Okuvaayo 6:7 - Baibuli Ekibono kya Katonda 2014

⁷ Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Okuvaayo 6:7 ပူးပေါင်းရင်းမြစ်များ

Amainhama 26:3

Senga mu nsi eno, ndidha kubanga n'iwe era nkughenga enkabi. Ndidha kukugha iwe ni baidhukulu bo, ebiketezo eby'ensi bino byonabyona, era ntuukirize ekirayiro kye nalayirira lata wo Aburahamu.

Amainhama 28:13

Era okuja okubona, nga Musengwa Katonda ayemereire ghaigulu ghaago. Yaakoba ati: “Ninze Musengwa Katonda, Katonda wa dhaadha wo Aburahamu, era Katonda wa Isaaka. Ensi eno gy'olambaireku ndigikugha iwe ni baidhukulu bo.

1 Bakyabazinga 20:28

Agho omuntu wa Katonda yaaja yaakoba Ahabu kyabazinga wa Isiraeli ati: “Musengwa Katonda akoba ati, ‘Olw'okuba Abasiria baakoba bati nze Musengwa Katonda ndi musambwa gwa ku nsozi ogutali gwa mu biiko, ndidha kukuta mu ngalo olukunkumuli olwo lwonalwona olw'abalwani, memale mumanhe nga ninze Musengwa Katonda.’ ”

1 Bakyabazinga 8:60

Olwo abantu ab'omu maghanga goonagoona ku nsi basobole okumanha nga Musengwa Katonda oyo Katonda, era nga ni Katonda yenka, ghazira wundi naire.

Nehemia 1:10

“Wo Musengwa Katonda, abo n'abantu bo abakugheereza be wanunula n'obuyinza bwo obungi era n'amaani go agataloodheka.

Zabbuli 100:3

Mukitegeere muti Musengwa Katonda oyo ni Katonda. Oyo n'eyatutonda era tuli babe. Tuli bantu be era ntaama dh'alabirira.

Zabbuli 81:6

“Nabatwikula emigugu naabawonia okubbeedanga ebizito.

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 14:18

Era bwe nnaamala okufuna ekitiisa ekyo olw'ekyo kye nja okubakola, Abamisiri baidha kumanha nga ninze Musengwa Katonda.”

Okuvaayo 14:4

Mu kiseera n'ekirala ndidha kumukalangusa omwoyo alobe kutya, atoolere okubabinga ng'ayenda okubagema, aye kye nja okukola kyabazinga n'abalwani be kija kumpeesa ekitiisa, era Abamisiri balimanha nga ninze Musengwa Katonda.” Abaisiraeli baakola nga Musengwa Katonda bweyabakoba.

Okuvaayo 15:16

Baatya baawaamu, olw'ebyo omukono gwo bye gwakola eby'amaani. Baaba agho nga basiriike ng'oti mabaale, okutuusa abantu bo, Iwe Musengwa Katonda, bwe baabitagho; abantu bo be watoola mu bwiru.

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Okuvaayo 16:12

“Mpuliire okwemuluguunhia okw'abantu Abaisiraeli. Bakobe oti, ‘Eigulo mwidha kulya mamba, era enkyo mulye emere mwigute, olwo mutegeere nga ninze Musengwa Katonda waimwe.’ ”

Okuvaayo 16:6

Kale Musa ni Aaroni baakobera Abaisiraeli boonaboona bati: “Eigulo lino mwidha kukakasa nga Musengwa Katonda n'eyabatoola mu Misiri.

Okuvaayo 2:11

Lwali lulala nga Musa amaze okukulira irala, yaafuluma mu kisaagaati yaaja okubona ku bantu be Abaheburayi. Bwe yatuuka yaalingirira yaabona engeri ye baabakakanga okukola emirimo emikalangufu. Era yaabona Omumisiri ng'ali kukuba owundi ku bantu be abo, ate nga Musa yeena yali Muheburayi.

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Okuvaayo 7:17

Buti ni, Musengwa Katonda akoba ati, ‘Kino kye nja okukola kw'onaamanhira nga ninze Musengwa Katonda: nja kukuba ku ngulu ku maadhi ag'omwiga Kiyira n'omwigo guno gwe ndi nagwo mu ngalo, era amaadhi ago gaja kufuuka musaayi.

Isaia 41:20

Olwo abantu balibona baamanha nga nze Musengwa Katonda ninze nkoze ekyo. Era balikirowoozaaku baakitegeera nga nze Omutukuvu wa Isiraeli ninze nkireeteire okubaagho.”

