Okuvaayo 6:5 - Baibuli Ekibono kya Katonda 2014

⁵ Ate ekindi naawulira okulira okw'Abaisiraeli, Abamisiri be baafuula abairu, naidhukira endagaano yange.

Okuvaayo 6:5 ပူးပေါင်းရင်းမြစ်များ

Amainhama 8:1

Katonda yaidhukira Noa, era n'ensolo edh'omu nsiko, n'edho enfuge dhe yali nadho mu lyato. Katonda yaasindika empewo yaafuuwa ku nsi, amaadhi gaakendeera.

Amainhama 9:15

ndidha kwidhukiranga endagaano yange ye nkoze n'imwe, era ye nkoze na buli kitonde ekiramu. Era amaadhi tigakairamu kufuuka mwidhuzo kabiri okuzikiriza ebiramu byonabyona.

Zabbuli 105:8

Akuuma endagaano ebyanda n'ebyanda, yaagumira ku bye yasuubiza ni bweghabitagho ense olukumi.

Okuvaayo 2:23

Bwe ghaabitagho ekiseera ekireeyi, kyabazinga ow'e Misiri yaafa. Era mu kiseera ekyo ng'Abaisiraeli bali mu nnaku olw'okubakozesa ng'abairu. Era mu bulumi obwo nga balira n'enaku olw'okubula ow'okubayamba. Okulira kwaibwe okwo kwatuuka ku Katonda.

Okuvaayo 2:24

Katonda yaawulira okulira kwaibwe, era yaidhukira endagaano ye ni Aburahamu, ni Isaaka era ni Yakobo.

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Okuvaayo 5:4

Aye kyabazinga yaakoba Musa ni Aaroni ati: “Lwaki muli kwenda okutoola abantu ku mirimo gyaibwe? Muje mukole gye muteekwa okukola.”

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Luka 1:54

Yayamba Isiraeli omugheereza we, ng'aidhukira ekisa kye:

Luka 1:72

Alage okusaasira kwe yasuubiza badhaadha baife, aidhukire endagaano ye entukuvu.