Okuvaayo 6:26 - Baibuli Ekibono kya Katonda 2014

²⁶ Aaroni oyo ni Musa, Musengwa Katonda ni be yakoba okutoola Abaisiraeli mu Misiri nga babatoolayo mu bikunsu bikunsu.

Okuvaayo 6:26 ပူးပေါင်းရင်းမြစ်များ

Amainhama 2:1

Olwo ni, eigulu n'ensi, ni byonabyona ebirimu, byamalirizibwa okukolebwa.

1 Ebyomubyanda 6:3

Amuramu yaazaala Aaroni, ni Musa, ni Miriamu. Aaroni yaazaala Nadabu, ni Abihu, ni Eleazari, ni Ithamari.

Zabbuli 77:20

Wabisa abantu bo ku maadhi ng'omwayi bw'atambuza ebyayo bye, ng'okozesa Musa ni Aaroni.

Zabbuli 99:6

Musa ni Aaroni baali bakabona be, ate Samueli yaaba owundi ku abo abaamusabanga. Abantu abo baaliriranga Musengwa Katonda, yaabaghanga kye baamusabanga.

Okuvaayo 12:17

Mwidha kukuzanga Ekibinuko eky'Emigaati Egitazimbulukusiibwa, kuba ku lunaku lwene olwo ni kwe natooleraku olukunkumuli lwaimwe Abaisiraeli mu Misiri. Kale muli n'okulukuzanga imwe n'ense dhoonadhoona edhiriiragho. Kino kiragiro ekiri n'okugonderwa ebyanda n'ebyanda.

Okuvaayo 12:41

Era olunaku emyaka ebikumi ebina n'asatu (430) lwe gyawaayo giti, olukunkumuli olw'abantu ba Musengwa Katonda lwe baava mu Misiri.

Okuvaayo 12:51

Ku lunaku lwene olwo Musengwa Katonda yaatoola Abaisiraeli boonaboona mu Misiri.

Okuvaayo 13:18

Kale yaababisa mu ngira ey'okwekooloobya mu irungu nga boolekeire Enhandha Emyufu. Abaisiraeli okuva mu Misiri baali beetegefu okulwana olutalo.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 32:1

Abantu bwe baabona nga Musa alwire okuniinuka okuva ku lusozi, beesoloza baidha ye Aaroni, baamukoba bati: “Situkiramu otukolere bakatonda abanaatukulemberamu. Ono omusaadha Musa eyatutoola mu Misiri titwidhi kyamutuukaku.”

Okuvaayo 32:11

Musa yeeghemba Musengwa Katonda we ati: “Wo Musengwa Katonda, lwaki obusungu bwo bwakira ku bantu bo obwaga agho ng'oti muliro? Mbo abantu bo be watoola mu Misiri n'amaani go agataloodheka era n'obukumu, waabasungughalira otyo?

Okuvaayo 32:7

Agho Musengwa Katonda yaakoba Musa ati: “Irayo ghansi gh'olusozi era tezaaku, kuba abantu bo be watoola mu Misiri boonooneike beekola ebiswaza.

Okuvaayo 6:13

Aye Musengwa Katonda yaagha Musa ni Aaroni ekiragiro, okutwalira Abaisiraeli ni kyabazinga ow'e Misiri, nga kya kutoola Abaisiraeli mu Misiri.

Okuvaayo 6:20

Amuramu mu kufuna omukazi, yafuna songa we nga bamweta Yokebeda era baazaala abaana abalenzi bano: Aaroni ni Musa. Era yaaghangaala emyaka kikumi n'asatu na musanvu (137).

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Okuvaayo 7:4

Ndidhi nti taja kuwulira agho ni, ndita ku Misiri omukono gwange ogw'amaani era naatoolayo abantu bange Abaisiraeli mu bikunsu, nga mmaze okubonereza Misiri n'ebintu ebitiisa.

Mika 6:4

Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Okubala 33:1

Bino n'ebifo Abaisiraeli bye baajanga nga basimbamu weema dhaibwe, bwe baava e Misiri nga bali bikunsu bikunsu, nga Musa ni Aaroni babakulembeire.

Yoshua 24:5

Nga ghabiseegho ekiseera naatuma Musa ni Aaroni, okubatoola mu Misiri, era naata ku Misiri obuzibu obutakobeka, naabatoolayo.

1 Samueli 12:6

Samueli era yaakoba abantu ati: “Musengwa Katonda n'eyataagho Musa ni Aaroni, era n'eyatoola badhaadha baimwe mu nsi Misiri.

1 Samueli 12:8

Yakobo bwe yaja e Misiri n'ab'endhu ye, memale Abamisiri ni babatuntuza, badhaadha baimwe abo baalirira Musengwa Katonda. Era Musengwa Katonda yaatuma Musa ni Aaroni, baatoola badhaadha baimwe abo e Misiri, baabaleeta okuba mu nsi eno.