Okuvaayo 6:12 - Baibuli Ekibono kya Katonda 2014

¹² Aye Musa yairamu Musengwa Katonda ati: “Bona eno, ate oba nga Abaisiraeli tibampuliriisa, memale kyabazinga anampulirisa atya? Nze tiri mwogezi mulungi.”

Okuvaayo 6:12 ပူးပေါင်းရင်းမြစ်များ

Okuvaayo 3:11

Aye Musa yaakoba Katonda ati: “Katyo nze ninze ani, aja ye kyabazinga ow'e Misiri nti mbu kutoola Baisiraeli mu Misiri?”

Okuvaayo 3:13

Aye Musa yaakoba Katonda ati: “Bwe ndituuka ku Baisiraeli ni mbakoba nti, ‘Katonda wa badhaadha baimwe antumye ye muli,’ memale ni bambuuza bati, ‘Eriina lye naani?’ Ndibakoba ntya?”

Okuvaayo 4:1

Agho Musa yairamu Musengwa Katonda ati: “Aye bona eno, tibaja kundhikiriza waire okuwulirisa bye ndiba ndi kubakoba. Kuba balikoba bati, ‘Musengwa Katonda tiyakubonekera?’”

Okuvaayo 4:10

Aye Musa yaakoba Musengwa Katonda ati: “Wo Musengwa Katonda, tibangaku mwogezi mulungi okuva eira n'eira. Waire ni mperaano kasookanga otoolera okwogera ninze, nkaali kufuuka mwogezi mulungi. Ndhogera mpola ng'ebigambo ndowoolereza bulowoolereze.”

Okuvaayo 6:13

Aye Musengwa Katonda yaagha Musa ni Aaroni ekiragiro, okutwalira Abaisiraeli ni kyabazinga ow'e Misiri, nga kya kutoola Abaisiraeli mu Misiri.

Okuvaayo 6:30

Aye Musa yaakoba ati: “Wo Musengwa Katonda, okiidhi bukalamu nga nze tiri mwogezi mulungi. Memale kyabazinga anampulirisa atya?”

Okuvaayo 6:9

Musa yaakobera atyo Abaisiraeli aye baaloba kumuwulirisa, kuba okukozesebwa obwiru n'obukambwe byali byabamalamu amaani n'eisuubi.

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Yeremia 1:6

Nze naakoba nti: “Aa, Musengwa Katonda wange, bona eno, nze tiidhi kwogera kuba nkaali muto inho.”

Yeremia 6:10

Nze nairamu nti: “Ni baani be nnaayogera nabo ni bampulirisa mbalabule? Baakalangusa emyoyo gyaibwe, tibenda kuwulira by'okoba. Obukwenda bw'ontuma okubakobera babusekerera, baaloba kubusanhukira naire.

Yeremia 9:26

Abantu abo ni bano: Abamisiri, Abayudaaya, Abaedomu, Abammoni, Abamoabu, nabo boonaboona ababa mu irungu abasala ku nviiri dhaibwe. Kale ni waire ng'ab'eighanga lya Isiraeli lyonalyona bakekete, aye era beebisa ng'abatali bakekete.”

Abalevi 26:41

ni bandeetera okubeefuulaku, ni mbasindika mu bunhage mu nsi y'abazigu baibwe, era baidhukulu baimwe abo bwe balimala okugonda, ni baganha okubonerezebwa olw'ebibi byaibwe,

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Amateeka Agokubiri 30:6

Musengwa Katonda waimwe alireetera emyoyo gyaimwe n'egya baidhukulu baimwe abaliiragho okuba emigonvu, mwamugonza n'omutima gwaimwe gwonagwona era n'omwoyo gwaimwe gwonagwona, memale mwaba abalamu.