange, aye amakulu gaakyo gaabalema okunkobera.

Danieli 5:8

Agho abagezigezi abo boonaboona aba kyabazinga baaseeta, aye baaloba kusobola kusoma kighandiiko ekyo waire okukobera kyabazinga amakulu gaakyo.

Luka 10:18

Yesu yaabakoba ati: “Nabona Sitaani ng'agwa okuva mu igulu oti lukuba.