Okuvaayo 7:20 - Baibuli Ekibono kya Katonda 2014

²⁰ Agho Musa ni Aaroni baakola nga Musengwa Katonda bweyabalagira, nga kyabazinga n'abakungu be babona. Yaaghanika omwigo, yaakuba amaadhi agaali mu mwiga Kiyira, era amaadhi ago goonagoona gaafuuka musaayi.

Okuvaayo 7:20 ပူးပေါင်းရင်းမြစ်များ

2 Bakyabazinga 4:29

Elisha yaakoba Gehazi ati: “Yangugha mangu ogeme omwigo gwange, oje. Bw'oyagaana omuntu mu ngira, otamulamusa. Era bweghabaagho akulamusa otamwiramu. Bw'onaatuuka oidha kuta omwigo gwange ku mwana.”

Zabbuli 105:29

Yaakyusa amaadhi gaibwe gaafuuka musaayi, era yaaleetera ebyenhandha byaibwe okufa.

Zabbuli 78:44

Yafuusa amaadhi ag'omu miiga gyaibwe gaafuuka musaayi Abamisiri baabula amaadhi ag'okunhwa.

Okuvaayo 4:9

Bwe batalikwikiriza oba okukuwulirisa waire ng'omaze okukola obumanhiso obwo bwombi, olisena amaadhi mu mwiga Kiyira waagafuka ghansi ku itaka eikalu. Amaadhi ago galifuuka musaayi ku itaka eryo eikalu.”

Okuvaayo 7:10

Kale Musa ni Aaroni baaja ye kyabazinga, baakola nga Musengwa Katonda bweyabalagira. Aaroni yaasuula omwigo gwe ghansi mu maiso ga kyabazinga n'abakungu be, gwafuuka omusota.

Okuvaayo 7:21

Ebyenhandha ebyali mu mwiga Kiyira byafa era omwiga ogwo gwaduuka ekiwunha ekinene ng'Abamisiri tibaghanga na kunhwa maadhi gaamu. Buli ghantu mu Misiri nga ghaidhwire bwa musaayi.

Okuvaayo 7:6

Musa ni Aaroni baakola nga Musengwa Katonda bweyabalagira.

Habakkuku 3:8

Wo Musengwa Katonda, wasungughalira miiga? Oba, ekiruyi kyakugema lwa nhandha? Ekyo n'ekyakuleetera okuvuga ebire ng'oti mbalaasi, era ng'oti n'avuga ekigaali eky'omu lutalo n'obughanguzi?

Okwolekebwa 8:8

Agho malaika owokubiri yaafuuwa endeka ye. Ekintu ekiri ng'oti gusozi gukologho oguli kwaka omuliro kyasuulibwa mu nhandha. Ekitundu kirala ku buli bisatu ebyenhandha kyafuuka musaayi.