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Isaia 49:26

Abo abakukiriga iwe Yerusalemu ndibaleetera okwitagana beene na beene, baatamiira okuyugha omusaayi gw'abantu ng'oti bwe batamiira omwenge. Olwo abantu boonaboona balimanha nga ninze Musengwa Katonda Omulokozi era Omununuzi waimwe. Era balimanha nga ninze Katonda wa Isiraeli Aghanga Ebintu Byonabyona.”

Isaia 51:15

“Ninze Musengwa Katonda wo asiikuula enhandha, n'agireetera okuwolomboka nga yeekuluumulula. Katonda Afuga Amagye.

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Isaia 63:8

Musengwa Katonda yakoba ati: “Bwenebwene bano bantu bange, abataja kunguyaguya.” Kale ni yaaba Omulokozi waibwe.

Yeremia 30:22

Beene baliba bantu bange, nze naaba Katonda waibwe.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Ezekieli 20:19

Nze Musengwa Katonda ninze Katonda waimwe, mujiirenga ku mateeka gange era mukolenga bye ndagira.

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Abalevi 11:44

Ninze Musengwa Katonda waimwe. Mubenga batukuvu, kuba nze ndi mutukuvu. Muteereeteranga kuba batali batukuvu nga mulya ku mamba ey'ebyekululira ku itaka ebyo.

Abalevi 11:45

Ninze Musengwa Katonda eyabatoola mu Misiri, mbenga Katonda waimwe. Kale ni mubenga batukuvu, kuba nze ndi mutukuvu.”

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Okubala 15:41

Ninze Musengwa Katonda waimwe, eyabatoola mu nsi Misiri, nsobole okubanga Katonda waimwe. Ni nze Musengwa Katonda waimwe.”

Matayo 22:32

‘Ninze Katonda wa Aburahamu, Katonda wa Isaaka, Katonda wa Yakobo?’ Ti Katonda wa bafu aye Katonda wa balamu.”

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

Amateeka Agokubiri 14:2

Imwe muli ighanga itukuvu erya Musengwa Katonda waimwe. Yabalondamu okuba eighanga erirye ku bubwe mu maghanga agandi goonagoona agali ku nsi.”

Amateeka Agokubiri 26:18

Era Musengwa Katonda akakaisa olwaleero ati muli eighanga erirye ku bubwe nga bwe yasuubiza. Era yaabalagira okugemanga ebiragiro bye byonabyona,

Amateeka Agokubiri 29:12

Mwidhie okuba mu ndagaano ya Musengwa Katonda waimwe y'ali kukola n'imwe olwaleero, erimu okulayira okugituukiriza.

Amateeka Agokubiri 29:13

Olwo Musengwa Katonda abakuumenga nga muli bantu be, era mwene abenga Katonda waimwe, nga bwe yabasuubiza ni badhaadha baimwe Aburahamu, ni Isaaka, ni Yakobo.

Amateeka Agokubiri 29:5

Namala emyaka amakumi ana nga mbakulembera mu irungu aye ebivaalo byaimwe tibyabakanukaku naire, oba engaito dhaimwe okubakutukaku.

Amateeka Agokubiri 4:20

Aye imwe yabagemaku, yaabatoola e Misiri ye mwabanga ng'oti n'abali mu muliro ogw'amaani ogusaanuusa ekyuma ekigumu einho. Yaabafuulira irala abantu be nga bwe muli mpegaano.

Amateeka Agokubiri 7:6

Kuba muli ighanga lya Musengwa Katonda waimwe. Yabalondamu okuba eighanga lye erirye ku bubwe mu maghanga goonagoona agali ku nsi.

Abaheburayi 11:16

Aye mperaano kyali nti baali bali kwegomba obutaka obusinga obukalamu n'obwo obw'omu igulu. Kale Katonda kyava tagemwa nsoni kwetebwa Katonda waibwe, kuba yabategekera ekibuga.

1 Petero 2:10

Eira timwali bantu ba Katonda, aye buti muli bantu be. Eira mwali timusaasirwa Katonda, aye buti musaasirwa.

Okwolekebwa 21:3

Naawulira amamiro ag'amaani nga gava gha kityamo eky'obwakyabazinga, nga gakoba gati: “Bona, mperaano ekifo Katonda mw'aba kiri mu bantu. Katonda anaabanga nabo, nga ni Katonda waibwe, era nga beene bantu be.

Okwolekebwa 21:7

Oyo aghangula, alifuna ebyo. Nze ndiba Katonda we, mwene yaaba mwana wange.