Okuvaayo 7:11 - Baibuli Ekibono kya Katonda 2014

¹¹ Agho kyabazinga yaayetesa abasaadha be abagezigezi n'abalogo, boona baakozesa obulogo bwaibwe baakola ekintu n'ekirala.

Okuvaayo 7:11 ပူးပေါင်းရင်းမြစ်များ

Amainhama 41:8

Enkyo yeeraliikirira, kale yaayetesa abalaguzi boonaboona n'abakugu mu kuvuunula ebirooto boonaboona ab'omu Misiri, yaabakobera ebirooto bye. Aye ghaabulagho omuntu waire omulala ati, eyali asobola okumuvuunulira amakulu gaabyo.

Okuvaayo 7:12

Kuba buli muntu ku abo yasuula omwigo gwe ghansi, era gyonagyona gyafuuka emisota. Aye omwigo gwa Aaroni gwamira egyaibwe gyonagyona.

Okuvaayo 7:22

Aye abalogo ab'omu Misiri boona baakola ekintu n'ekirala ekyo nga bakozesa eirogo lyaibwe kale omwoyo gwa kyabazinga gwasigala nga mukalangufu, yaaloba kuwulira, era nga Musengwa Katonda bweyakoba.

Okuvaayo 8:18

Abalogo baagezaaku okukozesa eirogo lyaibwe okufuula enkungu obudhuuni, aye baalemwa. Obudhuuni bwebbuutanga ku bantu ni ku nsolo.

Okuvaayo 8:3

Omwiga Kiyira gwidha kwidhula ebikere kamaala bituuke n'okwingira mu ndhu yo, ni mu kisenge y'osula, bituumire ni ku buliri bwo kwene. Era bija kwingira ni mu ndhu dh'abakungu bo, ni mu dh'abantu bo boonaboona, era ni mu ziiko dho dhe bafumbiramu emigaati, ni mu ntamu dhe bakandiramu engaano.

Okuvaayo 8:7

Aye abalogo baakozesa eirogo lyaibwe, boona baaleetera ebikere okwidhula ku nsi Misiri.

Danieli 2:2

Agho yaalagira bamwetere abalaguzi, n'abasamize, n'abalogo, n'ab'amaghembe, baidhe bamukobere eby'ekirooto kye. Kale baidha baayemerera agho mu maiso ge.

Danieli 2:27

Danieli yairamu ati: “Isebantu kyabazinga, ekyo ekyama ky'oli kubuuza, ghazira bagezigezi basobola kukikukobera, waire abasamize, oba abalaguzi, oba abo abeetegereza ebiri ku igulu.

Danieli 4:6

Kale naagha ekiragiro bandhetere abagezigezi boonaboona ab'omu Babiloni, baidhe bankobere amakulu g'ekirooto ekyo.

Danieli 5:11

Mu bwakyabazinga bwo mulimu omusaadha aliku omwoyo ogwa bakatonda abatukuvu. Mu biseera bya lata wo kyabazinga Nebukadinezzari, omusaadha oyo yeeyoleka okuba omuntu alengera eghala, ng'ali n'okutegeera, era ng'ali n'amagezi agali ng'oti n'aga bakatonda. Era kyabazinga Nebukadinezzari oyo lata wo, yaamufuula okuba omukulu ow'abalaguzi, abasamize, ab'amaghembe, n'abo abeetegereza ebiri ku igulu.

Danieli 5:7

Yaayasiikana yaayetesa abalaguzi, abasamize, ab'amaghembe, n'abo abeetegereza ebiri ku igulu. Abagezigezi abo ab'omu Babiloni bwe baatuuka, kyabazinga yaabakoba ati: “Omuntu yeenayeena anaasoma ekighandiiko ekyo, n'ankobera amakulu gaakyo, baidha kumuvaaza engoye edh'erangi ya nakasooma, bamute n'omukuufu ogwa zaabu mu nkoto, era bamukuze abe omufuzi ow'eidaala eryokusatu mu bwakyabazinga bwange.”

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Ab'e Galatia 3:1

Imwe abantu ab'e Galatia abazira magezi, muli baloge? Abantu abainhonholwa obukalamu, ni mubona Yesu Kurisito nga bwe yakomererwa ku musalaba!

Ab'Efeso 4:14

Era tube nga titukaali baana bato abayuuzibwayuuzibwa era abatwalibwa kiisi mpewo ey'endhegeresa y'abantu abaguya, abakiidhamya abandi n'obuguya bwaibwe.

2 Ab'e Thessalonika 2:9

Omubi Isaababi oyo aliidha n'amaani ga Sitaani era alikola obumanhiso n'ebyewuunhio eby'obuguya ebya buli nsambo.

2 Timotheo 3:8

Nga Yanne ni Yambure bwe baatakania Musa, n'abantu abo batyo bwe batakania amazima. Bano n'abantu abaafa emyoyo era abatakaali na kwikiriza.

2 Timotheo 3:9

Aye tibaidha kutuuka ghala, kuba buli muntu aidha kubona obusiru bwaibwe ng'oti n'obwa Yanne ni Yambure bwe bweyoleka.

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.

1 Samueli 6:2

Agho Abafilisiti baayeta bakabona n'abalaguzi, baababuuza bati: “Esanduuku y'Endagaano ya Musengwa Katonda tugikolere ki? Mutukobere kye tunaagiizaayo nakyo, eireyo mu kifo kyayo?”