Okuvaayo 6:4 - Baibuli Ekibono kya Katonda 2014

⁴ Era nakola nabo endagaano okubagha ekiketezo eky'e Kanaani, ekiketezo mwe baabanga ng'abasenze.

Okuvaayo 6:4 ပူးပေါင်းရင်းမြစ်များ

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 15:13

Musengwa Katonda yaamukoba ati: “Baidhukulu bo balija mu nsi etali yaibwe, baaba eyo nga bairu, era baanhigirizibwa inho okumala emyaka bikumi bina.

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

Amainhama 17:13

Oyo anaazaalirwanga mu ndhu dhaimwe era n'oyo ye munaagulanga obugule, boonaboona bateekwa okukeketebwa. Ako kabe akamanhiso ak'oku mubiri akooleka ng'endagaano yange n'imwe bw'etaliwaagho.

Amainhama 17:4

“Bona, eno n'endagaano yange n'iwe: oidha kufuuka dhaadha ow'amaghanga kamaala.

Amainhama 23:4

“Nze ndi wa ndha mu imwe era omusenze. Munganhe nfune ekifo mu nsi yaimwe, eky'okuziikamu mukazi wange afiire.”

Amainhama 26:3

Senga mu nsi eno, ndidha kubanga n'iwe era nkughenga enkabi. Ndidha kukugha iwe ni baidhukulu bo, ebiketezo eby'ensi bino byonabyona, era ntuukirize ekirayiro kye nalayirira lata wo Aburahamu.

Amainhama 26:4

Ndidha kukugha abaidhukulu kamaala inho ng'oti n'emuunienie edh'oku igulu, era mbaghe ebiketezo eby'ensi bino byonabyona. Era mu baidhukulu bo, amaghanga goonagoona ku nsi mwe galigheerwa enkabi;

Amainhama 28:13

Era okuja okubona, nga Musengwa Katonda ayemereire ghaigulu ghaago. Yaakoba ati: “Ninze Musengwa Katonda, Katonda wa dhaadha wo Aburahamu, era Katonda wa Isaaka. Ensi eno gy'olambaireku ndigikugha iwe ni baidhukulu bo.

Amainhama 28:4

Era akughe enkabi iwe ni baidhukulu bo nga dhe yagha Aburahamu, mutwale ensi eno y'obairemu ng'omusenze ebe yaimwe, ensi Katonda ye yagha Aburahamu oyo.”

Amainhama 6:18

Aye ndidha kukola endagaano yange n'iwe era oidha kwingira mu lyato eryo, iwe ni batabane bo, ni mukazi wo, ni baka batabane bo.

2 Samueli 23:5

Bwenebwene atyo Katonda bw'ali eri ab'olulyo lwange, kuba yakola ninze endagaano ey'olubeerera, endagaano ensengeke obukalamu era etalivaagho. Nkakasa nti aidha kumbeeranga mu buli kintu, era ampenga byonabyona bye nhenda.

Zabbuli 105:11

ng'akoba ati: “Ndibagha ensi Kanaani, yaaba yaimwe ku bwaimwe.”

Zabbuli 105:12

Abantu ba Katonda baali bakaali batono abazira ghe baaga, era nga basenze busenze mu nsi eyo.

Okuvaayo 13:4

Olunaku luno lwe muli kuviiraku mu Misiri, luli mu mwezi ogusooka ogwetebwa Abibu.

Okuvaayo 13:5

Era Musengwa Katonda bw'alibatuusa mu nsi ey'Abakanaani, n'Abahitti, n'Abamori, n'Abahivi, n'Abayebusi, ensi ye yalayirira badhaadha baimwe ng'aja kugigha imwe, mukuzanga olunaku luno mu mwezi guno. Ensi eyo ngimu era erimu ebirungi kamaala.

Okuvaayo 6:8

Era ndidha kubatwala mu nsi ye nalayira okugha Aburahamu, Isaaka ni Yakobo. Ensi eyo nja kugibagha imwe, ebe yaimwe ku bwaimwe. Ninze Musengwa Katonda.’ ”

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Okubala 10:29

Agho Musa yaakoba mukoirume we Hobabu, mwanhina mukazi we era mutabane wa Reweli Omumidia ati: “Tuli kumpi okusimbuka okuja mu kifo Musengwa Katonda waife kye yakoba okutugha. Kale kola oje n'ife tugabane ku birungi bye tuja okufuna, kuba Musengwa Katonda yasuubiza Isiraeli ebirungi.”

Ebikolwa by'Abatume 7:5

Katonda ti yamugha nsi eyo kuba yiye waire akatundu akatono kati, aye yamusuubiza okugimugha ebe eyiye n'eizaire lye, waire yali nga aziraku mwana.