Okuvaayo 7:3 - Baibuli Ekibono kya Katonda 2014

³ Aye nja kukalangusa omwoyo gwe alobe kutya, waire nga ndikola obumanhiso n'ebyewuunhio emikuzi egigheraku mu Misiri.

Okuvaayo 7:3 ပူးပေါင်းရင်းမြစ်များ

Nehemia 9:10

Wakola ebyewuunhio n'ebyewuninkiriza eri kyabazinga w'e Misiri, n'eri abakungu be boonaboona, n'abantu b'omu nsi ye, kuba wamanha nga bwe baatuntuza badhaadha baife. Agho weekolera eriina erikaaligho ni ye buli eno.

Zabbuli 135:9

Oyo n'eyakolera mu Misiri ebyewuunhio n'ebyewuninkiriza, okubonereza kyabazinga wa Misiri n'abantu be.

Zabbuli 78:12

Katonda yakola ebyewuunhio nga badhaadha baibwe babona bati bye yakolera eyo mu biketezo eby'e Zoani mu nsi Misiri.

Okuvaayo 11:10

Musa ni Aaroni baakola ebyewuunhio bino byonabyona nga kyabazinga abona. Aye Musengwa Katonda yaaleetera kyabazinga oyo okukalanguka omwoyo, yaaloba kutya era yaaloba kuleka Baisiraeli kuva mu nsi ye.

Okuvaayo 11:9

Agho Musengwa Katonda yaakoba Musa ati: “Kyabazinga taja kubawulira, era olwo ndikola ebyewuunhio mu Misiri emikuzi kamaala.”

Okuvaayo 14:4

Mu kiseera n'ekirala ndidha kumukalangusa omwoyo alobe kutya, atoolere okubabinga ng'ayenda okubagema, aye kye nja okukola kyabazinga n'abalwani be kija kumpeesa ekitiisa, era Abamisiri balimanha nga ninze Musengwa Katonda.” Abaisiraeli baakola nga Musengwa Katonda bweyabakoba.

Okuvaayo 3:20

Kale nja kukozesa amaani gange mbonereze Misiri nga ngisindikira ebintu ebitiisa era ebyewuunhisa. Oluvainhuma lw'ebyo kyabazinga alibaleka mwavaayo.

Okuvaayo 4:21

Era Musengwa Katonda yaakoba Musa ati: “Bw'otuuka e Misiri bona nti okolera mu maiso ga kyabazinga ebyewuunhio byonabyona nga bwendi kukugha obukumu okubikola, aye nja kukalangusa omwoyo gwe alobe kutya, era alobe kuleka bantu bange kuvaayo.

Okuvaayo 4:29

Bwe baamala Musa ni Aaroni baaja baayeta abakulu ab'ebikunsu mu Isiraeli beesoloza.

Okuvaayo 4:7

Agho Musengwa Katonda yaakoba Musa ati: “Ingiza kabiri omukono gwo mu kanzu yo.” Musa yaingiza omukono gwe mu kanzu, mu kugutoolamu yaja okubona nga gwizeegho, nga guli ng'oti n'omubiri gwe ogundi gwonagwona.

Okuvaayo 7:13

Aye era omwoyo gwa kyabazinga gwasigala nga mukalangufu, yaaloba kutya era yaaloba kuwulira nga Musengwa Katonda bweyakoba.

Okuvaayo 9:16

Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Ensambo 21:1

Omwoyo gwa kyabazinga guba mu buyinza bwa Musengwa Katonda; agukyukiza buli y'ayenda ng'oti n'omweta ogw'amaadhi.

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Mika 7:15

Wo Musengwa Katonda, tukolere ebyewuunhio nga bwe wakolanga mu biseera bye twalinga e Misiri.

Yoanne 4:48

Yesu yaamukoba ati: “Okutoolaku nga muboine obumanhiso n'ebyewuunhio timughanga kwikiriza.”

Ebikolwa by'Abatume 2:22

“Imwe abasaadha Abaisiraeli, muwulire ebibono bino: Yesu ow'e Nazarethi, n'omusaadha Katonda ye yakakalisa mu imwe n'eby'amaani, n'ebyewuninkiriza, n'obumanhiso, bye yamukozesanga mu imwe, era nga beene imwe bwe mwidhi.

Ebikolwa by'Abatume 7:36

Yaabakulembera yaaja ng'akola ebyewuunhio n'obumanhiso, e Misiri, mu Nhandha Emyufu, ni mu irungu, okumala emyaka amakumi ana (40).

Ab'e Roma 15:19

mu maani ag'obumanhiso n'ebyewuunhio, ni mu maani aga Mwoyo Mutukuvu. Kale ntyo okuviira irala e Yerusalemu okutuukira irala mu Iluriko, nkobera abantu Amawulire Amalungi aga Kurisito.

Ab'e Roma 9:18

Kale ni Katonda asaasira oyo y'aba ayenze okusaasira era yaakalangusa omwoyo gw'oyo y'aba ayenze okukalangusa.

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.

Amateeka Agokubiri 7:19

Mwidhukirenga ebibamba ebitiisa bye mweboneraku beene n'amaiso gaimwe, n'ebyewuunhio, n'ebyewuninkiriza, n'amaani agataloodheka, Musengwa Katonda waimwe bye yakozesa okubanunulayo. Atyo Musengwa Katonda waimwe bw'aidha okukola ni ku bantu abo boonaboona be muli kutya.