Okuvaayo 6:3 - Baibuli Ekibono kya Katonda 2014

³ Nabonekera Aburahamu ni Isaaka era ni Yakobo nga Katonda Aghanga Ebintu Byonabyona aye tibeeyolekerangaku nga nkozesa eriina lyange eitukuvu erya Musengwa Katonda.

Okuvaayo 6:3 ပူးပေါင်းရင်းမြစ်များ

Amainhama 13:18

Kale Aburamu yaazimbulagho weema ye, yaaja yaasenga kumpi n'emiti gya Mamure mu Heburoni era eyo yaazimbirayo Musengwa Katonda alutaari.

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 22:14

Aburahamu yaatuuma ekifo ekyo eriina “Musengwa Katonda atugha.” Era ni leero abantu bakoba bati ku lusozi lwa “Musengwa atugha.”

Amainhama 28:3

Katonda Aghanga Ebintu Byonabyona akughe enkabi, ozaale abaana kamaala, osimukemu amaghanga kamaala.

Amainhama 35:11

Era yaamukoba ati: “Ninze Katonda Aghanga ebintu byonabyona. Zaala abaana kamaala, mweyongere obungi amaghanga kamaala galisimuka mu iwe, era oliba dhaadha wa bakyabazinga.

Amainhama 48:3

Yaakoba Yosefu ati: “Katonda Aghanga Ebintu Byonabyona yambonekera e Luzi mu nsi y'e Kanaani, yampa enkabi.

Zabbuli 68:4

Mwembere Katonda, mwembe enhembo edhisaaka eriina lye. Mumutegekere engira oyo aseeyeeya ku bire, eriina lye ni Musengwa Katonda, musagambire mu maiso ge.

Zabbuli 83:18

Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Okuvaayo 15:3

Musengwa Katonda mulwani wa ntalo, eriina lye ni Musengwa Katonda.

Okuvaayo 23:21

Imwe mumuwulire, mugondere kiisi ky'abakoba. Mutamudheemera, taidha kubasonigha kwonoona kwaimwe, kuba ali kwidha mu liina lyange.

Okuvaayo 3:14

Katonda yaamwiramu ati: “NDI OYO ALIGHO. Ekyo ky'obe oje okobe Abaisiraeli oti, ‘NDI antumye ye muli.’ ”

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Yeremia 16:21

Musengwa Katonda akoba ati: “Kale ni bona, amaghanga ago ndigooleka obuyinza bwange n'amaani gange, omukuzi mulala guti aye nga gumala. Era galimanha nga ninze Musengwa Katonda.”

Yeremia 33:2

Musengwa Katonda oyo n'eyakola ensi, n'agiwumba era n'agitengeka mu kifo kyayo. Era eriina lye, ni Musengwa Katonda. Agho yankoba ati:

Ezekieli 20:5

Era obakobe oti nze Musengwa Katonda ndi kubakoba nti: Olunaku lwe neeroboza eighanga Isiraeli, abaana ba Yakobo abo, nabeeyandhulira nga bali mu nsi Misiri, naabamanhisa nti ninze Musengwa Katonda waibwe.

Ezekieli 37:13

Era bwe ndisandukula amagombe gaimwe ago, imwe ni mbatoolamu, mulimanha nga ninze Musengwa Katonda.

Ezekieli 37:6

Nja kubayunga n'emiziisa, mbaghembeku emamba n'omubiri, era mbafuuwemu omuuka mube balamu. Olwo mumanhe nga ninze Musengwa Katonda.”

Yoanne 8:58

Yesu yaabairamu ati: “Bwenebwene ka mbakobere Aburahamu yali akaali kubaagho, nze nga ndigho.”

Okwolekebwa 1:4

Ninze Yoanne nga mpandiikira Ebikunsu eby'Abaikiriza mu Kurisito omusanvu ebiri mu Asia. Katonda oyo aligho, eyaligho era aliidha, abaghe enkabi n'emiraala. Era n'emyoyo omusanvu egiba agho gha mberi gh'ekityamo kye gikole gityo.

Ruthi 1:20

Aye yaabakoba ati: “Mutandheta Naomi, mundhete Mara ekitegeeza okukaayirira, kuba Katonda oyo Aghanga Ebintu Byonabyona yandeetera obulamu okunkaayira.