Okuvaayo 6:29 - Baibuli Ekibono kya Katonda 2014

²⁹ Musengwa Katonda oyo yakoba Musa ati: “Ninze Musengwa Katonda. Kobera kyabazinga ow'e Misiri, byonabyona bye nkukoba.”

Okuvaayo 6:29 ပူးပေါင်းရင်းမြစ်များ

Okuvaayo 6:11

“Ja ye kyabazinga ow'e Misiri omukobe aleke Abaisiraeli bave mu nsi ye.”

Okuvaayo 6:2

Agho Katonda yaayogera ni Musa, yaamukoba ati: “Ninze Musengwa Katonda.

Okuvaayo 6:28

Ku lunaku Musengwa Katonda lwe yayogera ni Musa mu Misiri,

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Okuvaayo 6:8

Era ndidha kubatwala mu nsi ye nalayira okugha Aburahamu, Isaaka ni Yakobo. Ensi eyo nja kugibagha imwe, ebe yaimwe ku bwaimwe. Ninze Musengwa Katonda.’ ”

Okuvaayo 7:2

Bye nkukoba byonabyona bikobere Aaroni. Aaroni akobe kyabazinga aleke Abaisiraeli baje, bave mu nsi ye.

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Yeremia 26:2

Musengwa Katonda yankoba ati: “Yemerera mu luya olw'eisinzizo, olangirire ebyo byonabyona bye nkulagira okukobera abantu abaidha okusinza, nga bava mu bibuga bya Buyudaaya. Ghatabaagho ky'olekayo naire ekirala kiti.

Ezekieli 3:11

Memale olwo oje ye Baisiraeli baino abali mu bunhage, obakobere ebyo nze Musengwa Katonda bye nhenda okubakoba, oba bakuwulirisa oba tibakuwulirisa.”

Ezekieli 3:17

“Iwe omuntu, nkutairegho obe omukuumi ow'abantu b'omu Isiraeli. Buli lw'onaawuliranga bye nkoba, ng'olwo oja obatuusaaku okulabula kwange kwe nnaabanga nkutumye.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Ebikolwa by'Abatume 20:27

Ghazira kye nabagisa, nabakobera Katonda by'abendeza.