Okuvaayo 7:17 - Baibuli Ekibono kya Katonda 2014

¹⁷ Buti ni, Musengwa Katonda akoba ati, ‘Kino kye nja okukola kw'onaamanhira nga ninze Musengwa Katonda: nja kukuba ku ngulu ku maadhi ag'omwiga Kiyira n'omwigo guno gwe ndi nagwo mu ngalo, era amaadhi ago gaja kufuuka musaayi.

Okuvaayo 7:17 ပူးပေါင်းရင်းမြစ်များ

1 Bakyabazinga 20:28

Agho omuntu wa Katonda yaaja yaakoba Ahabu kyabazinga wa Isiraeli ati: “Musengwa Katonda akoba ati, ‘Olw'okuba Abasiria baakoba bati nze Musengwa Katonda ndi musambwa gwa ku nsozi ogutali gwa mu biiko, ndidha kukuta mu ngalo olukunkumuli olwo lwonalwona olw'abalwani, memale mumanhe nga ninze Musengwa Katonda.’ ”

2 Bakyabazinga 19:19

Wo Musengwa Katonda waife, mpegaano ni tukweghemba otuwonie, otutoole mu ngalo edh'Abassiria. Olwo abantu abamaghanga agandi boonaboona baghange okumanha nga iwe, Musengwa Katonda, niiwe Katonda wenka.”

Zabbuli 105:29

Yaakyusa amaadhi gaibwe gaafuuka musaayi, era yaaleetera ebyenhandha byaibwe okufa.

Zabbuli 78:44

Yafuusa amaadhi ag'omu miiga gyaibwe gaafuuka musaayi Abamisiri baabula amaadhi ag'okunhwa.

Zabbuli 83:18

Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Okuvaayo 1:22

Agho kyabazinga yaalagira abantu be boonaboona ati: “Musuulenga buli mwana mulenzi azaalibwa Abaheburayi mu mwiga Kiyira aye abaghala mubalekenga nga balamu.”

Okuvaayo 10:2

musobole mwena okukobera abaana baimwe n'abaidhukulu engeri ye nsirughaizaamu Abamisiri, n'ebyewuunhio bye mbakozeemu. Mwenamwena musobole okumanha nga ninze Musengwa Katonda.”

Okuvaayo 4:9

Bwe batalikwikiriza oba okukuwulirisa waire ng'omaze okukola obumanhiso obwo bwombi, olisena amaadhi mu mwiga Kiyira waagafuka ghansi ku itaka eikalu. Amaadhi ago galifuuka musaayi ku itaka eryo eikalu.”

Okuvaayo 5:2

Aye kyabazinga yaabakoba ati: “Musengwa Katonda naani, ye ndi n'okuwulira era ni ndeka Abaisiraeli okuja? Nze tiidhi Musengwa Katonda oyo, era tiidha kuleka Baisiraeli kuva ghano.”

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Okuvaayo 7:20

Agho Musa ni Aaroni baakola nga Musengwa Katonda bweyabalagira, nga kyabazinga n'abakungu be babona. Yaaghanika omwigo, yaakuba amaadhi agaali mu mwiga Kiyira, era amaadhi ago goonagoona gaafuuka musaayi.

Okuvaayo 7:5

Ku lunaku olwo lwe ndigolola omukono gwange ni nkuba Abamisiri, era ni mbatoolamu abantu bange Abaisiraeli, Abamisiri abo lwe balimanha nga ninze Musengwa Katonda.”

Ezekieli 25:17

Ndibabonereza n'obukambwe, naabeesasulizaaku mu busungu obubitirivu. Olwo balimanha nga ninze Musengwa Katonda.”

Ezekieli 29:9

Era olisigala bw'agho otyo ng'oli bifulukwa byereere omutaba bantu. Olwo balimanha nga ninze Musengwa Katonda. “Era olw'okuba wakoba mbu omwiga Kiyira gugwo, niiwe eyagukola,

Ezekieli 30:19

Ntyo bwendisalira Misiri omusango naagibonereza. Olwo balimanha nga ninze Musengwa Katonda.”

Ezekieli 30:8

Era bwe ndikukunaania omuliro ku nsi eyo, n'abo boonaboona ababaire bagiyambanga ni baweekereragho okufa, olwo balimanha nga ninze Musengwa Katonda.

Ezekieli 32:15

Bwe ndifuula Misiri ebifulukwa ebyereere, ni nzikiriza ebintu ebigirimu, ni ndhita n'abantu abagibaamu, olwo balimanha nga ninze Musengwa Katonda.

Ezekieli 32:6

Ndiyugha omusaayi gwo mu nsi, gwaboza ensozi dhaatoonha butoonhe, era gwaidhula ni mu miiga.

Ezekieli 38:23

Kale ntyo bwe ndyoleka amaghanga nga bwendi omukologho era omutukuvu. Olwo balimanha nga ninze Musengwa Katonda.”

Ezekieli 39:28

Olwo abantu bange balimanha nga ninze Musengwa Katonda waibwe kuba ninze nabasindika mu bunhage mu maghanga, kabiri naamala naabasoloza, naabaiza mu nsi eyaibwe nga ghazira waire omulala ati ye ndeseeyo mu maghanga.

Danieli 4:17

Ekyo n'ekibonerezo ekyasalibwagho, ni kirangirirwa bamalaika abakuumi abatukuvu. Olwo abantu boonaboona eyo ye bali, basobole okumanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha y'ayenda yeenayeena, ni bw'aba nga n'asingamu okuba omuwombeefu mu boonaboona.’ ”

Danieli 4:32

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.”

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Danieli 5:21

Era yaamubinga yaamutoola mu bantu, ebidhuubo bye byafuulibwa ng'eby'ensolo, yaatoolera okubanga mu nsiko ghalala n'endogoyi edh'omu nsiko, yaalyanga eisubi ng'oti nte, n'omusulo oguva ku igulu gwamukubanga yaabola. Byaba bityo okutuusa lwe yamanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Okwolekebwa 11:6

Abo bali n'obukumu okukingula amaadhi gaaloba kugwa mu kiseera kye bamala nga bakobera abantu ebibono bya Katonda. Era bali n'obukumu obw'okufuula amaadhi omusaayi, n'okuleeta ku nsi ebibamba ebya buli nsambo, buli ghe baba nga bendeire.

Okwolekebwa 8:8

Agho malaika owokubiri yaafuuwa endeka ye. Ekintu ekiri ng'oti gusozi gukologho oguli kwaka omuliro kyasuulibwa mu nhandha. Ekitundu kirala ku buli bisatu ebyenhandha kyafuuka musaayi.