Okuvaayo 7:19 - Baibuli Ekibono kya Katonda 2014

¹⁹ Agho Musengwa Katonda yaakoba Musa ati: “Koba Aaroni oti, ‘Toola omwigo gwo ogololere omukono gwo ku bifo mu Misiri byonabyona ebibaamu amaadhi bino: emiiga, emyala, ebibali n'ebidiba amaadhi gaamu goonagoona gafuuke musaayi. Era ghaja kuba omusaayi mu nsi Misiri yoonayoona, waire ni mu bintu ebiterekebwamu amaadhi.’ ”

Okuvaayo 7:19 ပူးပေါင်းရင်းမြစ်များ

Amainhama 1:10

Obukalu obwo Katonda yaabweta Ensi, ate amaadhi agaali geesoloiza yageeta Enhandha. Katonda yaakibona nga kikalamu.

2 Bakyabazinga 4:29

Elisha yaakoba Gehazi ati: “Yangugha mangu ogeme omwigo gwange, oje. Bw'oyagaana omuntu mu ngira, otamulamusa. Era bweghabaagho akulamusa otamwiramu. Bw'onaatuuka oidha kuta omwigo gwange ku mwana.”

Okuvaayo 10:12

Olwo Musengwa Katonda yaakoba Musa ati: “Golola omukono gwo ng'ogwolekeza ensi Misiri, enzige dhiidhe dhirye kiisi kimera ekirimu ebyo byonabyona omugozi bye gutaakuba.”

Okuvaayo 10:21

Agho Musengwa Katonda yaakoba Musa ati: “Ghanika omukono ng'ogwolekeza ku igulu, ghaidhegho enzikiiza egeme ku nsi Misiri enzikiiza ere yeene eri bedimudimu.”

Okuvaayo 14:16

Iwe toola omwigo gwo, ogusonke ku nhandha, amaadhi gaidha kwegabaniamu ghabiri, Abaisiraeli baghange okubita mu nhandha nga batambulira ku itaka ikalu.

Okuvaayo 14:21

Agho Musa yaagolola omukono ng'agusonse ku nhandha. Musengwa Katonda yaasindika empewo ey'amaani eva e buvandhuba, yaayeyaagho amaadhi ag'enhandha obwire bwonabwona. Amaadhi geeyawulamu, aghabaire enhandha ghaafuuka itaka ikalu.

Okuvaayo 14:26

Agho Musengwa Katonda yaakoba Musa ati: “Ghanika omukono ng'ogusonse ku nhandha, amaadhi gaire ku Bamisiri, ni ku bigaali byaibwe eby'omu lutalo, ni ku bavuzi baibwe.”

Okuvaayo 4:9

Bwe batalikwikiriza oba okukuwulirisa waire ng'omaze okukola obumanhiso obwo bwombi, olisena amaadhi mu mwiga Kiyira waagafuka ghansi ku itaka eikalu. Amaadhi ago galifuuka musaayi ku itaka eryo eikalu.”

Okuvaayo 8:16

Agho Musengwa Katonda yaakoba Musa ati: “Koba Aaroni oti, ‘Ginga omwigo gwo okube enkungu eri ghansi ku itaka woonawoona mu Misiri efuuke obudhuuni.’ ”

Okuvaayo 9:33

Kale Musa yaafuluma ekibuga ekyo, yaaghanika emikono yaasaba Musengwa Katonda okubwatuka okw'olukuba n'omugozi era n'amaadhi byalekera.

Isaia 19:10

Abakugu mu kuluka ni mu kukola ebintu ebindi balisoberwa, n'abo boonaboona abapangisibwa okukola emirimo baanakughala.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Habakkuku 3:8

Wo Musengwa Katonda, wasungughalira miiga? Oba, ekiruyi kyakugema lwa nhandha? Ekyo n'ekyakuleetera okuvuga ebire ng'oti mbalaasi, era ng'oti n'avuga ekigaali eky'omu lutalo n'obughanguzi?