Okuvaayo 7:23 - Baibuli Ekibono kya Katonda 2014

²³ Agho Kyabazinga yaakyuka yairayo mu ndhu ye. Ebyo ebyaligho byonabyona yaaloba kubitwala ng'ekikulu mu mwoyo gwe.

Okuvaayo 7:23 ပူးပေါင်းရင်းမြစ်များ

Yobu 7:17

Omuntu katyo ni, ki iwe okumufaaku n'okumudhuuba,

Zabbuli 62:10

Oteesiganga bikolwa bya bukambwe; otasuubiriranga mu kukambula. Eby'obukombe bwebyeyongeranga otabitangaku mwoyo gwo.

Okuvaayo 7:22

Aye abalogo ab'omu Misiri boona baakola ekintu n'ekirala ekyo nga bakozesa eirogo lyaibwe kale omwoyo gwa kyabazinga gwasigala nga mukalangufu, yaaloba kuwulira, era nga Musengwa Katonda bweyakoba.

Okuvaayo 7:24

Abamisiri boonaboona baaja nga basimasima agho okumpi ni Kiyira okufuna amaadhi ag'okunhwa, kuba baali nga tibasobola kunhwa maadhi gava mu Kiyira omwo.

Okuvaayo 9:20

Agho abandi ku bakungu ba kyabazinga baatya olw'ebyo Musengwa Katonda bye yakoba, baalagira abairu baibwe okungira n'okungiza ebyayo byaibwe.

Okuvaayo 9:21

Aye yaabaayo abataafaayo abaaleka abairu baibwe n'ebyayo byaibwe ku luya.

Ensambo 22:17

Wulirisanga abantu ab'amagezi bye baakoba, era oisengayo inho omwoyo ku bye nkwegeresa.

Ensambo 24:32

Bwe nakibona naalowooza inho, era naafunamu eky'okwega kino:

Ensambo 28:14

Wa nkabi ole atya Musengwa Katonda buliidho, aye ole akalangusa omwoyo gwe afuna ebizibu ebitaloodheka.

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 47:7

Walowoozanga oti oliba inhebantu byanda na byanda, waaloba kutaayo mwoyo na kwidhukira nti buli kintu kiri n'enkomerero.

Yeremia 36:24

Aye k'abe kyabazinga mwene, oba abakungu be abaawulira ebyo nga bisomebwa, tighaaligho naire omulala ati eyatya oba eyakanulamu ebivaalo bye okwoleka nga bw'anakughaire.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Ezekieli 40:4

Omusaadha oyo yankoba ati: “Iwe omuntu, lingirira weekalirise bye nja okukwoleka, obitegere amatu, era obiteeku omwoyo kuba ekyo n'ekikuleeteisa ghano mbikwoleke. Bw'onaamala, byonabyona oidha kubikobera ab'eighanga Isiraeli.”

Habakkuku 1:5

Agho Musengwa Katonda yaakoba abantu be ati: “Mulingirire amaghanga agabeezungulwire, era mwidha kubona ebinaabeewuunhisa ni bibasamaaliriza. Kuba nja kukola ekintu kye mutaghanga kwikiriza nga bakibakobeire bukobere.

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

Amateeka Agokubiri 32:46

yaakoba ati: ‘Mutengayo inho omwoyo ku bibono byonabyona bye mbakobeire olwaleero. Mubyegeresenga abaana baimwe, bafengayo inho okutuukiriza byonabyona ebiragirwa mu mateeka gano.

1 Samueli 4:20

Bwe yali ali kumpi okufa, abakazi abaali bali kumulabirira baamukoba bati: “Guma, kuba ozaire omwana mulenzi.” Aye tiyabairamu waire okubafaaku.