Okuvaayo 6:2 - Baibuli Ekibono kya Katonda 2014

² Agho Katonda yaayogera ni Musa, yaamukoba ati: “Ninze Musengwa Katonda.

Okuvaayo 6:2 ပူးပေါင်းရင်းမြစ်များ

Amainhama 15:7

Yaamukoba ati: “Ninze Musengwa eyakutoola mu Uri ensi ey'Abakaladea, naakuleeta okukugha ensi eno.”

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Okuvaayo 14:18

Era bwe nnaamala okufuna ekitiisa ekyo olw'ekyo kye nja okubakola, Abamisiri baidha kumanha nga ninze Musengwa Katonda.”

Okuvaayo 15:3

Musengwa Katonda mulwani wa ntalo, eriina lye ni Musengwa Katonda.

Okuvaayo 17:1

Abaisiraeli boonaboona baasimbuka okuva mu irungu eryetebwa Sina, baajanga nga basula mu bifo eby'endhawulo nga Musengwa Katonda bweyabalagiranga. Oluvainhuma baasimba weema dhaibwe e Refidimu, aye ate yaabulayo amaadhi ge basobola okunhwa.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 3:14

Katonda yaamwiramu ati: “NDI OYO ALIGHO. Ekyo ky'obe oje okobe Abaisiraeli oti, ‘NDI antumye ye muli.’ ”

Okuvaayo 3:15

Era yaayongera okukoba Musa ati: “Ekyo ky'obe oje okobe Abaisiraeli oti, ‘Musengwa Katonda, Katonda wa badhaadha baimwe, Katonda wa Aburahamu, Katonda wa Isaaka era Katonda wa Yakobo, antumye ye muli’ eryo n'eriina lyange ebyanda n'ebyanda, era ntyo bwe ndidha okwetebwanga ense dhoonadhoona edhiriiragho.

Okuvaayo 6:29

Musengwa Katonda oyo yakoba Musa ati: “Ninze Musengwa Katonda. Kobera kyabazinga ow'e Misiri, byonabyona bye nkukoba.”

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Okuvaayo 6:8

Era ndidha kubatwala mu nsi ye nalayira okugha Aburahamu, Isaaka ni Yakobo. Ensi eyo nja kugibagha imwe, ebe yaimwe ku bwaimwe. Ninze Musengwa Katonda.’ ”

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Isaia 43:11

Nze zenka, ninze Musengwa Katonda, era nze zenka, ninze omulokozi waimwe.

Isaia 43:15

Ninze Musengwa Katonda Omutukuvu waimwe, Omutonzi wa Isiraeli era Kyabazinga waimwe.”

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Yeremia 9:24

“Aye buli yeesuuta, yeesuutenga lwa kuba nti: antegeera era andidhi nga ninze Musengwa Katonda agonza abantu obutalekera, era ni nkola amazima n'ebituufu. Ebintu ebyo n'ebinsanhusa. Nze Musengwa Katonda, ninze nkobye.”

Ezekieli 20:5

Era obakobe oti nze Musengwa Katonda ndi kubakoba nti: Olunaku lwe neeroboza eighanga Isiraeli, abaana ba Yakobo abo, nabeeyandhulira nga bali mu nsi Misiri, naabamanhisa nti ninze Musengwa Katonda waibwe.

Malaki 3:6

“Nze Musengwa Katonda tikyukangaku, era n'imwe mwena baidhukulu ba Yakobo timumalibwangagho.