Okuvaayo 7:16 - Baibuli Ekibono kya Katonda 2014

¹⁶ omukobe oti, ‘Musengwa Katonda, Katonda ow'Abaheburayi yantuma y'oli, yaakukoba oleke abantu be baje mu irungu bamusinzize eyo, aye ni ye buli eno okaadheemye okuwulira.’

Okuvaayo 7:16 ပူးပေါင်းရင်းမြစ်များ

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Okuvaayo 13:15

kuba kyabazinga ow'e Misiri bweyakalanguka omwoyo n'aloba okutuleka tuve mu Misiri, Musengwa Katonda yaita abaana abalenzi ababeri boonaboona ab'Abamisiri era yaita n'ensolo dhaibwe enume dhoonadhoona edhaazaalibwa mu luzaalo olusooka. Kale kye tuva ni tughaayo eri Musengwa Katonda omusengo ogw'ensolo enume dhoonadhoona edhizaalibwa mu luzaalo olusooka aye abaana baife ababeri boonaboona tubanunula.’

Okuvaayo 14:5

Abantu bwe baakobera kyabazinga ow'e Misiri bati Abaisiraeli beibyegho, kyabazinga oyo n'abakungu be baakyusa emyoyo gyaibwe, baawulira nga babaire bakeetaaga Abaisiraeli, n'okukoba bati: “Tukoze ki kino? Tulese Abaisiraeli baatweibaku, baalekera okuba abairu baife?”

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Okuvaayo 3:13

Aye Musa yaakoba Katonda ati: “Bwe ndituuka ku Baisiraeli ni mbakoba nti, ‘Katonda wa badhaadha baimwe antumye ye muli,’ memale ni bambuuza bati, ‘Eriina lye naani?’ Ndibakoba ntya?”

Okuvaayo 3:18

Baidha kwikiriza ky'onaabakoba. Ng'olwo iwe n'abakulu ab'ebikunsu abo muja ye kyabazinga w'e Misiri nga mumukoba muti, ‘Musengwa Katonda, Katonda w'Abaheburayi yatweyolekera era buti tuli kukusaba otuleke tuje mu irungu nga tutambula olugendo olumala enaku eisatu, tugheereyo eyo omusengo eri Musengwa Katonda waife oyo.’

Okuvaayo 4:22

Era oidha kukoba kyabazinga oti, ‘Musengwa Katonda ati bw'akoba: Isiraeli n'omwana wange omuberi,

Okuvaayo 4:23

era ndi kukukoba nti leka omwana wange oyo aje ampeereze. Aye bw'onaaloba okumuleka ndidha kwita mutabane wo omuberi.’ ”

Okuvaayo 7:4

Ndidhi nti taja kuwulira agho ni, ndita ku Misiri omukono gwange ogw'amaani era naatoolayo abantu bange Abaisiraeli mu bikunsu, nga mmaze okubonereza Misiri n'ebintu ebitiisa.

Okuvaayo 8:1

Agho Musengwa Katonda yaakoba Musa ati: “Ja oingire mu kisaagaati kya kyabazinga omukobe oti Musengwa Katonda akoba ati, ‘Leka abantu bange baje bansinze.

Okuvaayo 8:20

Agho Musengwa Katonda yaakoba Musa ati: “Wuuna inho oje oteege kyabazinga ng'ali kuja ku mwiga omukobe oti, ‘Musengwa Katonda akoba ati, leka abantu bange baje bansinze.

Okuvaayo 9:1

Agho Musengwa Katonda yaakoba Musa ati: “Ja oingire mu kisaagaati kya kyabazinga omukobe oti, ‘Musengwa Katonda, Katonda ow'Abaheburayi akoba ati, leka abantu bange baje bansinze.

Okuvaayo 9:13

Agho Musengwa Katonda yaakoba Musa ati: “Enkyo wuuna inho oje ye kyabazinga oyemerere mu maiso ge omukobe oti, Musengwa Katonda, Katonda ow'Abaheburayi akoba ati, ‘Leka abantu bange baje bansinze.

Isaia 45:13

Ninze nasiikuula Kuro naamuleetera okuja okutereeza ebyali byonooneike. Era ndidha kuleeteranga by'akola byonabyona okuja obukalamu. Alizimba buyaaka ekibuga kyange Yerusalemu, era yaaleetera abantu bange okuva mu bunhage. Ekyo alikikola aghazira muntu kumugulirira waire okumugha empeera.” Musengwa Katonda Afuga Amagye, n'akobye.

Yeremia 50:33

Musengwa Katonda Afuga Amagye akoba ati: “Abantu Abaisiraeli n'Abayudaaya batuntuzibwa. Era abo boonaboona abaabagema ni babatwala mu bunhage babakuuma butiribiri, aghazira kubalekula kuja.